ಆ್ಯಪ್ನಗರ

ಗುಂಡ್ಲುಪೇಟೆಯಲ್ಲಿ ಗರಿಷ್ಠ ಗ್ರಹಣ ಗೋಚರ: ಆವರಿಸಿದ ಮಬ್ಬು ಕತ್ತಲು

ಚಾಮರಾಜನಗರ ಜಿಲ್ಲೆ, ಗುಂಡ್ಲುಪೇಟೆ ತಾಲೂಕಿನ ಮಂಗಲ ಗ್ರಾಮದಲ್ಲಿ ಮೋಡದ ನಡುವೆಯೂ ಗರಿಷ್ಠ ಪ್ರಮಾಣದ ಕಂಕಣ ಸೂರ್ಯಗ್ರಹಣ ಗೋಚರಿಸಿತು. ಗ್ರಾಮಸ್ಥರು ಮತ್ತು ಆಸಕ್ತ ಜನರು ಕುತೂಹಲದಿಂದ ಬಾನಂಗಳದ ಕೌತುಕವನ್ನು ವೀಕ್ಷಿಸಿದರು.

Vijaya Karnataka Web 26 Dec 2019, 7:23 pm
ಗುಂಡ್ಲುಪೇಟೆ : ಚಾಮರಾಜನಗರ ಜಿಲ್ಲೆ, ಗುಂಡ್ಲುಪೇಟೆ ತಾಲೂಕಿನ ಮಂಗಲ ಗ್ರಾಮದಲ್ಲಿಮೋಡದ ನಡುವೆಯೂ ಗರಿಷ್ಠ ಪ್ರಮಾಣದ ಕಂಕಣ ಸೂರ್ಯಗ್ರಹಣ ಗೋಚರಿಸಿತ್ತಲ್ಲದೇ ಗ್ರಾಮಸ್ಥರು ಮತ್ತು ಆಸಕ್ತ ಜನರು ಕುತೂಹಲದಿಂದ ವೀಕ್ಷಿಸಿದರು.
Vijaya Karnataka Web solar eclipse


ಬಂಡೀಪುರ ರಾಷ್ಟ್ರೀಯ ಉದ್ಯಾನದ ನಡುವೆ ಇರುವ ಮಂಗಲ ಗ್ರಾಮ ಗ್ರಹಣ ಗೋಚರಿಸುವ ರೇಖೆಯಲ್ಲಿರುವ ಕಾರಣ ಇಲ್ಲಿಗರಿಷ್ಠ ಪ್ರಮಾಣದಲ್ಲಿ ಅಂದರೆ ಶೇ.93.31 ರಷ್ಟು ಗೋಚರಿಸುತ್ತದೆ ಎಂದು ಭೌತಶಾಸ್ತ್ರಜ್ಞರು ಮತ್ತು ಖಗೋಳ ವಿಜ್ಞಾನಿಗಳ ಮಾಹಿತಿ ಧೃಡಪಟ್ಟಿತ್ತು. ಹೀಗಾಗಿ ಗ್ರಾಮಸ್ಥರು ಮತ್ತು ಹೊರಗಿನ ಮಂದಿ ಗ್ರಾಮದ ನೀರಿನ ಓವರ್‌ಹೆಡ್‌ ಟ್ಯಾಂಕ್‌, ಬಸ್‌ ನಿಲ್ದಾಣದ ಬಳಿ ಮತ್ತು ಆರ್‌ಸಿಸಿ ಬಿಲ್ಡಿಂಗ್‌ಗಳ ಮೇಲೆ ನಿಂತು ಸೂರ್ಯಗ್ರಹಣವನ್ನು ವೀಕ್ಷಿಸಿದರು. ಮೊಬೈಲ್‌, ಕ್ಯಾಮರಾಗಳಲ್ಲಿ ಫೋಟೋ ಕ್ಲಿಕ್ಕಿಸಿಕೊಂಡರು.

ಕತ್ತಲಿನ ವಾತಾವರಣ: ಬೆಳಗ್ಗೆ 9.15 ಸುಮಾರಿನಲ್ಲಿಕಂಕಣ ಸೂರ್ಯಗ್ರಹಣ ಗೋಚರಿಸುತ್ತಲೇ ಗ್ರಾಮದಲ್ಲಿ ಕತ್ತಲಿನ ವಾತಾವರಣ ಉಂಟಾಗಿತ್ತು. ಸೂರ್ಯನ ಸುತ್ತಲೂ ಬಳೆಯಾಕಾರದ ಬೆಂಕಿಯುಂಗುರು ಕಂಡು ಬಂತು. ಮತ್ತೊಂದು ಸಂದರ್ಭ ಸೂರ್ಯ ಅರ್ಧ ಚಂದ್ರಾಕೃತಿಯಲ್ಲಿಕಂಡು ಬಂದ.

ನಂದಿಬೆಟ್ಟದಲ್ಲಿ ಕಂಡ ರವಿ-ಶಶಿಯ ನೆರಳು-ಬೆಳಕಿನಾಟ! : ಮಂಜಿನ ಮೋಜಲ್ಲಿ ಮಿಂದ ಪ್ರವಾಸಿಗರು

ಜನಜೀವನದಲ್ಲಿಏರುಪೇರು: ಸೂರ್ಯಗ್ರಹಣದಿಂದ ಯಾವುದೇ ತೊಂದರೆ ಇಲ್ಲಎಂಬುದು ತಿಳಿದಿದ್ದರೂ, ಸಾಕಷ್ಟು ಮಂದಿ ನಿದ್ರೆಯಿಂದ ಏಳುವುದನ್ನು ತಡ ಮಾಡಿದರು. ತಿಂಡಿ ಮುಂದೂಡಿದ್ದರು. ಪಟ್ಟಣದಲ್ಲಿ ಕೆಲ ಮಾಲೀಕರು ಎಂದಿನಂತೆ ಅಂಗಡಿ ಮುಂಗಟ್ಟುಗಳು ತಮ್ಮ ದೈನಂದಿನ ವ್ಯಾಪಾರ ವ್ಯವಹಾರ ಆರಂಭಿಸಲಿಲ್ಲ. ಗ್ರಹಣದ ಸಂದರ್ಭದಲ್ಲಿ ತಯಾರು ಮಾಡಿದ ತಿಂಡಿಯನ್ನು ಜನರು ತಿನ್ನುವುದಿಲ್ಲಎಂಬ ಕಾರಣಕ್ಕೆ ಹೋಟೆಲ್‌ನಲ್ಲಿ ತಿಂಡಿ ಮಾಡಿರಲಿಲ್ಲ. ಕೆಲವರು ಹೋಟೆಲ್‌ ಮತ್ತು ಕ್ಯಾಂಟೀನ್‌ ಬಾಗಿಲು ಮುಚ್ಚಿದ್ದರು.
ಬ್ಯಾಂಕ್‌ಗಳಲ್ಲಿ ಹಣಕಾಸಿನ ವಹಿವಾಟು ಇತರೆ ವ್ಯವಹಾರಗಳಿಗೆ ಗ್ರಾಹಕರೇ ಇರಲಿಲ್ಲ. ಪೋಷಕರು ಮಕ್ಕಳನ್ನು ಕಳುಹಿಸದ ಕಾರಣ ಶಾಲೆ ಕಾಲೇಜುಗಳಲ್ಲಿ ವಿದ್ಯಾರ್ಥಿಗಳ ಸಂಖ್ಯೆ ಕಡಿಮೆ ಇತ್ತು. ಕೊಳ್ಳುವರಲ್ಲಿದ ಕಾರಣ ರಸ್ತೆ ಬದಿ ವ್ಯಾಪಾರಿಗಳು ವ್ಯಾಪಾರವಿಲ್ಲದೇ ಬರಿಗೈನಲ್ಲಿ ಕೂರುವಂತಾಯಿತು.

ವರ್ಷದ ಕೊನೆಯ ಸೂರ್ಯಗ್ರಹಣದಿಂದ ಈ ರಾಶಿಗಳಿಗೆ ಶುಭಕಾಲ ಆರಂಭ..!

ಪಟ್ಟಣದ ಮೂಲಕ ಹಾದು ಹೋಗಿರುವ ರಾಷ್ಟ್ರೀಯ ಹೆದ್ದಾರಿ 766 ಮತ್ತು ಇತರೆ ಕಡೆಗಳಲ್ಲಿ ಜನರ ಓಡಾಟ ಕಡಿಮೆ ಇತ್ತು. ಸರಕಾರಿ ಕಚೇರಿಗಳು ಜನರಿಲ್ಲದೇ ಬಿಕೋ ಎಂದ ದೃಶ್ಯ ಕಂಡು ಬಂತು. ಒಟ್ಟಾರೆ ಕಂಕಣ ಸೂರ್ಯಗ್ರಹಣ ಪಟ್ಟಣ ಮತ್ತು ತಾಲೂಕಿನ ಜನಜೀವನದ ಮೇಲೆ ಪರಿಣಾಮ ಬೀರಿದ್ದಂತೂ ನಿಜ.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ