ಶಾಸಕ ಈಶ್ವರ್ ಖಂಡ್ರೆ ವಿರುದ್ಧದ ಚುನಾವಣಾ ತಕರಾರು ಅರ್ಜಿ, 22ರಂದು ವಿಚಾರಣೆ

ಬೀದರ್: ಬೀದರ್ ಜಿಲ್ಲೆಯ ಭಾಲ್ಕಿ ಕ್ಷೇತ್ರದ ಶಾಸಕ ಈಶ್ವರ್ ಭೀಮಣ್ಣ ಖಂಡ್ರೆ ವಿರುದ್ಧ ಪರಾಜಿತ ಅಭ್ಯರ್ಥಿ ಡಿ.ಕೆ. ಸಿದ್ರಾಮ್ ಬೆಂಗಳೂರು ಹೈಕೋರ್ಟ್ನಲ್ಲಿ ಸಲ್ಲಿಸಿರುವ ಚುನಾವಣಾ ತಕರಾರು ಅರ್ಜಿ ಜುಲೈ 22ರಂದು ವಿಚಾರಣೆಗೆ ಬರಲಿದೆ.

ಹೈಕೋರ್ಟ್ ‌ನಲ್ಲಿ ಸಲ್ಲಿಸಿರುವ ಎಲೆಕ್ಷನ್ ಪಿಟಿಷನ್ (ನಂಬರ್ 200001/2018) ದಿನಾಂಕ:3-07-2020 ರಂದು ಹೈಕೋರ್ಟ್ ನಲ್ಲಿ ವಿಚಾರಣೆಗೆ ಬಂದಿತ್ತು.

ಪ್ರತಿವಾದಿ ಶಾಸಕ ಈಶ್ವರ್ ಖಂಡ್ರೆ ಅವರನ್ನು Ex- parte ಯನ್ನಾಗಿ ಮಾಡಿ ಮುಂದಿನ ವಿಚಾರಣೆ ಜು. 22ರಂದು ನಿಗದಿಪಡಿಸಲಾಗಿದ್ದು, ನ್ಯಾಯಮೂರ್ತಿ ಕೃಷ್ಣ ದೀಕ್ಷಿತ್ ಅವರ ಎದುರಿಗೆ ಬರಲಿದೆ ಎಂದು ಮೂಲಗಳು ದೃಢಪಡಿಸಿವೆ.