ಸುಳವಾಡಿ ದುರಂತಕ್ಕೆ ಕಾರಣರಾದವರಿಗೆ ಎರಡು ತಿಂಗಳಲ್ಲಿ ಶಿಕ್ಷೆ ಆಗಬೇಕು: ಎಸ್‌.ಎಲ್‌. ಭೈರಪ್ಪ

ಚಾಮರಾಜನಗರ: ಸುಳವಾಡಿ ದುರಂತಕ್ಕೆ ಕಾರಣರಾದವರಿಗೆ ಎರಡು ತಿಂಗಳಲ್ಲಿ ಶಿಕ್ಷೆಯಾಗಬೇಕು ಎಂದು ಸಾಹಿತಿ ಎಸ್.ಎಲ್. ಭೈರಪ್ಪ ಹೇಳಿದರು.

ಕೊಳ್ಳೇಗಾಲ ಪಟ್ಟಣದ ಮಾನಸ ಶಿಕ್ಷಣ ಸಂಸ್ಥೆಯ ಮಾನಸೋತ್ಸವ ಕಾರ್ಯಕ್ರಮದಲ್ಲಿ ಮಾನಸ ಪ್ರಶಸ್ತಿ ಸ್ವೀಕರಿಸಿ ಮಾತನಾಡಿದರು.

ಇಂದಿನ ನ್ಯಾಯಾಂಗ ವ್ಯವಸ್ಥೆಯಿಂದಾಗಿಯೇ ಅಪರಾಧ ಎಸಗುವವರಿಗೆ ಭಯ ಇಲ್ಲದಂತಾಗಿದೆ. ಅಪರಾಧಿಗಳಿಗೆ ಶಿಕ್ಷೆ ವಿಧಿಸಲು 25 ವರ್ಷವಾಗುತ್ತಿದೆ ಎಂದರು.

ಈ ರೀತಿಯ ವಿಳಂಬ ಸಲ್ಲ. ಶೀಘ್ರ ಗತಿಯಲ್ಲಿ ತೀರ್ಪು ನೀಡಬೇಕು. ಅಲ್ಲದೇ ಪ್ರಸಾದದ ಬಗ್ಗೆ ಸುರಕ್ಷತಾ ಕ್ರಮ ಅಗತ್ಯ ಎಂದು ಭೈರಪ್ಪ ತಿಳಿಸಿದ್ದಾರೆ.