ಫಾಲಲೋಚನ ಆರಾಧ್ಯ ಚಾಮರಾಜನಗರ
ಅಂತೂ ಕೊನೆಗೂ ಜಿಲ್ಲೆಯ 8ನೇ ತರಗತಿಯ ಮಕ್ಕಳಿಗೆ ವಿತರಿಸುವ ಸಲುವಾಗಿ ಸೈಕಲ್ಗಳ ಬಿಡಿ ಭಾಗಗಳು ಬಂದಿದ್ದು, ಜೋಡಣೆ ಕಾರ್ಯ ಭರದಿಂದ ನಡೆದಿದೆ. ಆದರೆ, ಇನ್ನೂ ಸರಕಾರಿ ಶಾಲಾ ಮಕ್ಕಳಿಗೆ ಸಮವಸ್ತ್ರ ವಿತರಣೆಯಾಗಿಲ್ಲ. ಶೂ, ಸಾಕ್ಸ್ ಖರೀದಿಗೆ ಈಗಷ್ಟೇ ಒಪ್ಪಿಗೆ ಸಿಕ್ಕಿದ್ದು, ಖರೀದಿಸುವುದು ಬಾಕಿ ಇದೆ.
ಪ್ರಸಕ್ತ ಸಾಲಿನ ಶೈಕ್ಷಣಿಕ ವರ್ಷ ಆರಂಭವಾಗಿ ಎರಡು ತಿಂಗಳ ಬಳಿಕ ಕೊನೆಗೂ ಸೈಕಲ್ಗಳಾದರೂ ಪೂರೈಕೆಯಾಗಿದ್ದು, ಜೋಡಣೆ ಕಾರ್ಯ ನಗರದ ಕ್ಷೇತ್ರ ಶಿಕ್ಷಣಾಧಿಕಾರಿ ಕಚೇರಿ ಆವರಣದಲ್ಲಿ ನಡೆಯುತ್ತಿದೆ. ಈ ಹಿಂದೆ ರಾಜ್ಯದಲ್ಲಿ ಯಡಿಯೂರಪ್ಪ ನೇತೃತ್ವದ ಸರಕಾರ ಅಸ್ತಿತ್ವದಲ್ಲಿದ್ದ ವೇಳೆಯಲ್ಲಿ ವಿದ್ಯಾರ್ಥಿಗಳಿಗೆ ಸೈಕಲ್ ನೀಡುವ ಯೋಜನೆ ಜಾರಿಗೊಂಡಿತು.
7ನೇ ತರಗತಿ ಉತ್ತೀರ್ಣಗೊಂಡು ಹೈಸ್ಕೂಲ್ಗೆ ಪ್ರವೇಶಾತಿ ಪಡೆಯುವ 8ನೇ ತರಗತಿಯ ವಿದ್ಯಾರ್ಥಿಗಳಿಗೆ ಸೈಕಲ್ ವಿತರಿಸುತ್ತಾ ಬರಲಾಗಿದೆ. ಊರಿನಿಂದ ಮತ್ತೊಂದು ಊರಿನ ಶಾಲೆಗೆ ತೆರಳಲು ಅನುಕೂಲವಾಗಲಿ ಎಂಬ ಉದ್ದೇಶದಿಂದ ಈ ಯೋಜನೆಯನ್ನು ಜಾರಿಗೆ ತರಲಾಗಿದೆ.
ಆದರೆ, ಈ ಬಾರಿ ಸೈಕಲ್ ವಿತರಣೆ ಕಾರ್ಯ ವಿಳಂಬವಾಯಿತು. ಈಗಾಗಲೇ ಪ್ರಸಕ್ತ ಶೈಕ್ಷಣಿಕ ವರ್ಷ ಆರಂಭವಾಗಿ ಎರಡು ತಿಂಗಳಾಗುತ್ತಾ ಬರುತ್ತಿದ್ದು, ಇದೀಗ ಸೈಕಲ್ ಪೂರೈಕೆ ಕಾರ್ಯ ನಡೆದಿದೆ. ಆದರೆ, ಇನ್ನು ವಿತರಣೆಯಾಗಿಲ್ಲ. ಈಗಷ್ಟೇ ಜೋಡಣೆ ಕಾರ್ಯವನ್ನು ಗುತ್ತಿಗೆದಾರ ಕಂಪನಿ ಮಾಡುತ್ತಿದೆ.
ಹೀರೋ ಕಂಪನಿಯ ಸೈಕಲ್ಗಳ ಬಿಡಿ ಭಾಗಗಳನ್ನು ತಂದಿರುವ ಗುತ್ತಿಗೆದಾರ ಸಂಸ್ಥೆಯು ಅವುಗಳನ್ನು ಜೋಡಿಸುವ ಕಾರ್ಯವನ್ನು ಕಾರ್ಮಿಕರಿಂದ ಮಾಡಿಸುತ್ತಿದೆ.
ಸುತ್ತೋಲೆ ಬಂದಿಲ್ಲ: ಇದೀಗ ಸೈಕಲ್ಗಳು ಪೂರೈಕೆಯಾಗಿವೆಯಾದರೂ ಇನ್ನು ವಿತರಣೆ ಕುರಿತು ಸರಕಾರದಿಂದ ಸುತ್ತೋಲೆ ಬಂದಿಲ್ಲ. ಸರಕಾರ ಸುತ್ತೋಲೆ ಹೊರಡಿಸಿದ ನಂತರವಷ್ಟೇ ಶಾಲೆಗಳಲ್ಲಿ ಮಕ್ಕಳಿಗೆ ಸೈಕಲ್ ವಿತರಿಸಲು ಕ್ರಮ ವಹಿಸಲಾಗುವುದು ಎಂದು ಶಿಕ್ಷಣ ಇಲಾಖೆ ಅಧಿಕಾರಿಗಳು ತಿಳಿಸಿದರು.
ಕಳೆದ ವರ್ಷ 7ನೇ ತರಗತಿಯಲ್ಲಿದ್ದ ಮಕ್ಕಳ ಆಧಾರದ ಮೇಲೆ ಸೈಕಲ್ಗಳನ್ನು ರಾಜ್ಯದ ಎಲ್ಲ ಜಿಲ್ಲೆಗಳಿಗೂ ಪೂರೈಕೆ ಮಾಡಲಾಗುತ್ತದೆ. ಅದರಂತೆ ಜಿಲ್ಲೆಯ 7500 ಮಂದಿ ವಿದ್ಯಾರ್ಥಿಗಳಿಗೆ ಈ ಸೈಕಲ್ ಭಾಗ್ಯ ದೊರೆಯಲಿದೆ.
ಇನ್ನು ಬಂದಿಲ್ಲ ಸಮವಸ್ತ್ರ !
ಪ್ರಸಕ್ತ ಶೈಕ್ಷಣಿಕ ವರ್ಷ ಆರಂಭವಾಗಿ ಎರಡು ತಿಂಗಳು ಕಳೆಯುತ್ತಾ ಬಂದರೂ ಇನ್ನ್ನೂ ಸರಕಾರಿ ಶಾಲೆ ವಿದ್ಯಾರ್ಥಿಗಳಿಗೆ ಇನ್ನು ಸಮವಸ್ತ್ರ ಪೂರೈಕೆಯಾಗಿಲ್ಲ.
ಸಮವಸ್ತ್ರ ಸಮಾನತೆಯ ಸಂಕೇತ. ಆದರೆ, ಸರಕಾರಿ ಶಾಲೆ ಮಕ್ಕಳಿಗೆ ಹೊಸ ಸಮವಸ್ತ್ರ ಪೂರೈಕೆಯಾಗದ ಕಾರಣ ಸಾಕಷ್ಟು ಮಕ್ಕಳು ಹರಿದಿರುವ ಸಮವಸ್ತ್ರಗಳನ್ನೇ ಹಾಕಿಕೊಂಡು ಬರುವ ಸ್ಥಿತಿ ನಿರ್ಮಾಣವಾಗಿದೆ.
ಶೂ, ಸಾಕ್ಸ್ ಖರೀದಿಗೆ ಒಪ್ಪಿಗೆ
ಇನ್ನು ಸರಕಾರಿ ಶಾಲೆ ಮಕ್ಕಳಿಗೆ ಶೂ, ಸಾಕ್ಸ್ ಖರೀದಿಗೆ ಸರಕಾರ ಒಪ್ಪಿಗೆ ನೀಡಿದ್ದು, ಮೂರು ಅಳತೆಯ ಶೂ, ಸಾಕ್ಸ್ ಖರೀದಿಸಲು ಮೂರು ಬಗೆಯ ದರವನ್ನು ನಿಗದಿ ಮಾಡಿದೆ.
ಈ ಪೈಕಿ 265 ರೂ., 295 ರೂ. ಹಾಗೂ 325 ರೂ. ನಂತೆ ಶೂ, ಸಾಕ್ಸ್ ಖರೀದಿಸುವಂತೆ ಸೂಚನೆ ನೀಡಲಾಗಿದೆ. ಆಯಾ ಶಾಲಾಭಿವೃದ್ಧಿ ಸಮಿತಿಗಳಿಗೆ ಮಕ್ಕಳಿಗೆ ಅನುಗುಣವಾಗಿ ಅನುದಾನವನ್ನು ಸರಕಾರ ನೇರ ಖಾತೆಗೆ ಜಮೆ ಮಾಡಲಿದೆ. ಶಾಲಾಭಿವೃದ್ಧಿ ಸಮಿತಿಯವರು ಶೂ, ಸಾಕ್ಸ್ ಖರೀದಿಸಿ, ಮಕ್ಕಳಿಗೆ ವಿತರಿಸುವುದು ಬಾಕಿ ಇದೆ.
ಜಿಲ್ಲೆಗೆ ಸೈಕಲ್ ಬಿಡಿ ಭಾಗಗಳು ಬಂದಿದ್ದು, ಜೋಡಣೆ ಕಾರ್ಯವೂ ನಡೆಯುತ್ತಿದೆ. ಆದರೆ, ವಿತರಣೆ ವಿಚಾರವಾಗಿ ಸರಕಾರದಿಂದ ಇನ್ನು ಸುತ್ತೋಲೆ ಬಂದಿಲ್ಲ. ಬಂದ ತಕ್ಷಣ ವಿತರಣೆ ಕಾರ್ಯ ನಡೆಯಲಿದೆ. ಸಮವಸ್ತ್ರ ಬಂದಿಲ್ಲ. ಆದರೆ, ಶೂ, ಸಾಕ್ಸ್ ಖರೀದಿಗೆ ಸರಕಾರ ಅನುಮತಿ ನೀಡಿದೆ.
- ಮಂಜುನಾಥ್, ಡಿಡಿಪಿಐ, ಚಾ.ನಗರ.
ಅಂತೂ ಕೊನೆಗೂ ಜಿಲ್ಲೆಯ 8ನೇ ತರಗತಿಯ ಮಕ್ಕಳಿಗೆ ವಿತರಿಸುವ ಸಲುವಾಗಿ ಸೈಕಲ್ಗಳ ಬಿಡಿ ಭಾಗಗಳು ಬಂದಿದ್ದು, ಜೋಡಣೆ ಕಾರ್ಯ ಭರದಿಂದ ನಡೆದಿದೆ. ಆದರೆ, ಇನ್ನೂ ಸರಕಾರಿ ಶಾಲಾ ಮಕ್ಕಳಿಗೆ ಸಮವಸ್ತ್ರ ವಿತರಣೆಯಾಗಿಲ್ಲ. ಶೂ, ಸಾಕ್ಸ್ ಖರೀದಿಗೆ ಈಗಷ್ಟೇ ಒಪ್ಪಿಗೆ ಸಿಕ್ಕಿದ್ದು, ಖರೀದಿಸುವುದು ಬಾಕಿ ಇದೆ.
ಪ್ರಸಕ್ತ ಸಾಲಿನ ಶೈಕ್ಷಣಿಕ ವರ್ಷ ಆರಂಭವಾಗಿ ಎರಡು ತಿಂಗಳ ಬಳಿಕ ಕೊನೆಗೂ ಸೈಕಲ್ಗಳಾದರೂ ಪೂರೈಕೆಯಾಗಿದ್ದು, ಜೋಡಣೆ ಕಾರ್ಯ ನಗರದ ಕ್ಷೇತ್ರ ಶಿಕ್ಷಣಾಧಿಕಾರಿ ಕಚೇರಿ ಆವರಣದಲ್ಲಿ ನಡೆಯುತ್ತಿದೆ. ಈ ಹಿಂದೆ ರಾಜ್ಯದಲ್ಲಿ ಯಡಿಯೂರಪ್ಪ ನೇತೃತ್ವದ ಸರಕಾರ ಅಸ್ತಿತ್ವದಲ್ಲಿದ್ದ ವೇಳೆಯಲ್ಲಿ ವಿದ್ಯಾರ್ಥಿಗಳಿಗೆ ಸೈಕಲ್ ನೀಡುವ ಯೋಜನೆ ಜಾರಿಗೊಂಡಿತು.
7ನೇ ತರಗತಿ ಉತ್ತೀರ್ಣಗೊಂಡು ಹೈಸ್ಕೂಲ್ಗೆ ಪ್ರವೇಶಾತಿ ಪಡೆಯುವ 8ನೇ ತರಗತಿಯ ವಿದ್ಯಾರ್ಥಿಗಳಿಗೆ ಸೈಕಲ್ ವಿತರಿಸುತ್ತಾ ಬರಲಾಗಿದೆ. ಊರಿನಿಂದ ಮತ್ತೊಂದು ಊರಿನ ಶಾಲೆಗೆ ತೆರಳಲು ಅನುಕೂಲವಾಗಲಿ ಎಂಬ ಉದ್ದೇಶದಿಂದ ಈ ಯೋಜನೆಯನ್ನು ಜಾರಿಗೆ ತರಲಾಗಿದೆ.
ಆದರೆ, ಈ ಬಾರಿ ಸೈಕಲ್ ವಿತರಣೆ ಕಾರ್ಯ ವಿಳಂಬವಾಯಿತು. ಈಗಾಗಲೇ ಪ್ರಸಕ್ತ ಶೈಕ್ಷಣಿಕ ವರ್ಷ ಆರಂಭವಾಗಿ ಎರಡು ತಿಂಗಳಾಗುತ್ತಾ ಬರುತ್ತಿದ್ದು, ಇದೀಗ ಸೈಕಲ್ ಪೂರೈಕೆ ಕಾರ್ಯ ನಡೆದಿದೆ. ಆದರೆ, ಇನ್ನು ವಿತರಣೆಯಾಗಿಲ್ಲ. ಈಗಷ್ಟೇ ಜೋಡಣೆ ಕಾರ್ಯವನ್ನು ಗುತ್ತಿಗೆದಾರ ಕಂಪನಿ ಮಾಡುತ್ತಿದೆ.
ಹೀರೋ ಕಂಪನಿಯ ಸೈಕಲ್ಗಳ ಬಿಡಿ ಭಾಗಗಳನ್ನು ತಂದಿರುವ ಗುತ್ತಿಗೆದಾರ ಸಂಸ್ಥೆಯು ಅವುಗಳನ್ನು ಜೋಡಿಸುವ ಕಾರ್ಯವನ್ನು ಕಾರ್ಮಿಕರಿಂದ ಮಾಡಿಸುತ್ತಿದೆ.
ಸುತ್ತೋಲೆ ಬಂದಿಲ್ಲ: ಇದೀಗ ಸೈಕಲ್ಗಳು ಪೂರೈಕೆಯಾಗಿವೆಯಾದರೂ ಇನ್ನು ವಿತರಣೆ ಕುರಿತು ಸರಕಾರದಿಂದ ಸುತ್ತೋಲೆ ಬಂದಿಲ್ಲ. ಸರಕಾರ ಸುತ್ತೋಲೆ ಹೊರಡಿಸಿದ ನಂತರವಷ್ಟೇ ಶಾಲೆಗಳಲ್ಲಿ ಮಕ್ಕಳಿಗೆ ಸೈಕಲ್ ವಿತರಿಸಲು ಕ್ರಮ ವಹಿಸಲಾಗುವುದು ಎಂದು ಶಿಕ್ಷಣ ಇಲಾಖೆ ಅಧಿಕಾರಿಗಳು ತಿಳಿಸಿದರು.
ಕಳೆದ ವರ್ಷ 7ನೇ ತರಗತಿಯಲ್ಲಿದ್ದ ಮಕ್ಕಳ ಆಧಾರದ ಮೇಲೆ ಸೈಕಲ್ಗಳನ್ನು ರಾಜ್ಯದ ಎಲ್ಲ ಜಿಲ್ಲೆಗಳಿಗೂ ಪೂರೈಕೆ ಮಾಡಲಾಗುತ್ತದೆ. ಅದರಂತೆ ಜಿಲ್ಲೆಯ 7500 ಮಂದಿ ವಿದ್ಯಾರ್ಥಿಗಳಿಗೆ ಈ ಸೈಕಲ್ ಭಾಗ್ಯ ದೊರೆಯಲಿದೆ.
ಇನ್ನು ಬಂದಿಲ್ಲ ಸಮವಸ್ತ್ರ !
ಪ್ರಸಕ್ತ ಶೈಕ್ಷಣಿಕ ವರ್ಷ ಆರಂಭವಾಗಿ ಎರಡು ತಿಂಗಳು ಕಳೆಯುತ್ತಾ ಬಂದರೂ ಇನ್ನ್ನೂ ಸರಕಾರಿ ಶಾಲೆ ವಿದ್ಯಾರ್ಥಿಗಳಿಗೆ ಇನ್ನು ಸಮವಸ್ತ್ರ ಪೂರೈಕೆಯಾಗಿಲ್ಲ.
ಸಮವಸ್ತ್ರ ಸಮಾನತೆಯ ಸಂಕೇತ. ಆದರೆ, ಸರಕಾರಿ ಶಾಲೆ ಮಕ್ಕಳಿಗೆ ಹೊಸ ಸಮವಸ್ತ್ರ ಪೂರೈಕೆಯಾಗದ ಕಾರಣ ಸಾಕಷ್ಟು ಮಕ್ಕಳು ಹರಿದಿರುವ ಸಮವಸ್ತ್ರಗಳನ್ನೇ ಹಾಕಿಕೊಂಡು ಬರುವ ಸ್ಥಿತಿ ನಿರ್ಮಾಣವಾಗಿದೆ.
ಶೂ, ಸಾಕ್ಸ್ ಖರೀದಿಗೆ ಒಪ್ಪಿಗೆ
ಇನ್ನು ಸರಕಾರಿ ಶಾಲೆ ಮಕ್ಕಳಿಗೆ ಶೂ, ಸಾಕ್ಸ್ ಖರೀದಿಗೆ ಸರಕಾರ ಒಪ್ಪಿಗೆ ನೀಡಿದ್ದು, ಮೂರು ಅಳತೆಯ ಶೂ, ಸಾಕ್ಸ್ ಖರೀದಿಸಲು ಮೂರು ಬಗೆಯ ದರವನ್ನು ನಿಗದಿ ಮಾಡಿದೆ.
ಈ ಪೈಕಿ 265 ರೂ., 295 ರೂ. ಹಾಗೂ 325 ರೂ. ನಂತೆ ಶೂ, ಸಾಕ್ಸ್ ಖರೀದಿಸುವಂತೆ ಸೂಚನೆ ನೀಡಲಾಗಿದೆ. ಆಯಾ ಶಾಲಾಭಿವೃದ್ಧಿ ಸಮಿತಿಗಳಿಗೆ ಮಕ್ಕಳಿಗೆ ಅನುಗುಣವಾಗಿ ಅನುದಾನವನ್ನು ಸರಕಾರ ನೇರ ಖಾತೆಗೆ ಜಮೆ ಮಾಡಲಿದೆ. ಶಾಲಾಭಿವೃದ್ಧಿ ಸಮಿತಿಯವರು ಶೂ, ಸಾಕ್ಸ್ ಖರೀದಿಸಿ, ಮಕ್ಕಳಿಗೆ ವಿತರಿಸುವುದು ಬಾಕಿ ಇದೆ.
ಜಿಲ್ಲೆಗೆ ಸೈಕಲ್ ಬಿಡಿ ಭಾಗಗಳು ಬಂದಿದ್ದು, ಜೋಡಣೆ ಕಾರ್ಯವೂ ನಡೆಯುತ್ತಿದೆ. ಆದರೆ, ವಿತರಣೆ ವಿಚಾರವಾಗಿ ಸರಕಾರದಿಂದ ಇನ್ನು ಸುತ್ತೋಲೆ ಬಂದಿಲ್ಲ. ಬಂದ ತಕ್ಷಣ ವಿತರಣೆ ಕಾರ್ಯ ನಡೆಯಲಿದೆ. ಸಮವಸ್ತ್ರ ಬಂದಿಲ್ಲ. ಆದರೆ, ಶೂ, ಸಾಕ್ಸ್ ಖರೀದಿಗೆ ಸರಕಾರ ಅನುಮತಿ ನೀಡಿದೆ.
- ಮಂಜುನಾಥ್, ಡಿಡಿಪಿಐ, ಚಾ.ನಗರ.