ಬೈಕ್‌ ಕದ್ದು ತಪಾಸಣೆ ವೇಳೆ ಸಿಕ್ಕಿಬಿದ್ದ

ಕೊಳ್ಳೇಗಾಲ : ಬೈಕ್‌ ಕಳವು ಮಾಡಿದ್ದ ಆರೋಪಿ ತಪಾಸಣೆ ವೇಳೆ ಸಿಕ್ಕಿಬಿದ್ದ ಘಟನೆ ಮುಡಿಗುಂಡ ಸೇತುವೆ ಬಳಿ ಶುಕ್ರವಾರ ನಡೆದಿದೆ.

ಹೊಂಡರಬಾಳು ಗ್ರಾಮದ ಲಿಂಗರಾಜು ಬಂಧಿತ ಆರೋಪಿ. ಪಟ್ಟಣದ ಭಾವನಾ ಲಾಡ್ಜ್‌ ಮುಂಭಾಗ ಮಧುವನಹಳ್ಳಿ ಗ್ರಾಮದ ಶ್ರೀರಾಮ್‌ ಎಂಬುವವರು ಬೈಕ್‌ ನಿಲ್ಲಿಸಿ ಮೈಸೂರಿಗೆ ಹೋಗಿದ್ದರು. ಆರೋಪಿ ಲಿಂಗರಾಜು ಬೈಕ್‌ ಲಾಕ್‌ ಹೊಡೆದು ಕಳ್ಳತನ ಮಾಡಿ ಪರಾರಿಯಾಗಿದ್ದ. ಪಿಎಸ್‌ಐ ವೀಣಾನಾಯಕ್‌ ತಪಾಸಣೆ ನಡೆಸುತ್ತಿದ್ದ ಸಂದರ್ಭದಲ್ಲಿ ಕುಣಗಳ್ಳಿ ರಸ್ತೆಯಿಂದ ಪಟ್ಟಣದ ಕಡೆ ಬರುತ್ತಿದ್ದ ವೇಳೆ ತಪಾಸಣೆಗೆ ಒಳಪಡಿಸಿದಾಗ ಆರೋಪಿಯ ಬಳಿ ಬೈಕ್‌ಗೆ ಸಂಬಂಧಿಸಿದ ಯಾವುದೇ ದಾಖಲೆಗಳು ಇರಲಿಲ್ಲ. ಠಾಣೆಗೆ ಕರೆದುಕೊಂಡು ಹೋಗಿ ವಿಚಾರಣೆ ನಡೆಸಿದಾಗ ಬೈಕ್‌ ಕಳ್ಳತನ ಮಾಡಿರುವುದನ್ನು ಒಪ್ಪಿಕೊಂಡಿದ್ದಾನೆ. ಬೈಕ್‌ ಮಾಲೀಕರಿಂದ ದೂರು ಪಡೆದು ಆರೋಪಿ ಲಿಂಗರಾಜನನ್ನು ಬಂಧಿಸಿ ನ್ಯಾಯಾಲಯಕ್ಕೆ ಹಾಜರುಪಡಿಸಿದರು, ತಪಾಸಣೆ ವೇಳೆ ಜಡೇಸ್ವಾಮಿ, ನಾಗೇಂದ್ರರಾಜೇ ಅರಸ್‌, ಶಿವಕುಮಾರ್‌ ಇದ್ದರು.