ವಿದ್ಯುತ್‌ ಅಪಘಾತಕ್ಕೆ ಯುವಕ ಬಲಿ

ಕೋಡಿಗೇನಹಳ್ಳಿ: ವೆಲ್ಡಿಂಗ್ ಕೆಲಸ ಮಾಡುವ ವೇಳೆ ವಿದ್ಯುತ್‌ ಸ್ಪರ್ಶಿಸಿ ಯುವಕನೋರ್ವ ಮೃತಪಟ್ಟಿದ್ದಾನೆ.

ದೊಡ್ಡಬಳ್ಳಾಪುರದ ನೆರಳಗಟ್ಟ ಗ್ರಾಮದಲ್ಲಿನ ಲಕ್ಷ್ಮಿ ನಾರಾಯಣ ಪಿಳ್ಳೆ (27) ಮೃತ ದುರ್ಧೈವಿ.

ದೊಡ್ಡಮಾಲೂರು ಗ್ರಾಮ ವಿಕೆ ಫ್ಲವರ್ ಗ್ರೀನ್ ಹೌಸ್ ನಲ್ಲಿ ವೆಲ್ಡಿಂಗ್ ಕೆಲಸ ಮಾಡುತ್ತಿದ್ದ ಲಕ್ಷ್ಮೀ ನಾರಾಯಣ, ಅಚಾನಕ್‌ ಆಗಿ ವಿದ್ಯುತ್‌ ತಂತಿ ಮುಟ್ಟಿದ್ದಾನೆ. ಇದನ್ನು ಗಮನಿಸಿದ ಜೊತೆಗಾರರು ಕೂಡಲೇ ಸ್ವಿಚ್‌ ಆಫ್‌ ಮಾಡಿದ್ದಾರೆ. ತೀವ್ರ ಅಸ್ವಸ್ಥಗೊಂಡಿದ್ದಲಕ್ಷ್ಮೀ ನಾರಾಯಣ ಅವರನ್ನು ಕೋಡಿಗೇನಹಳ್ಳಿ ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ಸಾಗಿಸುವ ಮಾರ್ಗ ಮಧ್ಯೆ ಮೃತಪಟ್ಟಿದ್ದಾರೆ ಎನ್ನಲಾಗಿದೆ. ಘಟನಾ ಸ್ಥಳಕ್ಕೆ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.