ಶಿವಾಜಿ ಜಯಂತಿ ಹಣ ಯೋಧರ ಬ್ಯಾಂಕ್‌ ಖಾತೆಗೆ ಜಮಾ

ಚಾಮರಾಜನಗರ : ಜಿಲ್ಲಾಡಳಿತ ವತಿಯಿಂದ ಮಂಗಳವಾರ ನಡೆಯಬೇಕಿದ್ದ ಶಿವಾಜಿ ಮಹಾರಾಜ್‌ ಜಯಂತಿ ಕಾರ್ಯಕ್ರಮವನ್ನು ರದ್ದು ಗೊಳಿಸಿ ಅದೇ ಕಾರ್ಯಕ್ರಮಕ್ಕೆ ಖರ್ಚಾಗುವ ಹಣವನ್ನು ಹುತಾತ್ಮರಾದ 44 ಮಂದಿ ಯೋಧರ ಬ್ಯಾಂಕ್‌ ಖಾತೆಗೆ ಜಮಾ ಮಾಡಬೇಕೆಂದು ಕರ್ನಾಟಕ ಕ್ಷ ತ್ರಿಯ ಮರಾಠ ಪರಿಷತ್‌ ಜಿಲ್ಲಾಧ್ಯಕ್ಷ ವೆಂಕಟರಾವ್‌ ಸಾಠೆ ಜಿಲ್ಲಾಧಿಕಾರಿ ಬಿ.ಬಿ.ಕಾವೇರಿ ಅವರಿಗೆ ಮನವಿ ಸಲ್ಲಿಸಿದರು.

ಮನವಿ ಸ್ವೀಕರಿಸಿದ ನಂತರ ಮಾತನಾಡಿ, ಜಯಂತಿ ಆಚರಣೆಗೆ ಬರುವ ಅನುದಾನವನ್ನು ನಾವು ಆ ಕಾರ್ಯಕ್ರಮಕ್ಕೆ ಬಳಸಬೇಕು ಇಲ್ಲದಿದ್ದರೇ ಹಣ ಸರಕಾರಕ್ಕೆ ವಾಪಸ್‌ ಹೋಗಲಿದೆ. ಅದರಿಂದ ಶಿವಾಜಿ ಜಯಂತಿಯನ್ನು ಜಿಲ್ಲಾಡಳಿತ ವತಿಯಿಂದ ಹಳೇ ಕೆಡಿಪಿ ಸಭಾಂಗಣದಲ್ಲಿ ಸರಳವಾಗಿ ಆಚರಿಸಲಾಗುವುದು, ಸಂಘದ ಸದಸ್ಯರು ಎಲ್ಲರೂ ಭಾಗವಹಿಸಬೇಕೆಂದು ತಿಳಿಸಿದರು.

ಸಭೆಯಲ್ಲಿ ಕರ್ನಾಟಕ ಕ್ಷ ತ್ರಿಯ ಮರಾಠ ಪರಿಷತ್‌, ಅಖಂಡ ಕರ್ನಾಟಕ ಗೊಂಧಳಿ ಸಮಾಜ, ಕರ್ನಾಟಕ ಭಾವಸಾರ್‌ ಕ್ಷ ತ್ರಿಯ ಸಮಾಜ ಮಂಡಳಿ ಸದಸ್ಯರಾದ ವಿನೋದ್‌ ಕುಮಾರ್‌ ಸುಲಾಖೆ, ಪ್ರಕಾಶ್‌, ಎಸ್‌.ಆರ್‌.ಸಿಂತ್ರೆ, ಶಂಕರ್‌ರಾವ್‌ವಾಕುಡೆ, ಶ್ರೀನಿವಾಸ್‌ರಾವ್‌ ಚೌಹಾಣ್‌, ಸಿ.ಡಿ.ನಾಗರಾಜುನಾಜರೆ, ಶ್ರೀನಿವಾಸರಾವ್‌ಸಾಳಂಕೆ, ಮಮತಾಬಾಯಿಧುಮಾಳೆ, ರವಿರಾವ್‌ಜಾಧವ್‌, ಲೋಕೇಶ್‌ರಾವ್‌ಜಾಧವ್‌, ಶಿವಕುಮಾರ್‌ರಾವ್‌ ವಾಕುಡೆ, ಬಾಬುರಾವ್‌ ಸಾಠಿ ಚಂದ್ರುಜಗತಾಫ್‌, ಪೃಥ್ವಿರಾಜ್‌ ಹಾಜರಿದ್ದರು.