ಕರಡಿ ಮರಿ ಹೋಲುವ ಪ್ರಾಣಿ ಪ್ರತ್ಯಕ್ಷ

ಕೊಳ್ಳೇಗಾಲ: ತಾಲೂಕಿನ ಸಿದ್ದಯ್ಯನಪುರ ಗ್ರಾಮದ ಹೊರವಲಯದಲ್ಲಿರುವ ಶಿಕ್ಷಕರೊಬ್ಬರ ಮನೆಯ ಅಡುಗೆ ಕೋಣೆಯಲ್ಲಿ ಕರಡಿ ಮರಿ ಹೋಲುವ ಪ್ರಾಣಿ ಕಾಣಿಸಿಕೊಂಡಿದೆ.

ಸಿದ್ದಯ್ಯನಪುರ ಗ್ರಾಮದ ಶಿಕ್ಷಕ ಕಿರಣ್‌ ಎಂಬುವವರ ಅಡಿಗೆ ಮನೆಯ ಸಜ್ಜಾದಲ್ಲಿ ಈ ಪ್ರಾಣಿ ಕುಳಿತಿತ್ತು. ''ಮಂಗಳವಾರ ರಾತ್ರಿ ಸುಮಾರು 2ರ ಸಮಯದಲ್ಲಿ ಅಡುಗೆ ಮನೆ ಕಡೆಯಿಂದ ಶಬ್ಧ ಕೇಳಿ ಬಂದಿದ್ದರಿಂದ ಹೋಗಿ ನೋಡಿದೆವು. ಕತ್ತಲಲ್ಲಿಸರಿಯಾಗಿ ಕಾಣಿಸದ ಕಾರಣ ಮೊಬೈಲ್‌ ಟಾರ್ಚ್ ಬೆಳಕಿನಿಂದ ನೋಡಿದಾಗ ಪ್ರಾಣಿ ಕುಳಿತಿರುವುದು ಕಾಣಿಸಿತು. ಸುಮಾರು 2 ತಾಸಿನ ನಂತರ ಆ ಪ್ರಾಣಿ ಮನೆಯಿಂದ ಹೊರಗೆ ಹೋಯಿತು ಎಂದು ಹೇಳುತ್ತಾರೆ ಕಿರಣ್‌. ಅವರ ಮನೆಯ ಪಕ್ಕದಲ್ಲಿಕೆರೆ ಇದ್ದು ಅಲ್ಲಿ ಗಿಡಗಂಟಿಗಳು ಸಾಕಷ್ಟು ಬೆಳೆದಿವೆ.

ಆ ಪೊದೆಯಿಂದ ಪ್ರಾಣಿ ಬಂದಿರುವ ಶಂಕೆ ಇದೆ. ಮನೆಯ ಸನಿಹದ ಕೆರೆಯ ಪೊದೆಯಲ್ಲಿಆ ಪ್ರಾಣಿ ನೆಲೆಸಿರುವ ಅನುಮಾನವನ್ನು ಅವರು ವ್ಯಕ್ತಪಡಿಸುತ್ತಾರೆ. ಜತೆಗೆ ಅರಣ್ಯ ಇಲಾಖೆ ಇತ್ತ ಭೇಟಿ ನೀಡಿ ಪರಿಶೀಲನೆ ನಡೆಸಲಿ ಎಂಬುದು ಅವರ ಒತ್ತಾಯ. ಅದು ಪುನಗು ಬೆಕ್ಕು ಇರಬಹುದೆಂಬ ಮಾತುಗಳೂ ಕೇಳಿ ಬಂದಿವೆ.