ಸಿದ್ದರಾಮಯ್ಯ ಏಕಾಂಗಿಯಲ್ಲ

ಚಾಮರಾಜನಗರ: ನಮ್ಮಲ್ಲಿ ಮೂಲ ಕಾಂಗ್ರೆಸ್, ವಲಸಿಗ ಎಂಬುದೇನೂ ಇಲ್ಲ. ಹಾಗೆಂದು ಹೇಳಿಕೊಂಡು ಯಾರೂ ಪಕ್ಷವನ್ನು ಇಬ್ಭಾಗ ಮಾಡಲು ಸಾಧ್ಯ ವಿಲ್ಲ. ಅಷ್ಟು ಸುಲಭವಾಗಿ ಸಿದ್ದರಾಮಯ್ಯ ಅವರನ್ನು ಬೇರೆ ಮಾಡಲು ಆಗುವುದಿಲ್ಲ ಎಂದು ಶಾಸಕ
ಸಿ. ಪುಟ್ಟರಂಗಶೆಟ್ಟಿ ಹೇಳಿದರು.

ನಗರದಲ್ಲಿ ಸುದ್ದಿಗಾರರ ಪ್ರಶ್ನೆಗೆ ಉತ್ತರಿಸಿದ ಅವರು, ‘‘‘ಸಿದ್ದರಾಮಯ್ಯ ಪಕ್ಷದಲ್ಲಿ ಏಕಾಂಗಿ ಆಗಿದ್ದರೆ, ಪ್ರತಿಪಕ್ಷದ ನಾಯಕರಾಗಿ ಹೇಗೆ ಆಯ್ಕೆ ಆಗುತ್ತಿದ್ದರು? ಎಲ್ಲರೂ ಅವರನ್ನು ಆಯ್ಕೆ ಮಾಡಿದ್ದರಿಂದಲೇ ಅದು ಸಾಧ್ಯವಾಯಿತು ಎಂಬುದನ್ನು ಬಿಜೆಪಿಯವರು ಅರಿಯಬೇಕು,’’ ಎಂದು ತಿರುಗೇಟು ನೀಡಿದರು.

ರಾಜ್ಯದ ಬಿಜೆಪಿ ಸರಕಾರ ಸುಭದ್ರವಾಗಿರಲೆಂದು ತಾನು ಆಶಿಸುತ್ತೇನೆ ಎಂದು ಈಚೆಗೆ ಶಾಸಕ ಎನ್. ಮಹೇಶ್ ಅವರು ನೀಡಿದ್ದ ಹೇಳಿಕೆಗೆ ಪುಟ್ಟರಂಗಶೆಟ್ಟಿ ಪ್ರತಿಕ್ರಿಯಿಸಿ, ‘‘ಶಾಸಕ ಎನ್. ಮಹೇಶ್ ಯಾವ ಪಕ್ಷ? ಅವರು ಆರಂಭದಲ್ಲಿ ಜಾ.ದಳ ಪರ ಮಾತನಾಡುತ್ತಿದ್ದರು. ಇದೀಗ ಬಿಜೆಪಿ ಪರ ಹೇಳಿಕೆಗಳನ್ನು ನೀಡುತ್ತಿದ್ದು, ಮುಂದೆ ಯಾವ ಪಕ್ಷದ ಪರ ನಿಲುವು ತಳೆಯುತ್ತಾರೋ ಗೊತ್ತಿಲ್ಲ,’’ಎಂದು ವ್ಯಂಗ್ಯವಾಡಿದರು.