ಹನೂರು: ಶಾಲಾ ಹಂತದಲ್ಲಿಯೇ ವಿದ್ಯಾರ್ಥಿಗಳು ಸ್ವಚ್ಛತೆ ಅರಿವು ಪಡೆದು ತಮ್ಮ ಸುತ್ತಮುತ್ತಲಿನ ವಾತಾವರಣದಲ್ಲಿ ನೈರ್ಮಲ್ಯ ಕಾಪಾಡಿಕೊಂಡರೆ ಉತ್ತಮ ಆರೋಗ್ಯ ಉತ್ತಮವಾಗಿರುತ್ತದೆ ಎಂದು ಜಿಲ್ಲಾ ಆರ್‌ಬಿಎಸ್‌ಕೆ ವೈದ್ಯಾಧಿಕಾರಿ ಅಶ್ವಕ್‌ ಹುಸೇನ್‌ ತಿಳಿಸಿದರು.
ಹನೂರು ಶೈಕ್ಷ ಣಿಕ ವಲಯದ ಕೌದಳ್ಳಿ ಕ್ಲಸ್ಟರ್‌ನ ಮುನಿಶೆಟ್ಟಿದೊಡ್ಡಿ ಸರಕಾರಿ ಕಿರಿಯ ಪ್ರಾಥಮಿಕ ಶಾಲೆಯಲ್ಲಿ ಸ್ವಚ್ಛತಾ ಅರಿವು ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಅವರು ಮಾತನಾಡಿದರು.
ಶಾಲೆ ಹಾಗೂ ಮನೆಗಳಲ್ಲಿನ ಉತ್ತಮ ಪರಿಸರ ಕಾಪಾಡಿಕೊಳ್ಳಬೇಕು. ಶೌಚಾಲಯಕ್ಕೆ ಹೋದ ನಂತರ ವಿದ್ಯಾರ್ಥಿಗಳು ತಪ್ಪದೇ, ಸೊಪಿನಿಂದ ಕೈತೊಳೆಯಬೇಕು. ಊಟಕ್ಕೂ ಮುನ್ನ ಹಾಗೂ ಆಟೋಟಗಳಲ್ಲಿ ತೊಡಗಿಸಿಕೊಂಡ ನಂತರ ಸ್ವಚ್ಛವಾಗಿ ಕೈತೊಳೆಯಬೇಕು. ಮಕ್ಕಳು ಇಂತಹ ಕಾರ್ಯಕ್ರಮಗಳಲ್ಲಿ ಭಾಗವಹಿಸಿ ಇತರರಿಗೂ ಮಾದರಿಯಾಗಬೇಕು. ಉತ್ತಮ ಆರೋಗ್ಯ ಕಾಪಾಡಿಕೊಳ್ಳಬೇಕು ಎಂದು ಸಲಹೆ ನೀಡಿದರು.
ಕಾರ್ಯಕ್ರಮದಲ್ಲಿ ಡಾ.ನವೀನ್‌ಕುಮಾರ್‌, ಆರೋಗ್ಯ ಸಹಾಯಕಿ ಮಾದೇವಮ್ಮ, ಮುಖ್ಯಶಿಕ್ಷ ಕ ಅನಿಲ್‌ಕುಮಾರ್‌ ವಿದ್ಯಾರ್ಥಿಗಳು ಹಾಜರಿದ್ದರು.