ಟ್ರ್ಯಾಕ್ಟರ್‌ ಪಲ್ಟಿ ಇಬ್ಬರ ಸಾವು

ಚಿಟಗುಪ್ಪ: ಚಾಲಕನ ಆಯತಪ್ಪಿದ್ದರಿಂದ ಟ್ರ್ಯಾಕ್ಟರ್‌ ಪಲ್ಟಿಯಾಗಿ ಒಬ್ಬ ಸ್ಥಳದಲ್ಲಿಯೇ ಮೃತಪಟ್ಟರೆ ಇನ್ನೊಬ್ಬನಿಗೆ ಚಿಕಿತ್ಸೆ ಫಲಕಾರಿಯಾಗದೆ ಆಸ್ಪತ್ರೆಯಲ್ಲಿ ಅಸು ನೀಗಿದ ಘಟನೆ ತಾಲೂಕಿನ ನಿರ್ಣಾ ಗ್ರಾಮದ ಕೋಳಿಫಾಮ್‌ ಬಳಿ ಬುಧವಾರ ನಸುಕಿನ ಜಾವ ಜರುಗಿದೆ.

ಮನ್ನಾಎಖೇಳ್ಳಿ ಗ್ರಾಮದ ಮೀರಾಜ್‌ ಕಾಲೊನಿ ನಿವಾಸಿ ಭೀಮಶ್ಯಾ ತಿಪ್ಪಣ್ಣಾ ವಡ್ಡರ (35) ಸ್ಥಳದಲ್ಲಿಯೇ ಮೃತಪಟ್ಟರೆ ಮನ್ನಾಎಖೇಳ್ಳಿ ನಿವಾಸಿ ಅಂಬಾಜಿ ರಾಮಯ್ಯ ವಡ್ಡರ (45) ಬೀದರ ಜಿಲ್ಲಾಸ್ಪತ್ರೆಯಲ್ಲಿ ಚಿಕಿತ್ಸೆ ಫಲಕಾರಿಯಾಗದೆ ಅಸುನೀಗಿದ್ದಾರೆ ಎಂದು ಪೊಲೀಸ್‌ ಮೂಲಗಳಿಂದ ತಿಳಿದು ಬಂದಿದೆ.

ಈ ಘಟನೆಯಲ್ಲಿ ಇನ್ನೊಬ್ಬರಿಗೂ ತೀವ್ರ ಗಾಯಗಳಾಗಿದ್ದು ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ಮನ್ನಾಎಖೇಳ್ಳಿ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.