ಕೃಷಿಯಲ್ಲಿ ಹಾನಿ, ರೈತ ನೇಣಿಗೆ

ಬೀದರ್‌: ಕೃಷಿಯಲ್ಲಿ ಹಾನಿ ಅನುಭವಿಸಿ ನೊಂದ ಬೀದರ್‌ ತಾಲೂಕಿನ ಕಮಠಾಣಾ ಗ್ರಾಮದ ಲಕ್ಷ್ಮಣ ಚಿನ್ನಂಪಲ್ಲಿ (45) ಹುಣಸೆ ಮರಕ್ಕೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ತನ್ನ ಸ್ವಂತ ಒಂದೂವರೆ ಎಕರೆ ಜಮೀನು ಹಾಗೂ ಬೇರೆಯವರ ಜಮೀನನ್ನು ಸಹ ಈ ರೈತ ಕಡತಿ ಹಾಕಿಕೊಂಡು ಕೃಷಿ ಮಾಡಿದ್ದರು. ಇದಕ್ಕಾಗಿ ಸಾಲ ಮಾಡಿದ್ದರು. ಮಗಳ ಮದುವೆ ಮಾಡಲಾಗದೆ ಹಾಗೂ ಬೆಳೆ ಬಾರದೆ ಚಿಂತಿತನಾದ ರೈತ ಲಕ್ಷ್ಮಣ ನೇಣಿಗೆ ಶರಣಾಗಿದ್ದಾರೆ. ಬೀದರ್‌ ಗ್ರಾಮೀಣ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.