ಬೀದರ್‌: ವೈದ್ಯ, ಎಎಸ್‌ಐ ಸೇರಿ 17 ಜನರಿಗೆ ಕೊರೊನಾ, 600 ದಾಟಿದ ಸೋಂಕಿತರ ಸಂಖ್ಯೆ

ಬೀದರ್: ಗಡಿ ಜಿಲ್ಲೆ ಬೀದರ್‌ನಲ್ಲಿ ಕೊರೊನಾ ಅಬ್ಬರ ಮುಂದುವರೆದಿದೆ. ಮಂಗಳವಾರ 17 ಜನಕ್ಕೆ ಹೊಸದಾಗಿ ಕೊರೊನಾ ದೃಢಪಟ್ಟಿದೆ. ಇದರಲ್ಲಿ ವೈದ್ಯ ಹಾಗೂ ಎಎಸ್ಐಗೂ ಸೋಂಕು ತಗುಲಿರುವುದು ಆತಂಕಕ್ಕೆ ಕಾರಣವಾಗಿದೆ. ಹೊಸ ಕೇಸ್‌ಗಳಿಂದ ಸೋಂಕಿತರ ಸಂಖ್ಯೆ 607ಕ್ಕೆ ತಲುಪಿದೆ.

ಹೊಸ ಸೋಂಕಿತರ ಪೈಕಿ ಓರ್ವ ವೈದ್ಯ ಹಾಗೂ ಆತನ ಪುತ್ರ, ಚಿಟಗುಪ್ಪ ಪೊಲೀಸ್ ಠಾಣೆಯ ಎಎಸ್‌ಐಗೂ ಸೋಂಕು ತಗುಲಿರುವುದು ಖಚಿತವಾಗಿದೆ. ಸೋಮವಾರ ಕೂಡ 28 ಪ್ರಕರಣಗಳು ಜಿಲ್ಲೆಯಲ್ಲಿ ಪತ್ತೆಯಾಗಿದ್ದವು. ಇದುವರೆಗೂ ಜಿಲ್ಲೆಯಲ್ಲಿಯೇ 19 ಜನ ಕೊರೊನಾಗೆ ಬಲಿಯಾಗಿರುವುದು ಜಿಲ್ಲಾಡಳಿತದ ನಿದ್ದೆಗೆಡಿಸಿದೆ.

ಇದುವರೆಗೂ ಪತ್ತೆಯಾದ 607 ಸೋಂಕಿತರ ಪೈಕಿ 477 ಜನ ಗುಣಮುಖರಾಗಿದ್ದರೆ, 111 ಪ್ರಕರಣಗಳು ಸಕ್ರಿಯವಾಗಿವೆ. 192 ಕಂಟೈನ್ಮೆಂಟ್ ಝೋನ್‌ಗಳನ್ನು ಘೋಷಿಸಲಾಗಿದೆ. ಇದುವರೆಗೂ 37,873 ಸ್ಯಾಂಪಲ್‌ಗಳನ್ನು ಪ್ರಯೋಗಾಲಯಕ್ಕೆ ಕಳುಹಿಸಲಾಗಿದ್ದು, 35,868 ಪರೀಕ್ಷಾ ವರದಿಗಳು ನೆಗೆಟಿವ್‌ ಎಂದು ಬಂದಿದೆ. ಇನ್ನು, 1398 ಸ್ಯಾಂಪಲ್‌ಗಳ ವರದಿ ಬರಬೇಕಿದೆ.

ಬೀದರ್‌ನ 383 ಕೊರೊನಾ ಸೋಂಕಿತರಲ್ಲಿ 273 ಜನಕ್ಕೆ ಮಹಾರಾಷ್ಟ್ರ ನಂಟು..!