ಬಾಲ್ಯವಿವಾಹಕ್ಕೆ ಬಿತ್ತು ಬ್ರೇಕ್‌ !

ಬೀದರ್‌ :ಮದುವೆಯ ಆಮಂತ್ರಣ ಪತ್ರವನ್ನು ಫೇಸ್‌ಬುಕ್‌ನಲ್ಲಿ ಹಾಕಿದ್ದನ್ನು ನೋಡಿ ಸಾರ್ವಜನಿಕರು ಮಕ್ಕಳ ಸಹಾಯವಾಣಿ -1098 ಉಚಿತ ಕರೆ ಮಾಡಿ ಮಾಹಿತಿ ನೀಡಿದ್ದರಿಂದ, ಬಾಲ್ಯವಿವಾಹ ತಡೆಯಲು ನೆರವಾಯಿತು.

ತಾಲೂಕಿನ ಸಂಗೋಳಗಿ ಗ್ರಾಮದಲ್ಲಿ ಅಪ್ರಾಪ್ತ ಬಾಲಕಿಯ ಬಾಲ್ಯವಿವಾಹ ನಡೆಯು ಕುರಿತು, ಸಾರ್ವಜನಿಕರು ಮಕ್ಕಳ ಸಹಾಯ ವಾಣಿ ಮುಖಾಂತರ ಡಾನ್‌ಬಾಸ್ಕೋ ಮಕ್ಕಳ ಸಹಾಯವಾಣಿ ಕೇಂದ್ರಕ್ಕೆ ತಿಳಿಸಲಾಗಿದೆ. ಹೀಗಾಗಿ ಶನಿವಾರದಂದು ಆಣದೂರು ಸಿಆರ್‌ಪಿ ಧೂಳಪ್ಪ, ಬಗ್ದಲ್‌ ಪೊಲೀಸ್‌ ಠಾಣೆಯ ಪಿಎಸ್‌ಐ ನಾಗರಾಜ್‌ ಟಿ.ಜೆ., ಜಿಲ್ಲಾ ಮಕ್ಕಳ ರಕ್ಷ ಣಾ ಘಟಕದ ರಕ್ಷ ಣಾಧಿಕಾರಿ ಗೌರಿಶಂಕರ್‌ ಪರತಾಪುರೆ, ಜಿಲ್ಲಾ ಮಕ್ಕಳ ಸಹಾಯವಾಣಿಯ ಸಂಯೋಜಕ ನೇಲ್ಸನ್‌, ತಂಡದ ಪದಾಧಿಕಾರಿಗಳಾದ ಸಾಲೋಮನ್‌, ಮೋಹನಂದ, ಜಾನ್ಸನ್‌ ಕರಂಜಿಕರ್‌, ಅವಿನಾಶ್‌ ಬೇವಿನದೊಡ್ಡಿ ಸಂಗೋಳಗಿ ಗ್ರಾಮ ಪಂಚಾಯಿತಿಗೆ ಭೇಟಿ ನೀಡಿದರು.

ನಂತರ ಅಧಿಕಾರಿಗಳೊಂದಿಗೆ ಗ್ರಾಮ ಪಂಚಾಯಿತಿಯ ಅಧ್ಯಕ್ಷ ರು, ಉಪಾಧ್ಯಕ್ಷ ರು, ಸದಸ್ಯರು ಹಾಗೂ ಗ್ರಾಮದ ಗಣ್ಯರು ಮತ್ತು ಪ್ರೌಢ ಶಾಲೆಯ ಶಿಕ್ಷ ಕರು, ಸಂಗೋಳಗಿ ಗ್ರಾಮದಲ್ಲಿ ಬಾಲ್ಯವಿವಾಹ ನಡೆಯಲಿರುವ ಮಗುವಿನ ಮನೆಗೆ ಭೇಟಿ ನೀಡಿ, ಪಾಲಕರಿಗೆ ಅರಿವು ಮೂಡಿಸಲಾಯಿತು.

ಬಾಲ್ಯವಿವಾಹ ಮಾಡುವುದು ಶಿಕ್ಷಾರ್ಹ ಅಪರಾಧವಾಗಿದೆ. ಬಾಲ್ಯ ವಿವಾಹ ಮಾಡಿದವರಿಗೆ 2 ವರ್ಷ ಜೈಲು ಮತ್ತು 1 ಲಕ್ಷ .ರೂ. ದಂಡ ಅಥವಾ ಎರಡನ್ನು ವಿಧಿಸಲಾಗುತ್ತದೆ ಎಂದು ಅಧಿಕಾರಿಗಳು, ಪಾಲಕರಿಗೆ ಬಾಲ್ಯವಿವಾಹದ ದುಷ್ಪÜರಿಣಾಮ ಹಾಗೂ ಶಿಕ್ಷೆಯ ಕುರಿತು ಅರಿವು ಮೂಡಿಸಿದರು. ನಂತರ ಬಾಲ್ಯವಿವಾಹ ಮಾಡಲು ಮುಂದಾದ ಪಾಲಕರಿಂದ ಮುಚ್ಚಳಿಕೆ ಪತ್ರವನ್ನು ಬರೆಯಿಸಿಕೊಳ್ಳಲಾಯಿತು.