ಆರು ಕ್ವಿಂಟಾಲ್‌ ಪ್ಲಾಸ್ಟಿಕ್‌ ಜಪ್ತಿ

ಬೀದರ್‌: ನಗರದ ಗಾಂಧಿ ಗಂಜ್‌ 10 ಕ್ಕೂ ಅಧಿಕ ಅಂಗಡಿಗಳ ಮೇಲೆ ನಗರಸಭೆ ಪೌರಾಯುಕ್ತ ಬಲಭೀಮ್‌ ಕಾಂಬಳೆ ನೇತೃತ್ವದಲ್ಲಿ ನಡೆದ ದಾಳಿಯಲ್ಲಿ 6 ಕ್ವಿಂಟಾಲ್‌ ಗೂ ಅಧಿಕ ಪ್ಲಾಸ್ಟಿಕ್‌ ಜಪ್ತಿ ಮಾಡಲಾಗಿದೆ. ಪ್ಲಾಸ್ಟಿಕ್‌ ಮಾರಾಟ ಮಾಡುತ್ತಿದ್ದ ಕೆಲ ಅಂಗಡಿಗಳು ಹಾಗೂ ಜನರಲ್‌ ಸ್ಟೋರ್‌ಗಳ ಮೇಲೆ ನಡೆದ ದಾಳಿಯ ವೇಳೆ ನಿಷೇಧಿತ ಪ್ಲಾಸ್ಟಿಕ್‌ ಪತ್ತೆಯಾಗಿದೆ.

ಬೀದರ್‌ ನಗರಸಭೆಯಿಂದ ಕಳೆದ ಕೆಲ ದಿನಗಳಿಂದ ನಿರಂತರ ದಾಳಿ ನಡೆಸಲಾಗುತ್ತಿದ್ದು, ಈ ವರೆಗೆ ಒಟ್ಟು 1.6 ಟನ್‌ ಪ್ಲಾಸ್ಟಿಕ್‌ ವಶಕ್ಕೆ ಪಡೆಯಲಾಗಿದೆ.

ಎಲ್ಲ ಪ್ಲಾಸ್ಟಿಕ್‌ ವಶಕ್ಕೆ ಪಡೆಯಲಾಗಿದ್ದು, ಪ್ಲಾಸ್ಟಿಕ್‌ ಮಾರಾಟ ಮಾಡುತ್ತಿದ್ದವರು ಹಾಗೂ ಅದನ್ನು ಕೊಂಡೊಯ್ಯುವವರ ಮೇಲೂ ದಂಡ ವಿಧಿಸಲಾಗುತ್ತಿದೆ ಎಂದು ನಗರಸಭೆಯ ಪೌರಾಯುಕ್ತ ಬಲಭೀಮ್‌ ಕಾಂಬಳೆ ವಿಕಕ್ಕೆ ತಿಳಿಸಿದರು.