ತಿರುಚ್ಚಿ: ಟ್ರಾಕ್ಟರ್‌ ಹರಿಸಿ ಸಬ್‌ ಇನ್‌ಸ್ಪೆಕ್ಟರ್‌ ಹತ್ಯೆ ಹತ್ನ

ತಿರುಚ್ಚಿ: ಅಕ್ರಮ ಮರಳು ಗಣಿಗಾರಿಕೆ ತಡೆಯಲು ಮುಂದಾದ ಸಬ್‌ ಇನ್‌ಸ್ಪೆಕ್ಟರ್‌ ಹತ್ಯೆ ಪ್ರಯತ್ನ ತಮಿಳುನಾಡಿನ ಕರೂರ್‌ನಲ್ಲಿ ನಡೆದಿದೆ.
ಅಕ್ರಮ ಮರಳು ದಂಧೆಯಲ್ಲಿ ತೊಡಗಿದ್ದ ನಾಲ್ವರನ್ನು ಗುಂಪನ್ನು ಪತ್ತೆ ಮಾಡಿದ ಪಲವಿದುಥಿ ಪೊಲೀಸ್‌ ಠಾಣೆಯ ಸಬ್‌ಇನ್‌ಸ್ಪೆಕ್ಟರ್‌ ತಂಗವೇಲ್‌, ಆರೋಪಿಗಳು ಪರಾರಿಯಾಗದಂತೆ ತಡೆಯಲೆತ್ನಿಸಿದ್ದಾರೆ. ಈ ವೇಳೆ ಅವರ ಮೇಲೆ ಮಾರಣಾಂತಿಕ ಹಲ್ಲೆ ನಡೆಸಲಾಗಿದೆ.

ತಂಗವೇಲ್‌ ಹಾಗೂ ಗೃಹ ರಕ್ಷಕ ದಳದ ಕಾನ್‌ಸ್ಟೇಬಲ್‌ ಒಬ್ಬರು ರೌಂಡ್ಸ್‌ಗೆ ತೆರಳಿದ್ದಾರೆ. ಠಾಣೆಯ ಬೈಕ್‌ನಲ್ಲಿ ಇಬ್ಬರು ಚಿಂತಮಣಿಪಟ್ಟಿಯ ಭಾಗದಲ್ಲಿ ಸಾಗುತ್ತಿರುವ ವೇಳೆ, 2 ಟ್ರಾಕ್ಟರ್‌ನಲ್ಲಿ ಮರಳು ಸಾಗಿಸುತ್ತಿರುವುದನ್ನು ಕಂಡಿದ್ದಾರೆ. ತಕ್ಷಣ ಕಾರ್ಯ ಪ್ರವೃತ್ತರಾದ ತಂಗವೇಲ್‌, ಟ್ರಾಕ್ಟರ್‌ ನಿಲ್ಲಿಸುವಂತೆ ಚಾಲಕನಿಗೆ ಸೂಚಿಸಿದ್ದಾರೆ. ಆದರೆ ತಂಗವೇಲ್‌ ಮೇಲೆಯೇ ಟ್ರಾಕ್ಟರ್‌ ಹರಿಸಿ, ಹತ್ಯೆ ಮಾಡಲು ಯತ್ನಿಸಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಪ್ರಧಾನ ಮಂತ್ರಿ ಕಿಸಾನ್‌ ಸಮ್ಮಾನ್‌ ಯೋಜನೆ: ತಮಿಳುನಾಡಿಗೆ 2 ಸಾವಿರ ಕೋಟಿ ಅನುದಾನ

ಘಟನೆಯಲ್ಲಿ ತಂಗವೇಲ್‌ ಕಾಲುಗಳಿಗೆ ಗಂಭೀರ ಗಾಯಗಳಾಗಿದ್ದು, ಚಿಕಿತ್ಸೆ ಪಡೆಯುತ್ತಿದ್ದಾರೆ. ಟ್ರಾಕ್ಟರ್‌ ಚಾಲಕರನ್ನು ಎಂ ಅಜಯ್‌ ಹಾಗೂ ಎಂ. ಸೆಂಥಿಲ್‌ ಎಂದು ಗುರುತಿಸಲಾಗಿದೆ. 2 ಟ್ರಾಕ್ಟರ್‌ಗಳು ಎಸ್‌ ನಾಗಪ್ಪನ್‌ ಹಾಗೂ ಎಲ್‌ ಸೆಲ್ವಮ್‌ ಅವರಿಗೆ ಸೇರಿದ್ದು ಎಂದು ತಿಳಿದು ಬಂದಿದ್ದು, ನಾಲ್ವರ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ.