ಕೀಟ ನಿವಾರಣೆಗೆ ಶುಂಠಿ ಅಸ್ತ್ರ

ಬೀದರ್‌:ನಗರದ ಕೃಷಿ ಸಂಶೋಧನಾ ಕ್ರೆಂದ್ರದಲ್ಲಿಶೂನ್ಯ ಬಂಡಾಳ ನೈಸರ್ಗಿಕ ಕೃಷಿ ಯೋಜನೆಯ ಅಡಿಯಲ್ಲಿಈಚೆಗೆ ಹಮ್ಮಿಕೊಂಡಿದ್ದ ಹಿಂಗಾರು ಹಂಗಾಮಿನ ಬೆಳೆಗಳಲ್ಲಿಪೋಷಕಾಂಶ ನಿರ್ವಹಣೆ ಮತ್ತು ಸಸ್ಯ ಸಂರಕ್ಷಣೆಯ ಕುರಿತ ಒಂದು ದಿನದ ತರಬೇತಿ ಕಾರ್ಯಾಗಾರವನ್ನುvijಸಹಾಯಕ ಕೃಷಿ ನಿರ್ದೇಶಕ ಅಬ್ದುಲ್‌ ಮಾಜಿದ್‌ ಉದ್ಘಾಟಿಸಿದರು.

ಕೃಷಿ ಸಂಶೋಧನಾ ಕೇಂದ್ರದ ಮುಖ್ಯಸ್ಥ ಡಾ.ಸುನೀಲ್‌ ಕುಲಕರ್ಣಿ ಅಧ್ಯಕ್ಷತೆ ವಹಿಸಿ, ಶೂನ್ಯ ಬಂಡವಾಳ ಯೋಜನೆಯಡಿ ಬರುವ ವಲಯ-1 ರ ರೈತರ ಅಂಕಿ ಸಂಖ್ಯೆಗಳ ಕುರಿತು ವಿವರಿಸಿದರು.

ಬೇಸಾಯಶಾಸ್ತ್ರ ಸಹ ಸಂಶೋಧಕ ಡಾ. ನಾರಾಯಣ ಹೆಬ್ಬಾಳ ಮಾತನಾಡಿ, ಪೋಷಕಾಂಶಗಳ ನಿರ್ವಹಣೆ ಹಾಗೂ ಬೀಜಾಮೃತ, ಜೀವಾಮೃತದ ಉಪಯೋಗದ ಬಗ್ಗೆ ವಿವರಿಸಿದರು.

ಸಸ್ಯ ರೋಗಶಾಸ್ತ್ರ ವಿಭಾಗದ ಸಹ ಸಂಶೋಧಕ ಡಾ. ರಾಜಾ ಚವ್ಹಾಣ್‌ ರೋಗ ನಿರ್ವಹಣೆಯಲ್ಲಿಶುಂಠಿ ಅಸ್ತ್ರ ಹಾಗೂ ಹುಳಿ ಮಜ್ಜಿಗೆಯ ಉಪಯೋಗದ ಬಗ್ಗೆ ವಿವರಿಸಿದರು.

ಕೃಷಿ ಕೀಟಶಾಸ್ತ್ರದ ಸಹ ಸಂಶೋಧಕಿ ಅಮಿತಾಬೇಗಂ ಮಾತನಾಡಿ, ಅಗ್ನಿಅಸ್ತ್ರ, ನೀಮಾಸ್ತ್ರ, ಬ್ರಹ್ಮಾಸ್ತ್ರದ ತಯಾರಿಕೆ ಹಾಗೂ ಕೀಟನಿರ್ವಹಣೆಯ ಬಗ್ಗೆ ಮಾಹಿತಿ ನೀಡಿದರು. ತಾಂತ್ರಿಕ ಅಧಿಕಾರಿ ಬಸವರಾಜ ಬಿರಾದಾರ್‌ ಹವಾಮಾನ ಮುನ್ಸೂಚನೆಯ ಬಗ್ಗೆ ಮಾಹಿತಿ ನೀಡಿದರು.

ಸಂಶೋಧನಾ ಕೇಂದ್ರದ ವಿಜ್ಞಾನಿಗಳಾದ ಡಾ. ಶೋಭಾರಾಣಿ ಎಂ., ಡಾ. ಜ್ಞಾನದೇವ ಬುಳ್ಳಾ, ರಾಜಕುಮಾರ ಮತ್ತು ವಲಯ-1 ಕೃಷಿ ಅಧಿಕಾರಿಗಳು, ಡಾ. ರವೀಂದ್ರ ಚವ್ಹಾಣ್‌, ಕೈಲಾಸ ಹಾಗೂ ಎಲ್ಲಸಮುದಾಯ ಸಹಾಯಕರು, ಸಮುದಾಯ ಸಂಪನ್ಮೂಲ ವ್ಯಕ್ತಿಗಳು ಮತ್ತಿತರರು ಪಾಲ್ಗೊಂಡರು.