ಅಂಗನವಾಡಿ ನೌಕರರಿಂದ ಬೃಹತ್‌ ರಾಯಲಿ

ಬಸವಕಲ್ಯಾಣ :ಅಂಗನವಾಡಿ ನೌಕರರ 7ನೇ ರಾಜ್ಯಮಟ್ಟದ ಸಮ್ಮೇಳನದ ನಿಮಿತ್ತ ನಗರದಲ್ಲಿ ಬುಧವಾರ ಬೃಹತ್‌ ಮೆರವಣಿಗೆ ನಡೆಸಲಾಯಿತು. ಐತಿಹಾಸಿಕ ಕೋಟೆಯಿಂದ ಮುಖ್ಯ ರಸ್ತೆಯ ಮಾರ್ಗವಾಗಿ ಗಾಂಧಿವೃತ್ತ, ಶ್ರೀ ಬಸವೇಶ್ವರ ವೃತ್ತ, ಅಂಬೇಡ್ಕರ ವೃತ್ತದ ಮೂಲಕ ಕಾರ್ಯಕ್ರಮದ ವೇದಿಕೆಯಾದ ನಗರದ ರಥ ಮೈದಾನದಲ್ಲಿರುವ ಸಭಾ ಭವನದವರೆಗೂ ಸಾಗಿತು.
ಮಧ್ಯಾಹ್ನ ಆರಂಭಗೊಂಡ ಮೆರವಣಿಗೆಗೆ ಹೊಸದಿಲ್ಲಿಯ ಎ.ಆರ್‌.ಸಿಂಧು, ಉಷಾರಾಣಿ ಹಾಗೂ ಅಂಗನವಾಡಿ ನೌಕರರ ರಾಜ್ಯ ಸಮಿತಿಯ ಅಧ್ಯಕ್ಷೆ ಎಸ್‌.ವರಲಕ್ಷ್ಮೀ ಅವರು ಜಂಟಿಯಾಗಿ ಚಾಲನೆ ನೀಡಿದರು.

ಮೆರವಣಿಗೆಯಲ್ಲಿ ಪ್ರಮುಖರಾದ ಎಂ.ಎಸ್‌.ಮೀನಾಕ್ಷಿ ಸುಂದರಂ, ಮಾರುತಿ ಮಾನ್ಪಡೆ, ಎಚ್‌.ಎಸ್‌. ಸುನಂದಾ, ಶಾಂತಾ ಎನ್‌. ಘಂಟೆ, ಶ್ರೀದೇವಿ ಚಿವಡೆ, ಸುಶೀಲಾ ಹತ್ತಿ, ಪದ್ಮಾವತಿ ಸ್ವಾಮಿ, ಕಾರ್ಯಕರ್ತೆಯರು ಸಾಲಾಗಿ ತೆರಳಿದರು.

ಈ ರಾರ‍ಯಲಿಯಲ್ಲಿ ರಾಜ್ಯದ ವಿವಿಧ ಜಿಲ್ಲೆಯ ಅಂಗನವಾಡಿ ಕಾರ್ಯಕರ್ತೆಯರು, ಸೇವಕರು ಪದಾಧಿಕಾರಿಗಳು ಪಾಲ್ಗೊಂಡಿದ್ದರು.

ರಾರ‍ಯಲಿಯುದ್ದಕ್ಕೂ ಕೇಂದ್ರ ಸರಕಾರದ ವಿರುದ್ಧ ಘೋಷಣೆಗಳನ್ನು ಕೂಗಿ ವಿವಿಧ ಬೇಡಿಕೆಗಳನ್ನು ಈಡೇರಿಸಿ ನ್ಯಾಯ ದೊರಕಿಸಿಕೊಡಬೇಕು ಎಂದು ಕೂಗಲಾಯಿತು.

ರಾಜ್ಯದ ವಿವಿಧ ಜಿಲ್ಲೆಯಿಂದ ರಾರ‍ಯಲಿಯಲ್ಲಿ ಭಾಗವಹಿಸಿದ ನೌಕರರು, ಕೆಂಪು ಸೀರೆ ಉಟ್ಟು ಕಣ್ಮನ ಸೆಳೆದರೆ, ಕೆಂಪು ಟೋಪಿ, ಕೈಯಲ್ಲಿ ಸಿಐಟಿಯನ ಧ್ವಜ, 50 ಅಡಿಯಷ್ಟು ಸಿಐಟಿಯು ಲಾಂಛನ ಹೊಂದಿದ ಧ್ವಜ ಹಿಡಿದು ಸಾಲಾಗಿ ಆಗಮಿಸಿದರು. ಗದಗ ಜಿಲ್ಲೆಯ ಚಂದ್ರಮುಖಿ ಮಹಿಳಾ ಡೊಳ್ಳಿನ ಕಲಾ ತಂಡದಿಂದ ರಾರ‍ಯಲಿಯ ಮುಂಭಾಗದಲ್ಲಿ ಡೊಳ್ಳು ಪ್ರದರ್ಶನ ಗಮನ ಸೆಳೆಯಿತು.

ರಾರ‍ಯಲಿಯಲ್ಲಿ ಶಿಸ್ತು:

ಅಂಗನವಾಡಿ ನೌಕಕರ ರಾರ‍ಯಲಿ ಶಿಸ್ತಿಗೆ ಮೊದಲ ಆದ್ಯತೆ ನೀಡಲಾಗಿತ್ತು. ಮೊದಲು ಕಲಾತಂಡ ಡೊಳ್ಳು ಕುಣಿತ, ಅನೇಕ ಕಾರ್ಯಕರ್ತೆಯರು ದೊಡ್ಡ ಗಾತ್ರ ಸಿಐಟಿಯುನ ಒಂದು ಕೈಯಲ್ಲಿ ಧ್ವಜ, ನಂತರ ಎರಡೂ ಕಡೆಯಿಂದ 50 ಅಡಿ ಉದ್ದ ಧ್ವಜ ಹಿಡಿದು ಸಾಗಿದರೆ, ಅದರ ಹಿಂದೆ ಪ್ರತಿಯೊಬ್ಬ ಕಾರ್ಯಕರ್ತರು ಕೂಡ ಧ್ವಜವನ್ನು ಹಿಡಿದು ಶಿಸ್ತಿನಿಂದ ಸಭಾ ಭವನದತ್ತ ಸಾಗಿದರು.