ಏ. 21ರವರೆಗೆ ಬೀದರ್‌ಗೆ ಉಚಿತ ನಂದಿನಿ ಹಾಲು: ಪ್ರಭು ಚವ್ಹಾಣ್

ಬೀದರ್: ಜಿಲ್ಲೆಯಲ್ಲಿ ಪ್ರತಿನಿತ್ಯ ಒಟ್ಟು ಹತ್ತು ಸಾವಿರ ಲೀಟರ್ ನಂದಿನಿ ಹಾಲನ್ನು ಉಚಿತವಾಗಿ ನೀಡುವ ಆದೇಶವನ್ನು ಏ.21ರವರೆಗೆ ವಿಸ್ತರಿಸಲಾಗಿದೆ ಎಂದು ಪಶು ಸಂಗೋಪನೆ, ವಕ್ಫ್ ಮತ್ತು ಹಜ್ ಹಾಗೂ ಬೀದರ್ ಜಿಲ್ಲಾ ಉಸ್ತುವಾರಿ ಸಚಿವರಾದ ಪ್ರಭು ಚವ್ಹಾಣ್ ತಿಳಿಸಿದ್ದಾರೆ.

ಈ ಹಿಂದೆ ಏಪ್ರಿಲ್ 14ರವರೆಗೆ ಲಾಕ್ ಡೌನ್ ಇರುವುದರಿಂದ ಬಡ ಕೂಲಿಕಾರ್ಮಿಕರಿಗೆ, ಕೊಳಚೆ ನಿವಾಸಿಗಳಿಗೆ ತೊಂದರೆಯಾಗಬಾರದೆಂದು ಕೆ.ಎಂ.ಎಫ್. ವತಿಯಿಂದ ಹಾಲಿನ ಉಚಿತ ವಿತರಣೆಗೆ ಕ್ರಮಕೈಗೊಳ್ಳಲಾಗಿತ್ತು.

ಇದೀಗ ರಾಜ್ಯಾದ್ಯಂತ ಉಚಿತ ಹಾಲು ವಿತರಣೆಗೆ ಸಾಕಷ್ಟು ಬೇಡಿಕೆ ಬಂದಿರುವುದರಿಂದ ಅದನ್ನು ಏಪ್ರಿಲ್ 21 ರವೆರೆಗೆ ವಿಸ್ತರಿಸಲಾಗಿದೆ ಎಂದು ತಿಳಿಸಿದ್ದಾರೆ.

ಕೊರೊನಾ ಲಾಕ್‌ಡೌನ್ 2.0: ಜೀವರಕ್ಷಣೆ ಜತೆಗೆ, ಜೀವನಾಂಶಕ್ಕೂ ದಾರಿ ಹುಡುಕಬೇಕಿದೆ!

ಜಿಲ್ಲೆಯಲ್ಲಿ ಐದು ಸಾವಿರ ಲೀಟರ್ ವಿತರಿಸಲಾಗುತ್ತಿತ್ತು. ಅದನ್ನು ಜನಸಾಮಾನ್ಯರಿಗೆ ಅನುಕೂಲವಾಗಲೆಂದು ಸಚಿವರು 10,000 ಲೀಟರ್‌ಗೆ ಹೆಚ್ಚಿಸಿ ಹಾಲಿನ ವಿತರಣೆಗೆ ಕ್ರಮ ವಹಿಸಿದ್ದರು.

ಏ.15ಕ್ಕೆ ಚೀನಾದಿಂದ ಆಗಮಿಸಲಿವೆ ಲಕ್ಷಾಂತರ ಕೊರೊನಾ ಕಿಟ್‌: ಐಸಿಎಂಆರ್

ಕೊರೋನಾ ಹಿನ್ನೆಲೆಯಲ್ಲಿ ಇಡೀ ಭಾರತವೇ ಲಾಕ್‌ಡೌನ್ ಆಗಿರುವುದರಿಂದ ಜಿಲ್ಲೆಯಲ್ಲಿರುವ ನಿರ್ಗತಿಕರು, ಅಲೆಮಾರಿ ಜನಾಂಗ, ಕೊಳಗೇರಿ ನಿವಾಸಿಗಳು ತೀವ್ರ ಸಂಕಷ್ಟ ಒಳಗಾಗಿರುವುದನ್ನು ಮನಗಂಡು ಬೀದರ್ ಜಿಲ್ಲೆಯಲ್ಲಿ ಪ್ರತಿ ದಿನ ಹತ್ತು ಸಾವಿರ ಲೀಟರ್ ನಂದಿನಿ ಹಾಲನ್ನು ವಿತರಿಸಲಾಗುತ್ತಿದೆ.