ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಶೌಚಾಲಯವು ಸ್ವಚ್ಚತೆಯಿಲ್ಲದೆ ಹದಗೆಟ್ಟಿದ್ದು, ವಿದ್ಯಾರ್ಥಿಗಳು ಅದನ್ನೇ ಬಳಸುತ್ತಿದ್ದು, ರೋಗರುಜಿನಗಳ ಭೀತಿಯಿಂದ ಬಳಲುವಂತಾಗಿದೆ. ಸರಕಾರಿ ಶಾಲೆಗಳಿಗೆ ತಮ್ಮ ಮಕ್ಕಳನ್ನು ಸೇರಿಸಲು ಪೋಷಕರು ಹಿಂದೆ ಮುಂದೆ ನೋಡುತ್ತಿರುವ ವೇಳೆಯಲ್ಲಿ ಸರಕಾರಿ ಶಾಲೆಗಳಲ್ಲಿ ಸೂಕ್ತ ಮೂಲ ಸೌಲಭ್ಯಗಳನ್ನು ಒದಗಿಸುವಲ್ಲಿ ಅಧಿಕಾರಿಗಳ ನಿರ್ಲಕ್ಷ್ಯಕ್ಕೆ ಇದು ಉದಾಹರಣೆಯಂತಿದೆ.
ಈ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಯ ಕೂಗಳತೆ ದೂರದಲ್ಲಿಯೇ ಕ್ಷೇತ್ರ ಶಿಕ್ಷ ಣಾಧಿಕಾರಿ ಕಚೇರಿಯಿದ್ದು, ಇಡೀ ಶಾಲೆಯ ಆವರಣವು ಕಸದ ಮಯವಾಗಿದೆ. ಇಂಥ ಸ್ಥಳದಲ್ಲೇ ಮಕ್ಕಳು ಪಾಠ ಪ್ರವಚನ ಕೇಳಬೇಕಾದ ಸ್ಥಿತಿ. ತಮ್ಮ ಮಕ್ಕಳನ್ನು ಈ ಶಾಲೆಗೆ ಸೇರಿಸಲು ಬರುವ ಪೋಷಕರು ಈ ಶಾಲೆಯ ವಾತಾವರಣ ನೋಡಿ ವಾಪಸ್ ಹೋಗುವಂತಾಗಿದೆ. ಸಂಬಂಧಪಟ್ಟವರು ಇತ್ತ ಗಮನ ಹರಿಸಿ, ಮಕ್ಕಳ ಶೈಕ್ಷಣಿಕ ಚಟುವಟಿಕೆಗಳಿಗೆ ಉತ್ತಮ ಪರಿಸರ ಸೃಷ್ಟಿಸಿಕೊಡುತ್ತಾರೆಯೇ ಕಾದು ನೋಡಬೇಕಿದೆ.