ಮೋದಿ ಪ್ರಧಾನಿ:ಸಿಹಿ ಹಂಚಿ ವಿಜಯೋತ್ಸವ

ಬೀದರ್‌:ದಿಲ್ಲಿಯಲ್ಲಿ ನರೇಂದ್ರ ಮೋದಿ ಅವರು ಎರಡನೇ ಬಾರಿ ಪ್ರಧಾನಿಯಾಗಿ ಪ್ರಮಾಣ ವಚನ ಸ್ವೀಕರಿಸುತ್ತಲೇ ಬೀದರ್‌ನ ಮೈಲೂರು ವೃತ್ತದ ಬಳಿ ಬಿಜೆಪಿ ಕಾರ‍್ಯಕರ್ತರು ಲಡ್ಡು ಹಂಚಿ, ವಿಜಯೋತ್ಸವ ಆಚರಿಸಿದರು.

ಎಲ್‌ಇಡಿ ಟಿವಿಯ ಬೃಹತ್‌ ಪರದೆಯ ಮೇಲೆ ಪ್ರಮಾಣ ವಚನ ಸ್ವೀಕಾರವನ್ನು ನೂರಾರು ಜನರು ಕಣ್ಣು ತುಂಬಿಸಿಕೊಂಡರು. ಭಾರತೀಯ ಜನತಾ ಪಕ್ಷದ ಮುಖಂಡರಾದ ರೇವಣಸಿದ್ದಪ್ಪ ಜಲಾದೆ, ನಗರಸಭೆ ಸದಸ್ಯ ರಾಜಾರಾಮ್‌ ಚಿಟ್ಟಾ, ಅಶೋಕ ಹೊಕ್ರಾಣೆ, ಕೈಲಾಶ್‌ ಕಾಜಿ, ಜಗದೀಶ್‌ ಬಿರಾದಾರ್‌, ನಾಗಶೆಟ್ಟಿ ವಗದಾಳೆ, ರಾಜಕುಮಾರ ಚಿದ್ರಿ, ವಿಜಯಕುಮಾರ ಪಾಟೀಲ್‌ ಗಾದಗಿ ಹಾಗೂ ಸಾರ್ವಜನಿಕರು ಇದ್ದರು.