ಪಾಳುಬಿದ್ದ ಅಂಗನವಾಡಿ ಕೇಂದ್ರ

ವಿಕ ವಿಶೇಷ ಹುಲಸೂರು :ಗ್ರಾಮ ಪಂಚಾಯಿತಿ ವ್ಯಾಪ್ತಿಯಲ್ಲಿ ಒಟ್ಟು 18 ಅಂಗನವಾಡಿ ಕೇಂದ್ರ ಇದ್ದು, ನಾಲ್ಕು ಮಾತ್ರ ಸರಕಾರಿ ಕಟ್ಟಡದಲ್ಲಿ ನಡೆಯುತ್ತಿವೆ. ಮಿಕ್ಕವು ಬಾಡಿಗೆ ಕಟ್ಟದಲ್ಲಿ ನಡೆಯುತ್ತಿದ್ದು, ಮೂಲ ಸೌಲಭ್ಯಗಳಿಲ್ಲದೆ ವಂಚಿತಗೊಂಡಿವೆ.
ಕೇಂದ್ರ ಮತ್ತು ರಾಜ್ಯ ಸರಕಾರ ಲಕ್ಷಾಂತರ ರೂಪಾಯಿ ಖರ್ಚು ಮಾಡತ್ತಿದ್ದರೂ ಜನಪ್ರತಿನಿಧಿಗಳು ಹಾಗೂ ಅಧಿಕಾರಿಗಳ ನಿರ್ಲಕ್ಷ್ಯದಿಂದ ಕಟ್ಟಡ ಕಟ್ಟುತ್ತಿಲ ಎಂದು ಗ್ರಾಮಸ್ಧರು ಆರೋಪಿಸುತ್ತಿದ್ದಾರೆ .

ಪಟ್ಟಣದ ಭೀಮ ನಗರದ ವಾರ್ಡ್‌ 7ರಲ್ಲಿ ಅಂಗನವಾಡಿ ತೆರುವು ಮಾಡಿ ಅನೇಕ ತಿಂಗಳು ಕಳೆದರೂ ಇದುವರೆಗೂ ಕಟ್ಟಡ ಕಾರ್ಯ ಪ್ರಾರಂಭ ಮಾಡಿಲ್ಲ. ಇಲ್ಲಿ ಕಟ್ಟಡ ಹಾಳು ಬಿದ್ದಿದ್ದು, ಹÜಂದಿ, ನಾಯಿ, ವಿಷ ಜಂತುಗಳ ವಾಸಸ್ಥಾನವಾಗಿ ಮಾರ್ಪಾಡಾಗಿದೆ. ಈಗಲಾದರೂ ಕಟ್ಟಡ ನಿರ್ಮಿಸಿ ಮಕ್ಕಳ ಅನುಕೂಲ ಕಲ್ಪಿಸಬೇಕು ಎಂದು ಗ್ರಾಮಸ್ಥರು ಕೋರಿದ್ದಾರೆ.

ಇಲ್ಲಿ , 12 ಅಂಗನವಾಡಿಗಳು ಬಾಡಿಗೆ ಕೋಣೆಯಲ್ಲಿ ನಡೆಯುತ್ತಿದ್ದು, ಅಲ್ಲಿ ಮಕ್ಕಳಿಗೆ ಸರಿಯಾಗಿ ಕುಡಿಯುವ ನೀರಿನ ವ್ಯವಸ್ಥೆಯಿಲ್ಲ. ಶೌಚಾಲಯ ಸ್ವಚ್ಛತೆ ಇಲ್ಲದಂತಾಗಿದೆ. ಆದ್ದರಿಂದ ಮಕ್ಕಳ ಅನುಕೂಲಕ್ಕಾಗಿ ಸ್ವಂತ ಕಟ್ಟಡ ನಿರ್ಮಿಸಬೇಕು ಎಂದು ಗ್ರಾಮಸ್ಧರು ಮನವಿ ಮಾಡಿದ್ದಾರೆ.


ಒಂದು ವರ್ಷದಿಂದ ಅಂಗನವಾಡಿ ಕೇಂದ್ರ ಹೊಸದಾಗಿ ಕಟ್ಟಬೇಕೆಂದು ಅರ್ಜಿ ಸಲಿಸಿದ್ದೇವೆ. ಅಧಿಕಾರಿಗಳು ಹಾಗು ಜನಪ್ರತಿನಿಧಿಗಳು ಗಮನ ಹರಿಸಿ ಹೊಸ ಕಟ್ಟಡ ನಿರ್ಮಾಣ ಪ್ರಾರಂಭ ಮಾಡಬೇಕು.

-ಸಂದೀಪ ಸೂರ್ಯವಂಶಿ


ಅಂಗನವಾಡಿ ಕೇಂದ್ರಕೆ 5ಲಕ್ಷ ರೂ.ಮೀಸಲು ಇಟ್ಟಿದ್ದು , ನೀರಿÜನ ಸಮಸ್ಯೆ ಇರುವುದರಿಂದ ಕಾಮಗಾರಿ ಕುಂಠಿತಗೊಂಡಿದೆ. ಒಂದು ವಾರದಲ್ಲಿ ಕಾಮಗಾರಿಗೆ ಚಾಲನೆ ನೀಡಲಾಗುವುದು.

-ಮಂಗಲಾ ಡೋಣಗಾಂವಕರ ಗ್ರಾಪಂ ಅಧ್ಯಕ್ಷೆ