ಮಾಹಿತಿ ಕೊರತೆ; ಖದೀರ್‌ ವಶಕ್ಕೆ

ಬೀದರ್‌: ದೇಶದ್ರೋಹ ಆರೋಪಕ್ಕೆ ಸಂಬಂಧಿಸಿದಂತೆ ಮಂಗಳವಾರವಷ್ಟೆ ನಿರೀಕ್ಷಣಾ ಜಾಮೀನು ಪಡೆದಿರುವ ಬೀದರ್‌ನ ಶಾಹೀನ್‌ ಶಿಕ್ಷಣ ಸಂಸ್ಥೆಯ ಅಧ್ಯಕ್ಷ ಡಾ. ಅಬ್ದುಲ್‌ ಖದೀರ್‌ ಅವರನ್ನು ಮುಂಬೈ ಪೊಲೀಸರು ಜಾಮೀನು ಪಡೆದಿರುವ ಮಾಹಿತಿ ಇಲ್ಲದ ಕಾರಣ ಮುಂಬೈನ ವಿಮಾನ ನಿಲ್ದಾಣದಲ್ಲಿಬುಧವಾರ ವಶಕ್ಕೆ ಪಡೆದಿದ್ದಾರೆ.

ದೇಶದ್ರೋಹ ಪ್ರಕರಣದಡಿ ತಲೆ ಮರೆಸಿಕೊಂಡಿದ್ದ ಅಬ್ದುಲ್‌ ಖದೀರ್‌ ವಿರುದ್ಧ ಬೀದರ್‌ ಪೊಲೀಸರು ಲುಕ್‌ ಓಟ್‌ ಸಕ್ರ್ಯೂಲರ್‌ ಜಾರಿ ಮಾಡಿದ್ದರು. ಈ ಹಿನ್ನೆಲೆಯಲ್ಲಿಮುಂಬೈನ ಪೊಲೀಸರು ವಶಕ್ಕೆ ಪಡೆದಿದ್ದಾರೆ ಎಂದು ಜಿಲ್ಲಾಪೊಲೀಸ್‌ ವರಿಷ್ಠಾಧಿಕಾರಿ ನಾಗೇಶ್‌ ಡಿ.ಎಲ್‌. ವಿಕಕ್ಕೆ ತಿಳಿಸಿದರು. ಬೀದರ್‌ನ ಪೊಲೀಸರು ಬುಧವಾರವೇ ಜಾಮೀನಿನ ಪ್ರತಿಯೊಂದಿಗೆ ಮುಂಬೈಗೆ ತೆರಳಿದ್ದು, ಗುರುವಾರ ಅಬ್ದುಲ್‌ ಖದೀರ್‌ ಅವರು ಬೀದರ್‌ಗೆ ಬರಲಿದ್ದಾರೆ ಎಂಬ ಮಾಹಿತಿ ಇದೆ.