ಅಂದರ್ ಬಾಹರ್; 8 ಮಂದಿ ಬಂಧನ

ಗೌರಿಬಿದನೂರು: ಪಟ್ಟಣ ಸಮೀಪದ ಗುಂಡಾಪುರದ ಬಳಿ ಅಂದರ್ ಬಾಹರ್ ಜೂಜಾಡುತ್ತಿದ್ದ 8 ಮಂದಿಯನ್ನು ಪುರ ಠಾಣೆಯ ಪೊಲೀಸರು ಖಚಿತ ಮಾಹಿತಿ ಮೇರೆಗೆ ದಾಳಿ ನಡೆಸಿ ಅವರನ್ನು ಬಂಧಿಸಿ, ಪಣಕ್ಕಿಟ್ಟಿದ್ದ 8660 ರೂ.ಗಳನ್ನು ವಶಪಡಿಸಿಕೊಂಡಿದ್ದಾರೆ.

ಪಟ್ಟಣದ ವಾಸಿಗಳಾದ ಸುನೀಲ್ ಕುಮಾರ್, ಉದಯ್, ಗಣೇಶ್, ಪುನೀತ್, ಮಂಜುನಾಥ್, ಕಲ್ಯಾಣ್, ಮಂಜುನಾಥ್, ಅಖಿಲೇಶ್ ಜೂಜಾಡುತ್ತಿದ್ದ ಬಂಧಿತರು ಎಂದು ಗುರುತಿಸಲಾಗಿದೆ. ಪುರ ಠಾಣೆಯ ಎಸ್ಸೈ ನಯಾಜ್ ಬೇಗ್ ಪ್ರಕರಣ ದಾಖಲಿಸಿಕೊಂಡು ಮುಂದಿನ ಕ್ರಮಕೈಗೊಂಡಿದ್ದಾರೆ.

ಪಟ್ಟಣದಲ್ಲಿ ಅಂದರ್ ಬಾಹರ್ ಜೂಜಾಟ ಹಾಗೂ ಮಟ್ಕಾ ದಂಧೆಗಳು ಕಂಡು ಬಂದಲ್ಲಿ ನಿರ್ಧಾಕ್ಷ್ಯಿಣ್ಯವಾಗಿ ಕ್ರಮ ಜರುಗಿಸಲಾಗುವುದು. ಅಲ್ಲದೆ, ಮಟ್ಕಾ ದಂಧೆ ನಡೆಸುವುವರನ್ನು ರೌಡಿಹಾಳೆ ತೆಗೆದು ಕ್ರಮ ಕೈಗೊಳ್ಳಲಾಗುವುದು ಎಂದು ಎಸ್ಸೈ ಎಚ್ಚರಿಸಿದ್ದಾರೆ.