ಪ್ರಸಾದ ಸೇವಿಸಿ ವಾಂತಿ ಬೇಧಿಯಿಂದ ಬಳಲಿದರು

ಬೀದರ್: ಪ್ರಸಾದ ಸ್ವೀಕರಿಸಿದ 52 ಮಂದಿ ವಾಂತಿ ಬೇಧಿಯಿಂದ ಬಳಲಿ ಆಸ್ಪತ್ರೆ ಸೇರಿರುವ ಘಟನೆ ಭಾಲ್ಕಿಯಲ್ಲಿ ನಡೆದಿದೆ. ಭಾಲ್ಕಿ ತಾಲೂಕಿನ ಲಖನಗಾಂವ್ ಗ್ರಾಮದಲ್ಲಿ ಪ್ರಸಾದ ಸೇವಿಸಿದವರು ಅಸ್ವಸ್ಥಗೊಂಡರು.

ನರೇಂದ್ರ ಮಹಾರಾಜರ ಪೂಜೆ ಬಳಿಕ ನೀಡಲಾದ ಉಸುಳಿ ತಿಂದವರು ನಂತರ ವಾಂತಿ ಬೇಧಿಯಿಂದ ಬಳಲಿದರು. 36 ಮಂದಿಗೆ ಭಾಲ್ಕಿಯ ತಾಲೂಕು ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗಿದ್ದು, ಉಳಿದವರಿಗೆ ಲಖನಗಾಂವ್ ಪಿಎಚ್ ಸಿನಲ್ಲಿ ಚಿಕಿತ್ಸೆ ನೀಡಲಾಗಿದೆ. ಎಲ್ಲರೂ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ ಎಂದು ವೈದ್ಯರು ತಿಳಿಸಿದ್ದಾರೆ.