ವೀರಶೈವ, ಲಿಂಗಾಯತ ಬೇರೆಂಬುದು ಸುಳ್ಳು: ಡಾ.ಚನ್ನ ಸಿದ್ದರಾಮ ಪಂಡಿತಾರಾಧ್ಯ ಶಿವಾಚಾರ್ಯ ಸ್ವಾಮಿಗಳು

ಇವು ಒಂದೇ ಧರ್ಮದ ಎರಡು ಹೆಸರುಗಳು: ಶ್ರೀ ಶಿವಚಾರ್ಯ ಸ್ವಾಮಿಗಳು

Vijaya Karnataka Web

ವಿಕ ಸುದ್ದಿಲೋಕ ಗೌರಿಬಿದನೂರು

ಸಂಪ್ರದಾಯಗಳನ್ನು ಪ್ರತಿಯೊಬ್ಬರೂ ಗೌರವಿಸುವ ಮೂಲಕ ಉತ್ತಮ ಸಮಾಜ ನಿರ್ಮಾಣಕ್ಕೆ ನಾಂದಿ ಹಾಡಬೇಕು ಎಂದು ಶ್ರೀ ಶೈಲ ಪೀಠದ ಜಗದ್ಗುರು ಡಾ.ಚನ್ನ ಸಿದ್ದರಾಮ ಪಂಡಿತಾರಾಧ್ಯ ಶಿವಾಚಾರ್ಯ ಸ್ವಾಮಿಗಳು ಕರೆ ನೀಡಿದರು.

ನಗರದ ವೀರಶೈವ ಸೇವಾ ಸಮಿತಿ ಆವರಣದಲ್ಲಿನೂತನ ವಿದ್ಯಾರ್ಥಿ ನಿಲಯ ಲೋಕಾರ್ಪಣೆ ಮಾಡಿ ಆರ್ಶೀವಚನ ನೀಡಿದರು.

ವೀರಶೈವ, ಲಿಂಗಾಯಿತ ಎರಡೂ ಬೇರೆ ಎಂದು ಕೆಲವರು ಸುಳ್ಳು ಬೀಜ ಬಿತ್ತುತ್ತಿದ್ದಾರೆ. ಆದರೆ ವೀರಶೈವ ಲಿಂಗಾಯಿತ ಒಂದೇ ಧರ್ಮದ ಎರಡು ಹೆಸರುಗಳು. ಈ ಬಗ್ಗೆ ಗೊಂದಲಗಳು ಬೇಡ. ನಿತ್ಯ ಕಾಯಕದಿಂದ ಕಾಯಕ ಯೋಗಿಗಳಾಗಿ ಎಂದು ತಿಳಿಸಿದರು.

ಸಮಾಜದಲ್ಲಿ ಯಾರೋಬ್ಬರೂ ಶಿಕ್ಷಣದಿಂದ ವಂಚಿತರಾಗಬಾರದು ಎಂಬ ಏಕೈಕ ಉದ್ದೇಶದಿಂದ ಮಠಗಳು ಶಿಕ್ಷಣ ಕ್ಷೇತ್ರಕ್ಕೆ ಆದ್ಯತೆ ನೀಡುತ್ತಿವೆ. ವಿದ್ಯಾರ್ಥಿಗಳು ಶ್ರದ್ದಿ ಮತ್ತು ಛಲದಿಂದ ವಿದ್ಯಾರ್ಜನೆ ಮಾಡುವ ಮೂಲಕ ಬದುಕು ಹಸನಾಗಿಸಿಕೊಳ್ಳಬೇಕು ಎಂದರು. ಕಾರ್ಯಕ್ರಮದಲ್ಲಿಕಾಯಕ ಯೋಗಿ ಎಲ್‌. ಮಹಾದೇವಯ್ಯ ರವರ ಅಭಿನಂದನಾ ಗ್ರಂಥವನ್ನು ಬಿಡುಗಡೆ ಮಾಡಿದರು.

ವೇದಿಕೆಯಲ್ಲಿಗೃಹ ಸಚಿವ ಬಸವರಾಜ ಬೊಮ್ಮಾಯಿ, ವೀರಶೈವ ಸೇವಾ ಸಮಿತಿ ಅಧ್ಯಕ್ಷ ಎಲ್‌.ಮಹಾದೇವಯ್ಯ, ಕಾರ್ಯಾಧ್ಯಕ್ಷ ಎಂ.ಎನ್‌.ಶಶಿಧರ್‌, ಗೌರವ ಕಾರ್ಯದರ್ಶಿ ಶಿವಪ್ರಸಾದ್‌ ಮುಂತಾದವರು ಹಾಜರಿದ್ದರು.