ಪ್ರಭಾರ ರಾಜಸ್ವ ನಿರೀಕ್ಷ ಕರ ಹಿಂಬಡ್ತಿಗೆ ಒತ್ತಾಯ

ಚಿಂತಾಮಣಿ: ತಾಲೂಕಿನ ಕೈವಾರ ಮತ್ತು ಕಸಬಾ ಹೊಬಳಿಯ ಪ್ರಭಾರ ಕಂದಾಯ ರಾಜಸ್ವ ನಿರೀಕ್ಷ ಕ ಅಂಬರೀಶ್‌ ಅವರನ್ನು ರಾಜಸ್ವ ನಿರೀಕ್ಷ ಕರಿಂದ ಹಿಂಬಡ್ತಿ ನೀಡಿ ಮರಳಿ ಅವರ ಹುದ್ದೆಯಾದ ಪ್ರಥಮ ದರ್ಜೆ ಸಹಾಯಕ ಹುದ್ದೆಗೆ ಕಳುಹಿಸುವಂತೆ ಕೈವಾರ ಮತ್ತು ಕಸಬಾ ಹೋಬಳಿಯ ಸಾರ್ವಜನಿಕರು ಒತ್ತಾಯಿಸಿದ್ದಾರೆ.

ಪ್ರಸ್ತುತ ಕೈವಾರ ಮತ್ತು ಕಸಬಾ ಹೋಬಳಿಯಲ್ಲಿ ರಾಜಸ್ವ ನಿರೀಕ್ಷ ಕರಾಗಿರುವ ಅಂಬರೀಶ್‌ ಮೂಲ ಹುದ್ದೆ ಪ್ರಥಮ ದರ್ಜೆ ಸಹಾಯಕನಾಗಿದ್ದು, ಇವರನ್ನು ಮೇಲಾಧಿಕಾರಿಗಳು ಕಳೆದ ಕೆಲವು ವರ್ಷಗಳಿಂದ ಕೈವಾರ ಮತ್ತು ಕಸಬಾ ಹೋಬಳಿಯ ಕಂದಾಯ ವೃತ ನಿರೀಕ್ಷ ಕರ ಸ್ಥಾನಕ್ಕೆ ಪ್ರಭಾರಿಯಾಗಿ ಆಯ್ಕೆ ಮಾಡಿ ಮುಂಬಡ್ತಿ ನೀಡಿಲಾಗಿದೆ. ಆದರೆ ಅವರು ಸಾರ್ವಜನಿಕರ ಬಳಿ ಪ್ರತಿಯೊಂದಕ್ಕೂ ಕಮೀಷನ್‌ ಪಡೆದು ಸಾರ್ವಜನಿಕರನ್ನು ಹಿಂಸಿಸುತ್ತಿದ್ದಾರೆ ಎಂದು ಆರೋಪಿಸಿ ಕಸಬಾ ಮತ್ತು ಕೈವಾರ ಹೋಬಳಿ ಸಾರ್ವಜನಿಕರು ಜಿಲ್ಲಾಧಿಕಾರಿಗೆ ದೂರು ನೀಡಿದ್ದಾರೆ.

ಇನ್ನೂ ಅಂಬರೀಶ್‌ 2013-14 ರಲ್ಲಿ ಕೈವಾರ ಹೋಬಳಿಯ ಕೈವಾರ ಗ್ರಾಮದ ಸರ್ವೆ ನಂ 177, ಹೊಸಹಳ್ಳಿ ಗ್ರಾಮದ ಸರ್ವೆ ನಂ 141/ಎ, ಅಕ್ಕಿಮಂಗಳ ಗ್ರಾಮದ ಸರ್ವೆ ನಂ 74ರ ಹಿಡುವಳಿ ಭೂಮಿಯ ಭೂ ದಾಖಲೆಗಳನ್ನು ತಂತ್ರಾಂಶದಲ್ಲಿ ದಾಖಲು ಮಾಡದೆ ಖಾತೆ ಬದಲಾವಣೆ ಮಾಡಿ ಪಹಣಿ ಇಂಡಿಕರಣ ಮಾಡಿದ್ದ ಆರೋಪದಡಿ ಅನಾಮತ್ತು ಆಗಿದ್ದರು. ನಂತರ ಕಸಬಾ ಹೋಬಳಿ ದಿಗೂರು ಗ್ರಾಮದ ಸರ್ವೆ ನಂ 8/3ಎ1 ರ ಒಂದು ಎಕರೆ ಜಮೀನನ್ನು ಖಾತೆ ಮಾಡುವ ವಿಚಾರವಾಗಿ ಲಂಚ ಪಡೆದು ಭ್ರಷ್ಟಾಚಾರ ನಿಗ್ರಹ ದಳಕ್ಕೆ ಸಿಕ್ಕಿ ಬಿದ್ದಿದ್ದರು. ಇಷ್ಟೇ ಅಲ್ಲದೆ ಹತ್ತು ಹಲವು ಆರೋಪಗಳನ್ನು ಹೊತ್ತಿರುವ ಪ್ರಬಾರ ರಾಜಸ್ವ ನಿರೀಕ್ಷ ಕ ಅಂಬರೀಷ್‌ ರವರಿಗೆ ಕೂಡಲೇ ಹಿಂಬಡ್ತಿ ನೀಡಿ ಅವರ ಮೂಲ ಹುದ್ದೆಯಾದ ಪ್ರಥಮ ದರ್ಜೆ ಸಹಾಯಕರ ಹುದ್ದೆಗೆ ಕಳುಹಿಸುವಂತೆ ಒತ್ತಾಯಿಸಿದ್ದಾರೆ.

ಸರಕಾರದ ಸೌಲಬ್ಯಗಳನ್ನು ರೈತರಿಗೆ ಹಂಚುವಲ್ಲಿ ವಿಫಲವಾಗಿರುವ ಹಾಗೂ ಲಂಚಕೋರನಾಗಿರುವ ಪ್ರಭಾರ ರಾಜಸ್ವ ನಿರೀಕ್ಷ ಕರಿಗೆ ಹಿಂಬಡ್ತಿ ನೀಡಿ ಸಾರ್ವಜನಿಕರಿಗೆ ಸಹಕರಿಸಿ ಎಂದು ಜಿಲ್ಲಾಧಿಕಾರಿಗಳಿಗೆ ನೀಡಿರುವ ದೂರಿನ ಪ್ರತಿಯಲ್ಲಿ ಕೋರಿದ್ದಾರೆ.