ಬೀದರ್‌: ಮನೆಯಲ್ಲಿ ಮಲಗಿದ್ದ ರಾಕೇಶ (33) ಬೆಳಗಾಗುವಷ್ಟರಲ್ಲಿ ಕಾಣೆಯಾಗಿದ್ದಾನೆ ಎಂದು ತಂದೆ ವಿಶ್ವನಾಥ ಫುಲೇಕರ್‌ ನಗರದ ನ್ಯೂಟೌನ್‌ ಪೊಲೀಸ್‌ ಠಾಣೆಯಲ್ಲಿ ದೂರು ನೀಡಿದ್ದಾರೆ.
ನಗರದ ಎಲ್‌ಐಜಿ ಕಾಲೊನಿಯಲ್ಲಿ ಕುಟುಂಬ ಸಮೇತ ಇವರು ವಾಸವಾಗಿದ್ದಾರೆ. ಕಲಬುರಗಿ ವಿಶ್ವ ಹಿಂದು ಕಾಲೇಜಿನಲ್ಲಿ ಎಂಎಸ್ಸಿ ಓದುತ್ತಿದ್ದ ರಾಕೇಶ, ಪರೀಕ್ಷೆ ನಡೆಯುತ್ತಿರುವ ಹಿನ್ನೆಲೆಯಲ್ಲಿ ನಿತ್ಯ ಹೋಗಿಬರುತ್ತಿದ್ದನು. ಹೀಗಿರುವಾಗ ನ.24 ರಂದು ರಾತ್ರಿ ಮನೆಯಲ್ಲಿ ಊಟ ಮಾಡಿ ಬೇರೆ ಕೋಣೆಯಲ್ಲಿ ಮಲಗಿದ್ದು, ಬೆಳಗ್ಗೆ ನೋಡಿದರೆ ಅಲ್ಲಿ ಇರಲಿಲ್ಲ. ಸಂಬಂಧಿಕರಿಗೆ ಮತ್ತು ಅಕ್ಕಪಕ್ಕದವರಿಗೆ ಕೇಳಿದರೂ ಮಾಹಿತಿ ಸಿಗಲಿಲ್ಲ. ಆದ್ದರಿಂದ ಮಗನನ್ನು ಹುಡುಕಿಕೊಡಬೇಕು ಎಂದು ದೂರಿನಲ್ಲಿ ತಿಳಿಸಿದ್ದಾರೆ.