ಚೆನ್ನೈ: ಸರ್ಕಾರಿ ಅಧಿಕಾರಿಯಾಗಿಬಿಟ್ಟರೇ ಸಾಕು ಧಾಮ್, ಧೂಮ್ ಅಂತಾ ಐಷಾರಾಮಿ ವಾಹನಗಳಲ್ಲಿ ಸಂಚರಿಸುವ ಜನರನ್ನು ನಾವು ನೀವು ನೋಡಿರ್ತೀವಿ. ಪೊಲೀಸರಾದ್ರಂತೂ ಅವರದ್ದೇ ಬೈಕ್, ಜೀಪ್ ಬಿಟ್ಟು ಕಚೇರಿಗೆ ಬರಲ್ಲ. ಆದರೆ, ಚೆನ್ನೈನಲ್ಲಿ ಒಬ್ಬರು ಅಧಿಕಾರಿ ಕಳೆದ 23 ವರ್ಷಗಳಿಂದ ಸೈಕಲ್ನಲ್ಲಿಯೇ ಕಚೇರಿಗೆ ಬರುತ್ತಿದ್ದಾರೆ. ತಮಿಳುನಾಡು ಪೊಲೀಸ್ ಇಲಾಖೆಯಲ್ಲಿ ಎಸ್ಐ ಆಗಿ ಕಾರ್ಯನಿರ್ವಹಿಸುತ್ತಿರುವ 45 ವರ್ಷದ ಜಿ ಪುಷ್ಪರಾಣಿ ಅವರು ಸೈಕಲ್ನಲ್ಲಿಯೇ ಕಚೇರಿಗೆ ಬಂದು ತಮ್ಮ ಸರಳತೆಗೆ ಸಾಕ್ಷಿಯಾಗಿದ್ದಾರೆ. ಚೆನ್ನೈನ ಫ್ಲವರ್ ಬಜಾರ್ ಸಂಚಾರ ತನಿಖಾ ವಿಭಾಗದಲ್ಲಿ ಎಸ್ಐ ಆಗಿರುವ ಪುಷ್ಪರಾಣಿ ಅವರು ಕಳೆದ 23 ವರ್ಷಗಳಿಂದ ಕಚೇರಿಗೆ ಸೈಕಲ್ನಲ್ಲಿಯೇ ಬರುತ್ತಿದ್ದಾರೆ. 1997ರ ಬ್ಯಾಚಿನ ಪೊಲೀಸ್ ಅಧಿಕಾರಿಯಾಗಿರುವ ಪುಷ್ಪರಾಣಿ, ತಮಿಳುನಾಡು ವಿಶೇಷ ಪೊಲೀಸ್ ವಿಭಾಗದಲ್ಲಿ ಗ್ರೇಡ್ 2 ಕಾನ್ಸ್ಟೇಬಲ್ ಹುದ್ದೆಯಿಂದ ತಮ್ಮ ವೃತ್ತಿಯನ್ನು ಆರಂಭಿಸಿದ್ದರು. ಬಳಿಕ ಸಶಸ್ತ್ರ ಮೀಸಲು ಪಡೆಗೆ ವರ್ಗಾವಣೆಗೊಂಡರು. ಸದ್ಯ ಸಂಚಾರ ತನಿಖಾ ವಿಭಾಗದಲ್ಲಿ ಎಸ್ಐ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.
ಪುದುಪೇಟೆಯ ಸಶಸ್ತ್ರ ಮೀಸಲು ಪಡೆಯಲ್ಲಿ ಇದ್ದಾಗ ನಾನು ಸೈಕಲ್ ತುಳಿಯುವುದನ್ನು ಪ್ರಾರಂಭಿಸಿದೆ. ನನ್ನ ತಂದೆ ಗೋವಿಂದಸ್ವಾಮಿ ನಿವೃತ್ತ ಎಸ್ಐ ಆಗಿದ್ದು, ಅವರು ಕೂಡ ಕಚೇರಿಗೆ ಸೈಕಲ್ ತೆಗೆದುಕೊಂಡು ಹೋಗುತ್ತಿದ್ದರು. ಅವರೇ ನನಗೆ ಸೈಕಲ್ ತುಳಿಯುವುದನ್ನು ಕಲಿಸಿದ್ದಾರೆ. ಅದಾದ ಬಳಿಕ ನಾನು ಸೈಕಲ್ ಅನ್ನು ಬಿಟ್ಟೇ ಇಲ್ಲ, ಕಚೇರಿಗೂ ಸೈಕಲ್ನಲ್ಲಿಯೇ ಹೋಗುತ್ತೇನೆ ಎಂದು ಪುಷ್ಪರಾಣಿ ಹೇಳಿದ್ದಾರೆ.
ಪ್ರತಿನಿತ್ಯ ಕನಿಷ್ಟ 6 ಕಿಮೀ ಸೈಕ್ಲಿಂಗ್!
ಪುಷ್ಪರಾಣಿ ಅವರು ತಮ್ಮ ವೃತ್ತಿಜೀವನದ ಭಾಗಶಃ ಭಾಗವನ್ನು ಚೆನ್ನೈ ನಗರದಲ್ಲಿರುವ ವಿವಿಧ ಮಹಿಳಾ ಪೊಲೀಸ್ ಠಾಣೆಗಳಲ್ಲಿ ಕಳೆದಿದ್ದಾರೆ. ಸೈಕ್ಲಿಂಗ್ ನನಗೆ ಶಕ್ತಿಯನ್ನು ವೃದ್ಧಿಸುತ್ತದೆ, ಜೀವನಶೈಲಿ ಕೂಡ ಉತ್ತಮವಾಗಿದೆ. ದಿನಕ್ಕೆ ಕನಿಷ್ಟ 6 ಕಿಮೀ ಸೈಕಲ್ ತುಳಿಯುತ್ತೇನೆ. ಕಮಿಷನರ ಕಚೇರಿ ಹಾಗೂ ಕೆಲಸಕ್ಕಾಗಿ ಇತರ ಸ್ಥಳಗಳಿಗೆ ಹೋದರೂ ಸೈಕಲ್ನಲ್ಲಿಯೇ ಹೋಗುತ್ತೇನೆ. ನಾನು ಸಾಮಾನ್ಯವಾಗಿ ಯಾಂತ್ರಿಕೃತ ಸಾರಿಗೆ ವ್ಯವಸ್ಥೆಯನ್ನು ಬಳಸುವುದಿಲ್ಲ ಎಂದು ಪುಷ್ಪರಾಣಿ ಹೇಳಿದ್ದಾರೆ.
ಪೊಲೀಸ್ ಇಲಾಖೆಯ ಹಲವರು ವಾಹನ ತೆಗೆದುಕೊಳ್ಳುವಂತೆ ಎಷ್ಟೇ ಮನವೊಲಿಸಲು ಪ್ರಯತ್ನಿಸಿದರು ಮಣಿಯದ ಪುಷ್ಪರಾಣಿ ತಮ್ಮ ಸೈಕಲ್ ಯಾತ್ರೆಯನ್ನು ಮುಂದುವರಿಸಿದ್ದಾರೆ. ಇದು ನನ್ನ 7ನೇ ಸೈಕಲ್ ಆಗಿದ್ದು, ಕಮಿಷನರ್ ಶಂಕರ್ ಜೈಸ್ವಾಲ್ ಇದನ್ನು ಗಿಫ್ಟ್ ಆಗಿ ನೀಡಿದ್ದಾರೆ ಎಂದು ಹೇಳಿದ್ದಾರೆ. ಅದಲ್ಲದೇ ಪುಷ್ಪರಾಣಿ ಅವರು ತಮ್ಮ ಮಗ ಮತ್ತು ಮಗಳಿಗೆ ಸೈಕಲ್ನಲ್ಲಿ ಶಾಲೆಗೆ ಹೋಗುವಂತೆ ಪ್ರೇರೆಪಿಸುತ್ತಿದ್ದಾರೆ.
ಹಲವರಿಗೆ ಪ್ರೇರಣೆಯಾದ ಪುಷ್ಪರಾಣಿ!
ಇನ್ನು, ಸೌಕಾರಪೇಟೆಯ ಹಲವು ಮಹಿಳೆಯರು ಕೂಡ ಪುಷ್ಪರಾಣಿ ಅವರನ್ನು ನೋಡಿ ಸೈಕಲ್ ಬಳಸಲು ಮುಂದಾಗಿದ್ದಾರೆ. ಹೂವಿನ ವ್ಯಾಪಾರಿ ಸುಬ್ಬಲಕ್ಷ್ಮೀ ಮಾತನಾಡಿ, ಹೂವಿನ ಮಾರುಕಟ್ಟೆಗೆ ನಾನು ಸೈಕಲ್ನಲ್ಲಿಯೇ ಹೋಗುತ್ತೇನೆ. ಇದರಿಂದ ಹಣ ಉಳಿತಾಯದ ಜೊತೆಗೆ ಆರೋಗ್ಯವೂ ವೃದ್ಧಿಸುತ್ತಿದೆ. ಶಾಲಾ ದಿನಗಳಿಂದಲೂ ಸೈಕ್ಲಿಂಗ್ ಗೊತ್ತಿದ್ದರೂ ಅದನ್ನು ಬಳಸುವುದನ್ನು ನಿಲ್ಲಿಸಿದ್ದೆ. ಪುಷ್ಪರಾಣಿ ಮೇಡಂ ಸೈಕಲ್ನಲ್ಲಿ ಹೋಗುವುದನ್ನು ನೋಡಿ ನನಗ್ಯಾಕೆ ಆಗಲ್ಲ ಎಂದು ಸೈಕಲ್ ಬಳಸಲು ಆರಂಭಿಸಿದೆ ಎಂದಿದ್ದಾರೆ.
ಫ್ಲವರ್ ಬಜಾರ್ ಪೊಲೀಸ್ ಠಾಣೆಯ ಸಂಚಾರಿ ತನಿಖಾ ವಿಭಾಗದ ಇನ್ಸ್ಪೆಕ್ಟರ್ ಡಿ ಇಂದಿರಾ ಪ್ರತಿಕ್ರಿಯಿಸಿದ್ದು, ಮಹಿಳೆಯರಿಗೆ ಸೈಕ್ಲಿಂಗ್ ಬಹಳ ಪ್ರಮುಖವಾದದ್ದು, ಪುಷ್ಪರಾಣಿ ಅವರಿಂದ ಬಹಳಷ್ಟು ಜನ ಪ್ರೇರೆಪಿತರಾಗಿದ್ದಾರೆ ಎಂದು ಹೇಳಿದ್ದಾರೆ.
ಪುದುಪೇಟೆಯ ಸಶಸ್ತ್ರ ಮೀಸಲು ಪಡೆಯಲ್ಲಿ ಇದ್ದಾಗ ನಾನು ಸೈಕಲ್ ತುಳಿಯುವುದನ್ನು ಪ್ರಾರಂಭಿಸಿದೆ. ನನ್ನ ತಂದೆ ಗೋವಿಂದಸ್ವಾಮಿ ನಿವೃತ್ತ ಎಸ್ಐ ಆಗಿದ್ದು, ಅವರು ಕೂಡ ಕಚೇರಿಗೆ ಸೈಕಲ್ ತೆಗೆದುಕೊಂಡು ಹೋಗುತ್ತಿದ್ದರು. ಅವರೇ ನನಗೆ ಸೈಕಲ್ ತುಳಿಯುವುದನ್ನು ಕಲಿಸಿದ್ದಾರೆ. ಅದಾದ ಬಳಿಕ ನಾನು ಸೈಕಲ್ ಅನ್ನು ಬಿಟ್ಟೇ ಇಲ್ಲ, ಕಚೇರಿಗೂ ಸೈಕಲ್ನಲ್ಲಿಯೇ ಹೋಗುತ್ತೇನೆ ಎಂದು ಪುಷ್ಪರಾಣಿ ಹೇಳಿದ್ದಾರೆ.
ಪ್ರತಿನಿತ್ಯ ಕನಿಷ್ಟ 6 ಕಿಮೀ ಸೈಕ್ಲಿಂಗ್!
ಪುಷ್ಪರಾಣಿ ಅವರು ತಮ್ಮ ವೃತ್ತಿಜೀವನದ ಭಾಗಶಃ ಭಾಗವನ್ನು ಚೆನ್ನೈ ನಗರದಲ್ಲಿರುವ ವಿವಿಧ ಮಹಿಳಾ ಪೊಲೀಸ್ ಠಾಣೆಗಳಲ್ಲಿ ಕಳೆದಿದ್ದಾರೆ. ಸೈಕ್ಲಿಂಗ್ ನನಗೆ ಶಕ್ತಿಯನ್ನು ವೃದ್ಧಿಸುತ್ತದೆ, ಜೀವನಶೈಲಿ ಕೂಡ ಉತ್ತಮವಾಗಿದೆ. ದಿನಕ್ಕೆ ಕನಿಷ್ಟ 6 ಕಿಮೀ ಸೈಕಲ್ ತುಳಿಯುತ್ತೇನೆ. ಕಮಿಷನರ ಕಚೇರಿ ಹಾಗೂ ಕೆಲಸಕ್ಕಾಗಿ ಇತರ ಸ್ಥಳಗಳಿಗೆ ಹೋದರೂ ಸೈಕಲ್ನಲ್ಲಿಯೇ ಹೋಗುತ್ತೇನೆ. ನಾನು ಸಾಮಾನ್ಯವಾಗಿ ಯಾಂತ್ರಿಕೃತ ಸಾರಿಗೆ ವ್ಯವಸ್ಥೆಯನ್ನು ಬಳಸುವುದಿಲ್ಲ ಎಂದು ಪುಷ್ಪರಾಣಿ ಹೇಳಿದ್ದಾರೆ.
ಪೊಲೀಸ್ ಇಲಾಖೆಯ ಹಲವರು ವಾಹನ ತೆಗೆದುಕೊಳ್ಳುವಂತೆ ಎಷ್ಟೇ ಮನವೊಲಿಸಲು ಪ್ರಯತ್ನಿಸಿದರು ಮಣಿಯದ ಪುಷ್ಪರಾಣಿ ತಮ್ಮ ಸೈಕಲ್ ಯಾತ್ರೆಯನ್ನು ಮುಂದುವರಿಸಿದ್ದಾರೆ. ಇದು ನನ್ನ 7ನೇ ಸೈಕಲ್ ಆಗಿದ್ದು, ಕಮಿಷನರ್ ಶಂಕರ್ ಜೈಸ್ವಾಲ್ ಇದನ್ನು ಗಿಫ್ಟ್ ಆಗಿ ನೀಡಿದ್ದಾರೆ ಎಂದು ಹೇಳಿದ್ದಾರೆ. ಅದಲ್ಲದೇ ಪುಷ್ಪರಾಣಿ ಅವರು ತಮ್ಮ ಮಗ ಮತ್ತು ಮಗಳಿಗೆ ಸೈಕಲ್ನಲ್ಲಿ ಶಾಲೆಗೆ ಹೋಗುವಂತೆ ಪ್ರೇರೆಪಿಸುತ್ತಿದ್ದಾರೆ.
ಹಲವರಿಗೆ ಪ್ರೇರಣೆಯಾದ ಪುಷ್ಪರಾಣಿ!
ಇನ್ನು, ಸೌಕಾರಪೇಟೆಯ ಹಲವು ಮಹಿಳೆಯರು ಕೂಡ ಪುಷ್ಪರಾಣಿ ಅವರನ್ನು ನೋಡಿ ಸೈಕಲ್ ಬಳಸಲು ಮುಂದಾಗಿದ್ದಾರೆ. ಹೂವಿನ ವ್ಯಾಪಾರಿ ಸುಬ್ಬಲಕ್ಷ್ಮೀ ಮಾತನಾಡಿ, ಹೂವಿನ ಮಾರುಕಟ್ಟೆಗೆ ನಾನು ಸೈಕಲ್ನಲ್ಲಿಯೇ ಹೋಗುತ್ತೇನೆ. ಇದರಿಂದ ಹಣ ಉಳಿತಾಯದ ಜೊತೆಗೆ ಆರೋಗ್ಯವೂ ವೃದ್ಧಿಸುತ್ತಿದೆ. ಶಾಲಾ ದಿನಗಳಿಂದಲೂ ಸೈಕ್ಲಿಂಗ್ ಗೊತ್ತಿದ್ದರೂ ಅದನ್ನು ಬಳಸುವುದನ್ನು ನಿಲ್ಲಿಸಿದ್ದೆ. ಪುಷ್ಪರಾಣಿ ಮೇಡಂ ಸೈಕಲ್ನಲ್ಲಿ ಹೋಗುವುದನ್ನು ನೋಡಿ ನನಗ್ಯಾಕೆ ಆಗಲ್ಲ ಎಂದು ಸೈಕಲ್ ಬಳಸಲು ಆರಂಭಿಸಿದೆ ಎಂದಿದ್ದಾರೆ.
ಫ್ಲವರ್ ಬಜಾರ್ ಪೊಲೀಸ್ ಠಾಣೆಯ ಸಂಚಾರಿ ತನಿಖಾ ವಿಭಾಗದ ಇನ್ಸ್ಪೆಕ್ಟರ್ ಡಿ ಇಂದಿರಾ ಪ್ರತಿಕ್ರಿಯಿಸಿದ್ದು, ಮಹಿಳೆಯರಿಗೆ ಸೈಕ್ಲಿಂಗ್ ಬಹಳ ಪ್ರಮುಖವಾದದ್ದು, ಪುಷ್ಪರಾಣಿ ಅವರಿಂದ ಬಹಳಷ್ಟು ಜನ ಪ್ರೇರೆಪಿತರಾಗಿದ್ದಾರೆ ಎಂದು ಹೇಳಿದ್ದಾರೆ.