ಬಿಎಸ್‌ವೈ, ಶೆಟ್ಟರ್‌ಗೆ ಲಿಂಗಾಯತದಲ್ಲೇ ಕೊನೆ ಸಂಸ್ಕಾರ: ಮಾತೆ ಮಹಾದೇವಿ

ಬೀದರ್: ಬಿಜೆಪಿ ರಾಜ್ಯ್ಯಾಧ್ಯಕ್ಷ ಬಿ.ಎಸ್. ಯಡಿಯೂರಪ್ಪ ಹಾಗೂ ಜಗದೀಶ್ ಶೆಟ್ಟರ್ ಅವರಿಗೆ ಬಿಜೆಪಿಯಿಂದ ಕೊನೆಗೆ ಸಂಸ್ಕಾರ ನಡೆಯುವುದಿಲ್ಲ, ಲಿಂಗಾಯತದಿಂದಲೇ ಆಗುವುದು ಎಂದು ಲಿಂಗಾಯತ ಧರ್ಮ ಮಹಾಸಭಾದ ಗೌರವಾಧ್ಯಕ್ಷೆ ಡಾ. ಮಾತೆ ಮಹಾದೇವಿ ಹೇಳಿದರು.

ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಬಿಜೆಪಿಯವರನ್ನು ಲಿಂಗಾಯತ ಹೋರಾಟದಿಂದ ದೂರವಿಟ್ಚಿಲ್ಲ. ಅವರೇ ದೂರವಾಗಿದ್ದಾರೆ ಎಂದು ಸ್ಪಷ್ಟಪಡಿಸಿದರು.

ಬೆಂಗಳೂರು ಬಸವನಗುಡಿಯ ನ್ಯಾಷನಲ್ ಕಾಲೇಜು ಮೈದಾನದಲ್ಲಿ ನ.19 ರಂದು ಲಿಂಗಾಯತ ಧರ್ಮೀಯರ ರಾಷ್ಟ್ರೀಯ ಸಮಾವೇಶ ನಡೆಯಲಿದೆ ಎಂದರು.

ವೀರಶೈವ - ಲಿಂಗಾಯತ ಒಮ್ಮತಕ್ಕೆ ಬರಲು ಸಾಧ್ಯವೇ ಇಲ್ಲ ಎಂದ ಅವರು, ಒಮ್ಮತದ ಬದಲು ಬಹುಮತವನ್ನು ನೋಡಿ ಮಾನ್ಯತೆ ನೀಡಬೇಕು ಎಂದು ಸಿಎಂಗೆ ಆಗ್ರಹಿಸಿದರು.

ವೀರಶೈವ - ಲಿಂಗಾಯತ ಇವು ಹಿಂದೂ ಧರ್ಮದಲ್ಲಿನ ಎರಡು ಸಂಪ್ರದಾಯಗಳು ಎಂದಿರುವ ಪೇಜಾವರ ಶ್ರೀಗಳ ನಿಲುವು ಸರಿಯಲ್ಲ ಎಂದೂ ಹೇಳಿದರು.