ರೆಡ್‌ ಹ್ಯಾಂಡ್‌ ಆಗಿ ಅಧಿಕಾರಿ ಎಸಿಬಿ ಬಲೆಗೆ

ಬೀದರ್‌:ಲಂಚ ಪಡೆಯುವಾಗ ಇಲ್ಲಿನ ಅಲ್ಪ ಸಂಖ್ಯಾತರ ಇಲಾಖೆಯ ಕಚೇರಿಯಲ್ಲೇ ಅಧಿಕಾರಿಯೊಬ್ಬ ಎಸಿಬಿ ಬಲೆಗೆ ಬಿದ್ದಿದ್ದಾರೆ. ಕ್ಲರ್ಕ್‌ ಯಲ್ಲಪ್ಪ ಸಿಕ್ಕಿ ಬಿದ್ದ ಅಧಿಕಾರಿ. ಗುತ್ತಿಗೆಯಾಧಾರ ಕೆಲಸ ಮಾಡುತ್ತಿರುವ ಯಲ್ಲಪ್ಪ , ಮೊಹಮ್ಮದ್‌ ಮುಬಿನ್‌ ಎಂಬುವವರ ಬಳಿ 5 ಸಾವಿರ ನಗದು ಹಣ ಪಡೆಯುವಾಗ ಎಸಿಬಿ ಅಧಿಕಾರಿಗಳ ಬಲೆಗೆ ಬಿದ್ದಿದ್ದಾರೆ.

ಗಂಗಾ ಕಲ್ಯಾಣ ಯೋಜನೆಯಡಿ ಕೊಳವೆ ಬಾವಿ ಕೊರೆಯಿಸುವ ಸಲುವಾಗಿ ದೂರುದಾರ ಮೊಹಮ್ಮದ್‌ ಮುಬಿನ್‌ ಅವರ ಬಳಿ 15 ಸಾವಿರ ರೂ.ಗೆ ಯಲ್ಲಪ್ಪ ಹಾಗೂ ಮೇಲಧಿಕಾರಿ ಬೇಡಿಕೆ ಇಟ್ಟಿದ್ದರು. ಬುಧವಾರ ಯಲ್ಲಪ್ಪ ಅವರು 15 ಸಾವಿರ ಪೈಕಿ 5 ಸಾವಿರ ಪಡೆಯುವಾಗ ಸಿಕ್ಕಿ ಬಿದ್ದಿದ್ದಾರೆ. ಎಸಿಬಿ ಅಧಿಕಾರಿಗಳು ಯಲ್ಲಪ್ಪ ಅವರನ್ನು ಬಂಧಿಸಿದ್ದಾರೆ.

ಎಸಿಬಿ ಡಿವೈಎಸ್ಪಿ ಬಿ.ಬಿ. ಪಟೇಲ್‌, ಪಿಐಗಳಾದ ಹಣಮಂತರಾವ್‌, ವಿಜಯಕುಮಾರ, ಹೆಡ್‌ ಕಾನ್ಸ್‌ಟೇಬಲ್‌ ರಮೇಶ್‌, ಶಿವರಾಜ್‌, ಸಿಬ್ಬಂದಿ ಶ್ರೀಕಾಂತ, ಅನಿಲ್‌, ಸರಸ್ವತಿ, ವಸಂತ, ರಾಘವೇಂದ್ರ, ವಿಠ್ಠÜಲ್‌ ಇತರರು ದಾಳಿಯ ತಂಡದಲ್ಲಿದ್ದರು.