ದಾಖಲೆ ಇಲ್ಲದ 1.34 ಲಕ್ಷ ರೂ. ವಶ

ಗುಂಡ್ಲುಪೇಟೆ : ಪಟ್ಟಣದ ವೀರಯೋಧ ಶಿವಾನಂದ ವೃತ್ತದ ಬಳಿ ಮುಸ್ಲಿಂ ಸ್ಮಶಾನದ ಬಳಿ ದಾಖಲೆ ಇಲ್ಲದ ಕೊಂಡೊಯ್ಯುತ್ತಿದ್ದ 1,34,500 ರೂ.ಗಳನ್ನು ಚುನಾವಣಾಧಿಕಾರಿಗಳು ವಶಪಡಿಸಿಕೊಂಡಿದ್ದಾರೆ. ಲೋಕಸಭಾ ಚುನಾವಣೆ ಕರ್ತವ್ಯದಲ್ಲಿದ್ದ ಸಂದರ್ಭ ವೀರಯೋಧ ಶಿವಾನಂದ ವೃತ್ತದ ಬಳಿ ವ್ಯಕ್ತಿ ಬೈಕ್‌ನಲ್ಲಿ ಸಂಶಯಾಸ್ಪದವಾಗಿ ತಿರುಗಾಡುತ್ತಿದ್ದರು. ಸದರಿ ವ್ಯಕ್ತಿಯನ್ನು ತಡೆದು ಪರಿಶೀಲನೆ ನಡೆಸಿದಾಗ ಹಣ ಪತ್ತೆಯಾಯಿತು. ವಿಚಾರಣೆ ನಡೆಸಿದಾಗ ಸದರಿ ವ್ಯಕ್ತಿಯ ಹೆಸರು ಕಲೀಂಪಾಷ(60) ಎಂದು ತಿಳಿಸಿರುತ್ತಾರೆ. ಇವರ ಬಳಿ ದಾಖಲೆ ಇಲ್ಲದೇ 1,34,500 ಹಣ ಪತ್ತೆಯಾದ ಹಿನ್ನೆಲೆಯಲ್ಲಿ ಈ ಬಗ್ಗೆ ಗುಂಡ್ಲುಪೇಟೆ ಪೊಲೀಸ್‌ ಠಾಣೆಗೆ ಪ್ಲೇಯಿಂಗ್‌ ಸ್ಕ್ವಾಡ್‌ ಕೃಷ್ಣಪ್ಪ ದೂರು ನೀಡಿದ್ದು, ಈ ಬಗ್ಗೆ ಪ್ರಕರಣ ದಾಖಲಿಸಲಾಗಿದೆ. ಕಾರ್ಯಾಚರಣೆಯಲ್ಲಿ ಎಎಸ್‌ಐ ಸ್ವಾಮಿ, ಕಾನ್ಸ್‌ಸ್ಟೆಬಲ್‌ ರವಿಕುಮಾರ್‌ ಪಾಲ್ಗೊಂಡಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.