ಬೆಲವತ್ತ ಅರಣ್ಯದಲ್ಲಿ ತೇಗದಮರ ಕಡಿತ: ಡಿಎಫ್‌ಆರ್‌ಒ ಅಮಾನತು

ಚಾಮರಾಜನಗರ: ಬಿಳಿಗಿರಿರಂಗನಾಥಸ್ವಾಮಿ ವನ್ಯಧಾಮ ಹುಲಿ ಸಂರಕ್ಷಿತ ಅರಣ್ಯ ಪ್ರದೇಶ ವ್ಯಾಪ್ತಿಯ ತಾಲೂಕಿನ ಬೆಲವತ್ತ ಗಸ್ತಿನ ಅರಣ್ಯ ಪ್ರದೇಶದಲ್ಲಿಅಕ್ರಮವಾಗಿ ತೇಗದ ಮರಗಳನ್ನು ಕಡಿತಲೆ ಮಾಡಿರುವ ಆರೋಪದ ಮೇಲೆ ಕೆ.ಗುಡಿ ವನ್ಯಜೀವಿ ವಲಯದ ಉಪ ವಲಯ ಅರಣ್ಯಾಧಿಕಾರಿ ಜಿ.ಎಂ.ಭಾನುಪ್ರಕಾಶ್‌ ಅವರನ್ನು ಸೇವೆಯಿಂದ ಅಮಾನತು ಮಾಡಲಾಗಿದೆ.

ಭಾನುಪ್ರಕಾಶ್‌ ಅವರು 12 ತೇಗದ ಮರಗಳನ್ನು ಕಡಿತಲೆ ಮಾಡಿರುವ ಪ್ರಕರಣದಲ್ಲಿನೇರವಾಗಿ ಭಾಗಿಯಾಗಿರುವುದು ಹಾಗೂ ಅವರ ಸ್ನೇಹಿತರೊಡನೆ ಅರಣ್ಯದಲ್ಲಿರಾತ್ರಿವೇಳೆ ಸುತ್ತಾಡಿ, ಕ್ಯಾಂಪಿನಲ್ಲಿಮದ್ಯಪಾನ ಮತ್ತು ಮಾಂಸಾಹಾರ ಸೇವನೆ ಮಾಡಿರುವುದು ಮೇಲ್ನೋಟಕ್ಕೆ ಕಂಡು ಬಂದಿರುವುದರಿಂದ ವಿಚಾರಣೆಯನ್ನು ಬಾಕಿ ಇರಿಸಿ ಅಮಾನತುಪಡಿಸಲಾಗಿದೆ ಎಂದು ಚಾಮರಾಜನಗರ ಪ್ರಾದೇಶಿಕ ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿ ತಮ್ಮ ಆದೇಶದಲ್ಲಿತಿಳಿಸಿದ್ದಾರೆ.

ಪ್ರಕರಣ ಕುರಿತು 'ವಿಜಯ ಕರ್ನಾಟಕ' ಆ.13ರ ಸಂಚಿಕೆಯಲ್ಲಿ'ತೇಗದ ಮರಗಳ ಖದೀಮರಾರ‍ಯರು' ಶೀರ್ಷಿಕೆಯಡಿ ಸುದ್ದಿಯನ್ನು ಪ್ರಕಟಿಸಿತು.