ಕೆಎಂಎಫ್‌ಗೆ ಮಾರುತಿ ಕಾಶಂಪುರ ಅವಿರೋಧ ಆಯ್ಕೆ

ಬೀದರ್‌ :ಕರ್ನಾಟಕ ಹಾಲು ಮಹಾ ಮಂಡಳ (ಕೆಎಂಎಫ್‌)ದ ನಿರ್ದೇಶಕರಾಗಿ ಜಿಲ್ಲೆಯ ಮಾರುತಿ ಕಾಶಂಪುರ ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ. ಮಾರುತಿ ಅವರು ಜಿಲ್ಲಾ ಉಸ್ತುವಾರಿ ಸಚಿವ ಬಂಡೆಪ್ಪ ಕಾಶಂಪುರ ಅವರ ಕಿರಿಯ ಸಹೋದರರಾಗಿದ್ದಾರೆ.
ಮಾರುತಿ ಅವರು ಮೂರು ಅವಧಿಗೆ ನಿರ್ದೇಶಕರಾಗಿ ಉತ್ತಮ ಕೆಲಸ ಮಾಡಿದ್ದಾರೆ. ಇದೀಗ ನಾಲ್ಕನೇ ಬಾರಿಗೆ ಅವಿರೋಧವಾಗಿ ಆಯ್ಕೆಯಾಗಿರುವುದು ಸಂತಸ ಉಂಟು ಮಾಡಿದೆ ಎಂದು ಜೆಡಿಎಸ್‌ ಜಿಲ್ಲಾ ಘಟಕದ ಅಧ್ಯಕ್ಷ ರಮೇಶ ಪಾಟೀಲ್‌ ಸೋಲಾಪುರ ತಿಳಿಸಿದ್ದಾರೆ.

ಕರ್ನಾಟಕ ಹಾಲು ಮಹಾ ಮಂಡಳದ ನೂತನ ನಿರ್ದೇಶಕ ಮಾರುತಿ ಕಾಶಂಪುರ ಅವರನ್ನು ಕಲಬುರಗಿಯ ಬೀದರ್‌- ಕಲಬುರ್ಗಿ- ಯಾದಗಿರಿ ಹಾಲು ಒಕ್ಕೂಟದ ಕಚೇರಿಯಲ್ಲಿ ಮಂಗಳವಾರ ಸನ್ಮಾನಿಸಲಾಯಿತು.

ಜೆಡಿಎಸ್‌ ಬೀದರ್‌ ಜಿಲ್ಲಾ ಘಟಕದ ಅಧ್ಯಕ್ಷ ರಮೇಶ ಪಾಟೀಲ್‌ ಸೋಲಾಪುರ ,ಒಕ್ಕೂಟದ ನಿರ್ದೇಶಕ ಮಲ್ಲಿಕಾರ್ಜುನ ಬಿರಾದಾರ, ಭೀಮರಾವ್‌ ಬಳತೆ, ಗುಲ್ಬರ್ಗ ವಿಶ್ವವಿದ್ಯಾಲಯದ ಸಿಂಡಿಕೇಟ್‌ ಸದಸ್ಯ ಚಂದ್ರಶೇಖರ ನಿಟ್ಟೂರೆ, ಮಾಜಿ ಸದಸ್ಯ ಶ್ರೀಪಾದ ನಿಟ್ಟೂರಕರ್‌, ಸಂಗಪ್ಪ ಪಾಟೀಲ್‌ ರೇಕುಳಗಿ, ಕುಶಾಲ ಗೌರಶೆಟ್ಟಿ, ನಾಗಭೂಷಣ ಕಮಠಾಣೆ, ಶಾಮರಾವ್‌ ಸುಲಗುಂಟೆ, ವಿಜಯಕುಮಾರ ಕುಲಕರ್ಣಿ, ಅಭಿ ಕಾಳೆ,ಅವಿನಾಶ ಮತ್ತಿತರರು ಇದ್ದರು.