ಸಮನ್ವಯ ಸಮಿತಿ ನಿರ್ಧರಿಸಿದರೆ ಸಿಎಂ ಬದಲಾಗಬಹುದು: ಕೃಷಿ ಸಚಿವ

ಚಾಮರಾಜನಗರ: ಸಮ್ಮಿಶ್ರ ಸರಕಾರದ ನಡುವೆ ಸಮನ್ವಯ ಸಾಧಿಸಲು ರಚಿಸಲಾಗಿರುವ ಸಮನ್ವಯ ಸಮಿತಿ ನಿರ್ಧಾರಗಳು ಬದಲಾದರೆ ಮುಖ್ಯಮಂತ್ರಿಯೂ ಬದಲಾಗಬಹುದು ಎಂದು ಕೃಷಿ ಸಚಿವ ಶಿವಶಂಕರರೆಡ್ಡಿ ಪ್ರತಿಕ್ರಿಯಿಸಿದ್ದಾರೆ.

ನಗರದಲ್ಲಿ ಕೃಷಿ ಕಾಲೇಜು ಉದ್ಘಾಟನಾ ಕಾರ್ಯಕ್ರಮದಲ್ಲಿ ಸೋಮವಾರ ಆಗಮಿಸಿದ್ದ ಅವರನ್ನು ಸುದ್ದಿಗಾರರು, ಸಿದ್ದರಾಮಯ್ಯ ಅವರು ಮತ್ತೆ ನಾನೇ ಸಿಎಂ ಎಂದು ಹೇಳಿದ್ದಾರಲ್ಲ ಎಂದು ಕೇಳಿದ ಪ್ರಶ್ನೆಗೆ ಪ್ರತಿಕ್ರಿಯಿಸಿದರು.

''ಜಾ.ದಳ, ಕಾಂಗ್ರೆಸ್‌ ಮೈತ್ರಿಯಲ್ಲಿ ಯಾವುದೇ ಗೊಂದಲವಿಲ್ಲ. ಕೋಮುವಾದಿ ಬಿಜೆಪಿಯನ್ನು ಅಧಿಕಾರದಿಂದ ದೂರ ಇಡುವುದು ನಮ್ಮ ಉದ್ದೇಶ,'' ಎಂದರು.

''ಇನ್ನು ಬಿಜೆಪಿಯವರು ಯಾವ ಕಾಲಕ್ಕೆ ಸಾಲ ಮನ್ನಾ ಮಾಡಿದ್ದಾರೆ. ಅವರದ್ದು ಬರೀ ಮಾತು ಅಷ್ಟೇ, ಯಡಿಯೂರಪ್ಪ ಅವರು ಹಸಿರು ಶಾಲು ಹಾಕಿಕೊಂಡು ಪ್ರತ್ಯೇಕ ಕೃಷಿ ಕೃಷಿ ಬಜೆಟ್‌ ಮಂಡಿಸಿದರು. ಆದರೆ, ಅದರಿಂದ ಏನಾದರೂ ರೈತರಿಗೆ ಪ್ರಯೋಜನವಾಯಿತಾ ಎಂಬ ಬಗ್ಗೆ ಆಲೋಚಿಸಬೇಕು,'' ಎಂದರು.