ಬೀದರ್‌ನಲ್ಲಿ ಮುಂದುವರೆದ ಕೊರೊನಾ ಸಾವಿನ ಸರಣಿ; ಮತ್ತೆ 5 ಸಾವು, 4 ದಿನದಲ್ಲಿ 28 ಮಂದಿ ಬಲಿ

ಬೀದರ್‌: ಗಡಿ ಜಿಲ್ಲೆಯಲ್ಲಿ ಕೊರೊನಾ ವೈರಸ್‌ ಅಕ್ಷರಶಃ ಅಟ್ಟಹಾಸ ಮುಂದುವರೆಸಿದೆ. ಕಳೆದ ಮೂರು ದಿನಗಳಲ್ಲಿ 23 ಜನರನ್ನು ಬಲಿಪಡೆದಿದ್ದ ಕೊರೊನಾ ಮಂಗಳವಾರ ಮತ್ತೆ 5 ಮಂದಿಯನ್ನು ಆಹುತಿ ತೆಗೆದುಕೊಂಡಿದೆ. ಜೊತೆಗೆ ಮತ್ತೆ 51 ಜನರಲ್ಲಿ ಕೊರೊನಾ ಸೋಂಕು ದೃಢಪಟ್ಟಿರುವುದು ಆತಂಕ ಮೂಡಿಸಿದೆ.

5 ಜನ ಸಾವನ್ನಪ್ಪುವುದರೊಂದಿಗೆ ಜಿಲ್ಲೆಯಲ್ಲಿ ಕೊರೊನಾ ಕಾರಣದಿಂದ ಸಾವನ್ನಪ್ಪಿದವರ ಸಂಖ್ಯೆ 49ಕ್ಕೆ ಏರಿಕೆಯಾಗಿದೆ. ಮತ್ತೊಂದು ಬಾರಿ ಹೊಸ ಸೋಂಕಿತರ ಸಂಖ್ಯೆ ಅರ್ಧಶತಕದ ಗಡಿ ದಾಟಿದ್ದು, ಒಟ್ಟು ಪಾಸಿಟಿವ್‌ ಕೇಸ್‌ಗಳ ಸಂಖ್ಯೆ 850ಕ್ಕೆ ಏರಿದೆ.

ಇನ್ನು, ಜಿಲ್ಲೆಯಲ್ಲಿ 231 ಕಂಟೈನ್ಮೆಂಟ್ ಝೋನ್‌ಗಳನ್ನು ಘೋಷಿಸಲಾಗಿದೆ. ಇನ್ನೂ ಜಿಲ್ಲೆಯ 2721 ಜನರ ವರದಿ ಬರಬೇಕಿದೆ. ಸೋಮವಾರದ ಸಂಜೆವರೆಗಿನ ವರದಿಯಂತೆ ಜಿಲ್ಲೆಯಲ್ಲಿ 561 ಜನ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದು, 194 ಪ್ರಕರಣಗಳು ಸಕ್ರಿಯವಾಗಿವೆ.

ಬೀದರ್‌ನಲ್ಲಿ ಕೊರೊನಾ ಅಟ್ಟಹಾಸ; ಮತ್ತೆ 9 ಸಾವು, ಮೂರೇ ದಿನದಲ್ಲಿ 23 ಮಂದಿ ಬಲಿ

ಸಾವಿನ ಸಂಖ್ಯೆಯಲ್ಲಿ ಬೀದರ್‌ಗೆ ಎರಡನೇ ಸ್ಥಾನ
ಬೀದರ್‌ನಲ್ಲಿ ನಾಲ್ಕು ದಿನದಲ್ಲಿ ಒಟ್ಟು 28 ಜನ ಕೊರೊನಾಗೆ ಬಲಿಯಾಗಿರುವುದು ಆತಂಕ ಮೂಡಿಸಿದೆ. ಜಿಲ್ಲೆಯಲ್ಲಿ ಇದುವರೆಗೂ 49 ಜನ ಕೊರೊನಾದಿಂದ ಮೃತಪಟ್ಟಿರುವುದರಿಂದ ಬೀದರ್‌ ರಾಜ್ಯದಲ್ಲಿನ ಮೃತರ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿದೆ. ಮೊದಲ ಸ್ಥಾನದಲ್ಲಿ ಬೆಂಗಳೂರು ನಗರ ಇದ್ದರೆ, ಬಳ್ಳಾರಿ ಮೂರನೇ ಸ್ಥಾನದಲ್ಲಿದೆ.

ಬೀದರ್‌ನಲ್ಲಿ ಕೊರೊನಾ ಮರಣ ಮೃದಂಗ: ಡೆಡ್ಲಿ ವೈರಸ್‌ಗೆ ಒಂದೇ ದಿನ 9 ಬಲಿ, 37ಕ್ಕೇರಿದ ಸಾವಿನ ಸಂಖ್ಯೆ