ಟಿಕೆಟ್‌ ವಂಚನೆ ಆರೋಪ

ಚಾಮರಾಜನಗರ : ಜೆಡಿಎಸ್‌ ಪಕ್ಷ ದಲ್ಲಿ ಕಳೆದ 5 ವರ್ಷದಿಂದ ಸಕ್ರಿಯ ಕಾರ್ಯಕರ್ತಳಾಗಿ ದುಡಿದ ನನಗೆ ಈ ಬಾರಿ ನಗರಸಭೆ ಚುನಾವಣೆಯಲ್ಲಿ ಟಿಕೆಟ್‌ ನೀಡುವುದಾಗಿ ಭರವಸೆ ನೀಡಿ ವಂಚಿಸಲಾಗಿದೆ ಎಂದು ಜಾಲಹಳ್ಳಿಹುಂಡಿ ನಾಗಮಣಿ ಆರೋಪಿಸಿದ್ದಾರೆ.

ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ''ಪಕ್ಷ ಸಂಘಟನೆ ಜತೆಗೆ ನಾಡು ನುಡಿ ರಕ್ಷ ಣೆಯ ನಾನಾ ಹೋರಾಟಗಳಲ್ಲಿ ತೊಡಗಿಸಿಕೊಂಡಿರುವ ನನಗೆ ಪಕ್ಷ ದ ಮುಖಂಡರು ನಗರಸಭೆ ಚುನಾವಣೆಯಲ್ಲಿ 24ನೇ ವಾರ್ಡ್‌ನಿಂದ ಟಿಕೆಟ್‌ ಕೊಡುವುದಾಗಿ ಭರವಸೆ ನೀಡಿದ್ದರು. ವಾರ್ಡಿನ ಜನರಿಂದಲೂ ಉತ್ತಮ ಸ್ಪಂದನೆ ಸಿಕ್ಕಿತ್ತು. ನಾಮಪತ್ರ ಸಲ್ಲಿಸಲು ಸಿದ್ಧತೆ ಮಾಡಿಕೊಂಡಿರುವ ವೇಳೆ ಟಿಕೆಟ್‌ ಕೊಡಿಸಬೇಕಾದರೆ ಹಣ ಕೊಡಬೇಕು ಎಂದು ಹೇಳಿ, ಬೇರೆ ಪಕ್ಷ ದಿಂದ ಬಂದವರಿಗೆ ಟಿಕೆಟ್‌ ನೀಡಿ ವಂಚಿಸಿದ್ದಾರೆ,'' ಎಂದು ದೂರಿದರು.

''ಈ ಬಗ್ಗೆ ಪಕ್ಷ ದ ವರಿಷ್ಠ ಎಚ್‌.ಡಿ.ದೇವೇಗೌಡ, ಮುಖ್ಯಮಂತ್ರಿ ಎಚ್‌.ಡಿ.ಕುಮಾರಸ್ವಾಮಿ, ಜೆಡಿಎಸ್‌ ರಾಜ್ಯಾಧ್ಯಕ್ಷ ಎಚ್‌.ವಿಶ್ವನಾಥ್‌ ಅವರ ಗಮನಕ್ಕೂ ತಂದಿದ್ದೇನೆ. ವಂಚಿಸಿದ ಮುಖಂಡರ ವಿರುದ್ಧ ವರಿಷ್ಠರು ಶಿಸ್ತುಕ್ರಮ ಕೈಗೊಳ್ಳಬೇಕು,'' ಎಂದು ಆಗ್ರಹಿಸಿದರು.

ಗೋಷ್ಠಿಯಲ್ಲಿ ಜಾಲಹಳ್ಳಿಹುಂಡಿ ಗೌರಮ್ಮ, ಮಂಜುಳಾ, ಶಿವಣ್ಣ, ಮಧು ಹಾಜರಿದ್ದರು.