ನೀರಿಗಾಗಿ ಖಾಲಿ ಕೊಡಹಿಡಿದು ಪ್ರತಿಭಟನೆ

ಕೊಳ್ಳೇಗಾಲ: ಪಟ್ಟಣದ ಜಿ.ಪಿ.ಮಲ್ಲಪ್ಪಪುರಂಗೆ ಸಮರ್ಪಕವಾಗಿ ನೀರು ಪೂರೈಕೆಯಾಗುತ್ತಿಲ್ಲ ಎಂದು ಆರೋಪಿಸಿ ಬಡಾವಣೆ ಮಹಿಳೆಯರು ಖಾಲಿ ಕೊಡ ಹಿಡಿದು ನಗರ ಸಭೆ ಕಚೇರಿಯ ಪೌರಾಯುಕ್ತರ ಕೊಠಡಿ ಮುಂದೆ ಪ್ರತಿಭಟನೆ ನಡೆಸಿದರು.

ಬಡಾವಣೆಯಲ್ಲಿ ಕಳೆದ ಮೂರು ತಿಂಗಳಿಂದ ಸರಿಯಾಗಿ ಕುಡಿಯುವ ನೀರು ಸರಬರಾಜಾಗುತ್ತಿಲ್ಲ. ಕಳೆದ ಒಂದು ವಾರದಿಂದ ನೀರು ಸಂಪೂರ್ಣ ವಾಗಿ ನೀರು ಬರದೇ ಪರದಾಡುವಂತಾಗಿದೆ. ಬಡಾವಣೆಯಲ್ಲಿ ಕಾವೇರಿ ನೀರಾಗಲಿ ಬೋರ್‌ ವೆಲ್‌ಗಳ ನೀರಾಗಲಿ ಸರಬರಾಜಾಗುತ್ತಿಲ್ಲ. ಅಪ್ಪಿ ತಪ್ಪಿ ನೀರು ಬಂದರು ಅದು ತಗ್ಗು ಪ್ರದೇಶದಲ್ಲಿರುವವರಿಗೆ ಮಾತ್ರ ದೊರೆಯುತ್ತದೆ. ನಗರಸಭೆ ಕೂಡಲೇ ಬಡಾವಣೆಗೆ ನೀರು ಸರಬರಾಜು ಮಾಡಿ ನೀರಿನ ಸಮಸ್ಯೆ ನೀಗಿಸಬೇಕು ಎಂದು ಒತ್ತಾಯಿಸಿದರು.

ಪ್ರತಿಭಟನೆಯಲ್ಲಿ ಭಾರತಿ, ಸರಸ್ವತಿ, ಜಯಮ್ಮ, ಪದ್ಮಾವತಿ, ಮರಮ್ಮ, ಶಿವಮ್ಮ, ಮಂಗಳಮ್ಮ ಸೇರಿದಂತೆ 20ಕ್ಕೂ ಹೆಚ್ಚು ಮಹಿಳೆಯರು ಪ್ರತಿಭಟನೆಯಲ್ಲಿ ಪಾಲ್ಗೊಂಡಿದ್ದರು.

ಜಿ.ಪಿ.ಮಲ್ಲಪ್ಪಪುರಂ ಬಡಾವಣೆ ಕುಡಿಯುವ ನೀರಿನ ಸಮಸ್ಯೆ ಬಗ್ಗೆ ಗಮನಕ್ಕೆ ಬಂದಿದೆ. ಹೊಸ ಪೈಪ್‌ಲೈನ್‌ ಹಾಕಿ ಈ ತಿಂಗಳೊಳಗೆ ನೀರು ಸರಬರಾಜು ಮಾಡುವ ವ್ಯವಸ್ಥೆ ಮಾಡುತ್ತೇನೆ. ಅಲ್ಲಿಯ ತನಕ ಪ್ರತಿ ದಿನ 4 ಟ್ಯಾಂಕರ್‌ ನೀರನ್ನು ಪೂರೈಸುವ ಕಾರ್ಯವನ್ನು ತಕ್ಷ ಣದಿಂದ ಮಾಡುತ್ತೇನೆ.

- ನಾಗಶೆಟ್ಟಿ, ಪೌರಾಯುಕ್ತರು, ನಗರ ಸಭೆ ಕೊಳ್ಳೇಗಾಲ.