ಬಿ.ರಂ.ಬೆಟ್ಟಕ್ಕೆ ಬಾಬಾ ರಾಮದೇವ್‌ ಭೇಟಿ

ಯಳಂದೂರು (ಚಾಮರಾಜನಗರ): ತಾಲೂಕಿನ ಪ್ರಸಿದ್ಧ ಯಾತ್ರಾ ಸ್ಥಳವಾದ ಬಿಳಿಗಿರಿರಂಗನ ಬೆಟ್ಟಕ್ಕೆ ಯೋಗ ಗುರು, ಪತಂಜಲಿ ಯೋಗ ಪೀಠದ ಬಾಬಾ ರಾಮ್‌ದೇವ್‌ ಭೇಟಿ ನೀಡಿದರು.

ಸೋಮವಾರ ಸಂಜೆ ಬಿಳಿಗಿರಿರಂಗನಾಥ ಸ್ವಾಮಿಯ ದರ್ಶನ ಪಡೆದು ನಂತರ ನಿರ್ಮಾಣ ಹಂತದಲ್ಲಿರುವ ದೇಗುಲದ ಜೀರ್ಣೋದ್ಧಾರ ಕಾಮಗಾರಿಯನ್ನು ವೀಕ್ಷಿಸಿದರು. ಬಳಿಕ ಪಕ್ಕದಲ್ಲಿರುವ ಕಮರಿಯಲ್ಲಿ ನಿಂತು ಪ್ರಕೃತಿಯ ಸೊಬಗನ್ನು ಸವಿದರು. ಬೆಟ್ಟದ ಇತಿಹಾಸ, ಪೌರಾಣಿಕ ಹಿನ್ನೆಲೆ, ಸ್ಥಳೀಯ ಬುಡಕಟ್ಟು ಜನಾಂಗ ಹಾಗೂ ಪ್ರಾಕೃತಿಕ ವಿಶೇಷತೆಯ ಬಗ್ಗೆ ಸ್ಥಳೀಯರಿಂದ ಮಾಹಿತಿ ಪಡೆದುಕೊಂಡರು. ಇದೊಂದು ಖಾಸಗಿ ಭೇಟಿಯಾಗಿದ್ದು, ಯಾವುದೇ ಮಾಹಿತಿ ಇರಲಿಲ್ಲ. ನಿರ್ಮಲಾನಂದಸ್ವಾಮಿ ಆಶ್ರಮದ ಬ್ರಹ್ಮಾನಂದ ಸ್ವಾಮೀಜಿ ಸೇರಿದಂತೆ ಇವರ ಇತರ ಆಪ್ತವಲಯದ ಕೆಲವರು ಹಾಜರಿದ್ದರು.