ಬಂಡೀಪುರ ವಾಹನ ಸಂಚಾರ ಸಂಪೂರ್ಣ ನಿಷೇಧವಿಲ್ಲ

ಗುಂಡ್ಲುಪೇಟೆ: ಬಂಡೀಪುರ ರಾಷ್ಟ್ರೀಯ ಉದ್ಯಾನದಲ್ಲಿಹಾದು ಹೋಗಿರುವ ರಾಷ್ಟ್ರೀಯ ಹೆದ್ದಾರಿ 766(212) ರಲ್ಲಿ ಸಂಪೂರ್ಣ ವಾಹನ ಸಂಚಾರ ನಿಷೇಧವಿಲ್ಲಎಂದು ಪ್ರಧಾನ ಮುಖ್ಯ ಅರಣ್ಯ ಸಂರಕ್ಷಣಾಧಿಕಾರಿ(ವನ್ಯಜೀವಿ) ಮತ್ತು ಮುಖ್ಯ ವನ್ಯಜೀವಿ ಪರಿಪಾಲಕ ಪೊನ್ನಟಿ ಶ್ರೀಧರ್‌ ಸ್ಪಷ್ಟನೆ ನೀಡಿದ್ದಾರೆ. ರಾಷ್ಟ್ರೀಯ ಹೆದ್ದಾರಿ 766 ಅನ್ನು ಹಗಲು ಸಂಚಾರಕ್ಕೆ ಮುಕ್ತವಾಗಿಡಬೇಕು ಎಂದು ಆಗ್ರಹಿಸಿ, ಧರಣಿ, ಸತ್ಯಾಗ್ರಹ, ಆಂದೋಲನಗಳು ನಡೆಸುತ್ತಿರುವುದು ತಿಳಿದು ಬಂದಿದೆ. ಆದರೆ ರಾಷ್ಟ್ರೀಯ ಹೆದ್ದಾರಿ 766 ರಲ್ಲಿಹಗಲು ವಾಹನ ಸಂಚಾರ(ಬೆಳಗ್ಗೆ 6 ರಿಂದ ರಾತ್ರಿ 9 ಗಂಟೆ) ನಿಷೇಧಿಸುವ ಯಾವುದೇ ಪ್ರಸ್ತಾವಣೆ ಅಥವಾ ಆದೇಶವಾಗಲಿ ರಾಜ್ಯ ಸರಕಾರದ ಮುಂದೆ ಇಲ್ಲಎಂದು ಅ.5 ರ ಪತ್ರಿಕಾ ಪ್ರಕಟಣೆಯಲ್ಲಿಸ್ಪಷ್ಟಣೆ ನೀಡಿದ್ದಾರೆ.