ಭಕ್ತಿಪಂಥದ ದಾಸವರೇಣ್ಯ ಕನಕದಾಸರು

ಚಾಮರಾಜನಗರ : 16 ನೇ ಶತಮಾನಗಳಲ್ಲಿ ಜನಪ್ರಿಯವಾದ ಭಕ್ತಿಪಂಥದ ಮುಖ್ಯ ಹರಿದಾಸರಲ್ಲಿ ಕನಕದಾಸರು ಒಬ್ಬರು ಎಂದು ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್‌ಜಿಲ್ಲಾ ಹಿರಿಯ ಉಪಾಧ್ಯಕ್ಷ ಕೆಂಪರಾಜು ತಿಳಿಸಿದರು.

ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್‌ ಕಚೇರಿಯ ಸಂಸ ಸಭಾಂಗಣದಲ್ಲಿ ಈಚೆಗೆ ಆಯೋಜಿಸಿದ್ದ ಕನಕ ಜಯಂತಿಯಲ್ಲಿ ಮಾತನಾಡಿದರು.

ತಿಮ್ಮಪ್ಪನಾಯಕ ಎಂಬ ಹೆಸರನ್ನು ಹೊಂದಿದ್ದ ಕನಕದಾಸರು ಸೈನ್ಯದ ದಂಡನಾಯಕರಾಗಿದ್ದರು ಯುದ್ದವೊಂದರಲ್ಲಿ ಸೋತ ಅವರು ಅಪಾರವಾದ ಸಾವು ನೋವು ಕಂಡು ವೈರಾಗ್ಯ ಉಂಟಾಗಿ ಹರಿಭಕ್ತರಾದರು ಎಂದು ತಿಳಿಸಿದರು.

ಕಾರ್ಯಕ್ರಮದ ಅಧ್ಯಕ್ಷ ತೆ ವಹಿಸಿದ್ದ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್‌ ಅಧ್ಯಕ್ಷ ಬಿ.ಎಸ್‌. ವಿನಯ್‌ ಮಾತನಾಡಿ, ದಾಸಪರಂಪರೆಯ ಹರಿದಾಸರಲ್ಲಿ ಕನಕದಾಸರು ತಳಸಮುದಾಯದಿಂದ ಬಂದು ಜನರ ಆಡುಭಾಷೆಯಲ್ಲಿ ಕೀರ್ತನೆಗಳನ್ನು ರಚಿಸಿ ದಾಸಶ್ರೇಷ್ಠರೆನಿಸಿದರು ಎಂದು ಗುಣಗಾನ ಮಾಡಿದರು.

ಜಿಲ್ಲಾ ಕಸಾಪ ಗೌರವ ಕೋಶಾಧ್ಯಕ್ಷ ಎಸ್‌.ನಿರಂಜನಕುಮಾರ್‌, ತಾಲ್ಲೂಕು ಕನ್ನಡ ಸಾಹಿತ್ಯ ಪರಿಷತ್‌ ಅಧ್ಯಕ್ಷ ಬಿ.ಬಸವರಾಜು, ಕೃಷ್ಣಸ್ವಾಮಿನಾಯಕ, ಜಯಣ್ಣ, ರಾಧಗುರುರಾಜ್‌, ನಾಗೇಂದ್ರ, ಪರಶಿವಮೂರ್ತಿ ಸುರೇಶ್‌, ಪದ್ಮಾಕ್ಷಿ, ಚಾ. ಶ್ರೀ.ಜಗದೀಶ್‌, ಎ.ಜಿ.ಬಸವಣ್ಣ, ಪ್ರಭುಸ್ವಾಮಿ, ಮುಕುಂದರಾಜು, ಬಸವನಾಯಕ, ಟಿ.ಬಂಗಾರ ಗಿರಿನಾಯಕ, ಹಾಜರಿದ್ದರು