ಆಸ್ಪತ್ರೆಯಿಂದ ಯುವಕ ನಾಪತ್ತೆ

ಬೀದರ್‌: ತಾಲೂಕಿನ ಮರ್ಜಾಪೂರ ಗ್ರಾಮದ ಸದ್ಯ ನಾವದಗೇರಿಯಲ್ಲಿ ವಾಸವಾಗಿದ್ದ ಅರ್ಜುನ ತಂದೆ ದಿ.ಶಂಕರ (19) ಎಂಬ ಯುವಕನು 2019ರ ಮಾರ್ಚ್‌ 23ರಿಂದ ನಾಪತ್ತೆಯಾಗಿದ್ದಾರೆ. ಮಾನಸಿಕ ಅಸ್ವಸ್ಥನಂತೆ ವರ್ತಿಸುತ್ತಿದ್ದ ಇವರು ಬೀದರ್‌ ಸರಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದರು. ಔಷಧ ತೆಗೆದುಕೊಳ್ಳಲು ಹೋದಾಗ ಕಾಣೆಯಾಗಿದ್ದಾನೆ ಎಂದು ಯುವಕನ ತಾಯಿಯು ನೂತನ ನಗರ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.

ಕಾಣೆಯಾದವರು 5.2 ಅಡಿ ಎತ್ತರ, ಸಾಧಾರಣ ಮೈಕಟ್ಟು, ಗೋಧಿ ಮೈಬಣ್ಣ, ತಲೆಯ ಮೇಲೆ ಕೂದಲು ಇರುವುದಿಲ್ಲ. ತಲೆ ಮೇಲೆ ಹಳೆಯ ಗಾಯ ಇರುತ್ತದೆ. ನಾಪತ್ತೆಯಾದಾಗ ಹಸಿರು ಬಣ್ಣದ ಟಿ ಶರ್ಟ್‌, ಕ್ರೀಮ್‌ ಬಣ್ಣದ ಪ್ಯಾಂಟ್‌ ಧರಿಸಿದ್ದರು. ಕನ್ನಡದಲ್ಲಿ ಮಾತನಾಡುತ್ತಾರೆ. ಇವರ ಬಗ್ಗೆ ಮಾಹಿತಿ ಸಿಕ್ಕಲ್ಲಿ ನ್ಯೂ ಟೌನ್‌ ಪೊಲೀಸ್‌ ಠಾಣೆ ಪಿಎಸ್‌ಐ:9480803446, ಸಿಪಿಐ:9480803431 ಬೀದರ ಕಂಟ್ರೋಲ್‌ ರೂಂ:08482-226704 ಗೆ ಸಂಪರ್ಕಿಸಬಹುದು ಎಂದು ನ್ಯೂಟೌನ್‌ ಪೊಲೀಸ್‌ ಠಾಣೆಯ ಪ್ರಕಟಣೆ ತಿಳಿಸಿದೆ.

ಬಾಲಕ ನಾಪತ್ತೆ
ನಗರದ ಹಳೆ ಆರ್‌ಟಿಓ ಕಚೇರಿ ಬಳಿಯಿಂದ 2018ರ ಸೆ.21ರಂದು ದಶರಥ ಬ್ಯಾತೇಶ ವಡ್ಡರ(4) ಬಾಲಕ ಕಾಣೆಯಾಗಿದ್ದಾನೆ. ನೂತನ ನಗರ ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲಾಗಿದೆ. ಕಾಣೆಯಾದ ಮಗು 2 ಅಡಿ ಎತ್ತರ, ಗೋಧಿ ಮೈಬಣ್ಣ, ತೆಳ್ಳನೆ ಮೈಕಟ್ಟು ಹೊಂದಿದ್ದು, ನಾಪತ್ತೆಯಾದಾಗ, ಹಳದಿ ಬಣ್ಣದ ಟೀ-ಶರ್ಟ್‌, ಕಪ್ಪು ಬಣ್ಣದ ನಿಕ್ಕರ್‌ ಧರಿಸಿದ್ದ. ತೆಲುಗು ಭಾಷೆ ಮಾತನಾಡುತ್ತಾರೆ. ಈ ಹುಡುಗನ ಬಗ್ಗೆ ಮಾಹಿತಿ ಸಿಕ್ಕಲ್ಲಿ ನ್ಯೂಟೌನ್‌ ಪೊಲೀಸ್‌ ಠಾಣೆ, ದೂ: 08482-226704, ಸಬ್‌ ಇನ್ಸ್‌ಪೆಕ್ಟರ್‌:9480803446ಗೆ ಸಂಪರ್ಕಿಸಬಹುದು ಎಂದು ನೂತನ ನಗರ ಠಾಣೆಯ ಪ್ರಕಟಣೆ ತಿಳಿಸಿದೆ.

ವಾರಸುದಾರರ ಪತ್ತೆಗೆ ಮನವಿ
ಅಂದಾಜು 60-65 ವರ್ಷ ವಯಸ್ಸಿನ ಅಪರಿಚಿತ ವ್ಯಕ್ತಿಯು ಬೀದರ್‌ ಸರಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಕಾಲಕ್ಕೆ ಜು.20ರಂದು ಮೃತಪಟ್ಟಿರುತ್ತಾರೆ. ಮೃತರ ಹೆಸರು ಮತ್ತು ವಿಳಾಸ ಗೊತ್ತಾಗಿಲ್ಲ. ಇವರ ಬಗ್ಗೆ ಮಾಹಿತಿ ಸಿಕ್ಕಲ್ಲಿ ನ್ಯೂ ಟೌನ್‌ ಪೊಲೀಸ್‌ ಠಾಣೆ ಪಿಎಸ್‌ಐ:9480803446, ಸಿಪಿಐ:9480803431 ಬೀದರ್‌ ಕಂಟ್ರೋಲ್‌ ರೂಂ: 08482-226704ಗೆ ಸಂಪರ್ಕಿಸಬಹುದು ಎಂದು ನ್ಯೂಟೌನ್‌ ಪೊಲೀಸ್‌ ಠಾಣೆಯ ಪ್ರಕಟಣೆ ತಿಳಿಸಿದೆ.

ಮಗುವಿನ ಮೃತದೇಹ ಪತ್ತೆ
ಬೀದರ್‌ ಸರಕಾರಿ ಆಸ್ಪತ್ರೆಯ ಎದುರುಗಡೆ ಇರುವ ಬೇವಿನ ಮರದ ಕೆಳಗೆ 2-3 ವರ್ಷದ ಅಪರಿಚಿತ ಗಂಡು ಮಗುವಿನ ಶವವು 2019ರ ಜೂನ್‌ 28ರಂದು ಪತ್ತೆಯಾಗಿದೆ. ಈ ಬಗ್ಗೆ ಬೀದರ್‌ ನೂತನ ನಗರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಮಗುವಿನ ಹೆಸರು, ವಿಳಾಸ ತಿಳಿದು ಬಂದಿಲ್ಲ. ವಿಳಾಸ ತಿಳಿದು ಬಂದಲ್ಲಿ ಬೀದರ್‌ ನ್ಯೂಟೌನ್‌ ಪೊಲೀಸ್‌ ಠಾಣೆ, ದೂ: 08482-226704, ಸಬ್‌ ಇನ್ಸ್‌ಪೆಕ್ಟರ್‌: 9480803446ಗೆ ಸಂಪರ್ಕಿಸಬಹುದು ಎಂದು ನೂತನ ನಗರ ಠಾಣೆಯ ಪ್ರಕಟಣೆ ತಿಳಿಸಿದೆ.