ರಾಷ್ಟ್ರೀಯ ಹೆದ್ದಾರಿಯಲ್ಲಿ ವ್ಹೀಲಿಂಗ್‌: 60ಕ್ಕೂ ಹೆಚ್ಚು ಬೈಕ್ ವಶ

ಬೆಂಗಳೂರು: ರಾಷ್ಟ್ರೀಯ ಹೆದ್ದಾರಿಯಲ್ಲಿ ವಾರದ ಅಂತ್ಯದಲ್ಲಿ ಮೋಜು ಮಸ್ತಿಯಲ್ಲಿ ತೊಡಗಲು ಅನೇಕ ಯುವಕರ ತಂಡ ಬೈಕ್ ಹಾಗೂ ಆಟೋಗಳಲ್ಲಿ ವಿಲಿಂಗ್ ಮಾಡಲು ಬೆಂಗಳೂರಿನಿಂದ ಕೋಲಾರ ಮಾರ್ಗದಲ್ಲಿ ಸಂಚರಿಸಿದ್ದು, 60ಕ್ಕೂ ಹೆಚ್ಚು ಬೈಕ್‌ಗಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ.

ಶನಿವಾರ ಶಭ್ ಎ ಭರತ್ ಹಬ್ಬದ ಪ್ರಯುಕ್ತ ಬೆಂಗಳೂರು ಮೂಲದ ಯುವಕರು 50 ರಿಂದ 60 ಬೈಕ್‌ಗಗಳಲ್ಲಿ ವ್ಹೀಲಿಂಗ್ ಮಾಡಿಕೊಂಡು ರಸ್ತೆಯಲ್ಲಿ ಸಂಚರಿಸುತ್ತಿದ್ದ ವೇಳೆ 3 ತಂಡಗಳಾಗಿ ರಾತ್ರಿ ಸುಮಾರು 12.30ರ ವೇಳೆಗೆ ಕಾರ್ಯಾಚರಣೆಗೆ ಇಳಿದರು.

ಪೊಲೀಸರು ಬೆಳಗಿನ ಜಾವ 4 ರ ತನಕ ಕಾರ್ಯಾಚರಣೆ ನಡೆಸಿ ಬೈಕ್ ಹಾಗೂ ಕಾರನ್ನು ವಶಪಡಿಸಿಕೊಂಡು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಸುಮಾರು ದಿನಗಳಿಂದ ರಾಷ್ಟ್ರೀಯ ಹೆದ್ದಾರಿ 75ರಲ್ಲಿ ಶನಿವಾರ ರಾತ್ರಿ ಹಾಗೂ ಭಾನುವಾರ ಹೆಚ್ಚಿನ ಯುವಕರು ವ್ಹೀಲಿಂಗ್ ಹಾಗೂ ರೇಸ್ ಗಳಲ್ಲಿ ತೊಡಗುತ್ತಿದ್ದರು. ಇವರಿಗೆ ನಂದಗುಡಿ ಪೊಲೀಸರು ಅನೇಕ ಬಾರಿ ವಾರ್ನಿಂಗ್ ಕೊಟ್ಟಿದ್ದರು ಸಹ ಪುನಃ ತಮ್ಮ ಚಟ ಮುಂದುವರೆಸುತ್ತಿದ್ದರು.

ಆದರೆ ತಡರಾತ್ರಿ ಇದಕ್ಕೆ ಬ್ರೇಕ್ ಹಾಕಿ 65 ಬೈಕ್ ಗಳನ್ನು ವಶಪಡಿಸಿಕೊಂಡಿದ್ದಾರೆ.

ವ್ಹೀಲಿಂಗ್ ಮಾಡುವುದರಿಂದ ರಸ್ತೆಯಲ್ಲಿ ಸಂಚರಿಸುವ ಇತರೆ ವಾಹನ ಸವಾರರಿಗೆ ತೊಂದರೆಯಾಗುತ್ತದೆ. ವ್ಹೀಲಿಂಗ್ ಮಾಡುವ ವೇಳೆ ಅನೇಕ ಯುವಕರು ಮೃತ ಪಟ್ಟಿರುವ ಘಟನೆ ಸಹ ನಡೆದಿದೆ. ಇಷ್ಟಾದರೂ ಚಟ ಬಿಡದ ಯುವಕರಿಗೆ ಪೊಲೀಸರು ತಕ್ಕ ಪಾಠ ಕಲಿಸಿದ್ದಾರೆ.