ಸಾಲಬಾಧೆ ತಾಳದೆ ರೈತ ಆತ್ಮಹತ್ಯೆ

ಕಮಲನಗರ : ಸಾಲಕ್ಕೆ ಹೆದರಿ ತಾಲೂಕಿನ ಡಿಗ್ಗಿ ಗ್ರಾಮದ ರೈತ ಸಂಜೀವಕುಮಾರ ಗುರುಬಸಪ್ಪ ಬನವಾಸೆ (42) ಗುರುವಾರ ನಸುಕಿನ ಜಾವ ಹೊಲದಲ್ಲಿ ಮರಕ್ಕೆ ನೇಣು ಹಾಕಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.

ಇವರಿಗೆ ಗ್ರಾಮದ ಸರ್ವೆ ನಂ.54ರಲ್ಲಿ 7 ಎಕರೆ 6ಗುಂಟೆ ಜಮೀನು ಇದ್ದು, ಬೇರೆಯವರ ಹೊಲದ ಒಕ್ಕಲುತನ ಮಾಡುತ್ತಿದ್ದರು. ಕೃಷಿ ಕೆಲಸಕ್ಕಾಗಿ ಕಮಲನಗರ ಡಿಸಿಸಿ ಬ್ಯಾಂಕ್‌ನಿಂದ 3ಲಕ್ಷ ರೂ.ಸಾಲ ಮಾಡಿದ್ದರು. ಸಾಲ ತೀರಿಸುವ ಚಿಂತೆಯಲ್ಲಿ ಇತ್ತೀಚೆಗೆ ಸಂಬಂಧಿಕರ ಮನೆಗೆ ಹೋಗಿ ಬಂದಿದ್ದರು. ಆದರೆ, ಹಣ ಸಿಗದೆ ಕಂಗಾಲಾದ ಈ ರೈತ,ಬೆಳಗ್ಗೆ ನವನಾಥ ರಾಂಪೂರೆ ಅವರ ಹೊಲದಲ್ಲಿ ಮರಕ್ಕೆ ನೇಣು ಹಾಕಿಕೊಂಡಿದ್ದಾರೆ ಎಂದು ಮೃತನ ಹೆಂಡತಿ ರೇಣುಕಾ ಸಂಜೀವಕುಮಾರ ದೂರಿನಲ್ಲಿ ತಿಳಿಸಿದ್ದಾರೆ. ಕಮಲನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.