ಬಾಲಕಿ ಅಪಹರಣ:ಫೋಕ್ಸೊ ದಾಖಲು

ಹುಮನಾಬಾದ್‌: ಅಪ್ರಾಪ್ತ ವಯಸ್ಸಿನ ಬಾಲಕಿಯ ಅಪಹರಣ ಮಾಡಿರುವ ಆರೋಪದ ಮೇರೆಗೆ ತಾಲೂಕಿನ ಜಲಸಂಗಿ ಗ್ರಾಮದ 6 ಜನರ ವಿರುದ್ಧ ಫೋಕ್ಸೊ ಕಾಯ್ದೆಯಡಿ ಪ್ರಕರಣ ದಾಖಲಾಗಿದೆ.

ಗ್ರಾಮದಲ್ಲಿ ಬಾಲಕಿ ಶಾಲೆಗೆ ಹೋಗುವಾಗ ಅವಳಿಗೆ ಚುಡಾಯಿಸಿದ ಆರೋಪಿ ಸುರೇಶ ಲಾಲಪ್ಪಾ ಮೇಲ್ಕೆರಿ, ಲೈಂಗಿಕ ಪ್ರಚೋದನೆ ಮಾತುಗಳನ್ನು ಆಡುತ್ತ ಬಂದಿರುತ್ತಾನೆ. ಆರೋಪಿಯು ಅವರ ಸಂಬಂಧಿ ಹಾಗು ಮಿತ್ರರಾದ ತೇಜಮ್ಮಾ ಲಾಲಪ್ಪಾ ಮೇಲ್ಕೆರಿ, ರಮೇಶ ಲಾಲಪ್ಪಾ ಮೇಲ್ಕೆರಿ, ಗೋಪಾಲ ಲಾಲಪ್ಪಾ ಮೇಲ್ಕೆರಿ, ಸುಧಾಕರ ಮಾಣಿಕ, ರಾಹುಲ ಪ್ರಕಾಶ ಮೇತ್ರೆ ಅವರ ಸಹಾಯದಿಂದ ವ್ಯವಸ್ಥಿತ ಸಂಚು ರೂಪಿಸಿ, ಫಿರ್ಯಾದಿಯವರ ಮಗಳಿಗೆ ಪುಸಲಾಯಿಸಿ ಜೂ.2 ರಂದು ನಸುಕಿನಲ್ಲಿ ಅಪಹರಿಸಿಕೊಂಡು ಹೋಗಿದ್ದಾನೆ ಎಂದು ಬಾಲಕಿಯ ತಂದೆ ದೂರಿದ್ದಾರೆ. ಹುಮನಾಬಾದ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.