20 ಮಂದಿ ನಾಮಪತ್ರ ವಾಪಸ್‌, 115 ಮಂದಿ ಕಣದಲ್ಲಿ

ಶಿಡ್ಲಘಟ್ಟ: ನಗರಸಭೆಗೆ ಮೇ 29ರಂದು ನಡೆಯುವ ಚುನಾವಣೆಗೆ ನಾಮಪತ್ರಗಳನ್ನು ಸಲ್ಲಿಸಿದ್ದ ಆಕಾಂಕ್ಷಿಗಳಲ್ಲಿ 20 ಮಂದಿ ನಾಮಪತ್ರ ವಾಪಸ್‌ ಪಡೆದಿದ್ದು, ಅಂತಿಮವಾಗಿ 115 ಮಂದಿ ಕಣದಲ್ಲಿ ಉಳಿದುಕೊಂಡಿದ್ದಾರೆ.

ನಗರದ 31 ವಾರ್ಡ್‌ಗಳಿಗೆ 140 ಮಂದಿ ಆಕಾಂಕ್ಷಿಗಳು ನಾಮಪತ್ರ ಸಲ್ಲಿಸಿದ್ದು, ಈ ಪೈಕಿ 5 ನಾಮಪತ್ರಗಳು ತಿರಸ್ಕೃತಗೊಂಡಿದ್ದು, ಕ್ರಮಬದ್ಧವಾಗಿದ್ದ 135 ನಾಮಪತ್ರಗಳ ಪೈಕಿ 20 ನಾಮಪತ್ರಗಳನ್ನು ಹಿಂದಕ್ಕೆ ಪಡೆಯಲಾಗಿದೆ.

ವಾರ್ಡ್‌ 1ರಲ್ಲಿ-4, ವಾರ್ಡ್‌ 2ರಲ್ಲಿ -2, ವಾರ್ಡ್‌ 3-5, ವಾರ್ಡ್‌ 4-6, ವಾರ್ಡ್‌ 5-3, ವಾರ್ಡ್‌ 6-5, ವಾರ್ಡ್‌ 7-3, ವಾರ್ಡ್‌ 8-6, ವಾರ್ಡ್‌ 9-2, ವಾರ್ಡ್‌ 10-2, ವಾರ್ಡ್‌ 11-3, ವಾರ್ಡ್‌ 12-6, ವಾರ್ಡ್‌ 13-3, ವಾರ್ಡ್‌ 14-6, ವಾರ್ಡ್‌ 15-6 ಮಂದಿ ಕಣದಲ್ಲಿದ್ದಾರೆ.

ವಾರ್ಡ್‌ 16-2, ವಾರ್ಡ್‌ 17-2, ವಾರ್ಡ್‌ 18-3, ವಾರ್ಡ್‌ 19-4, ವಾರ್ಡ್‌ 20-3, ವಾರ್ಡ್‌ 21-4, ವಾರ್ಡ್‌ 22-3, ವಾರ್ಡ್‌23-3, ವಾರ್ಡ್‌24-2, ವಾರ್ಡ್‌25-3, ವಾರ್ಡ್‌ 26-5, ವಾರ್ಡ್‌ 27-4, ವಾರ್ಡ್‌ 28-5, ವಾರ್ಡ್‌ 29-5, ವಾರ್ಡ್‌ 30-3 ಹಾಗೂ ವಾರ್ಡ್‌ 31ರಲ್ಲಿ 3 ಮಂದಿ ಕಣದಲ್ಲಿದ್ದಾರೆ.

ನಾಲ್ಕು ವಾರ್ಡ್‌ಗಳಲ್ಲಿ ತಲಾ 6 ಮಂದಿ ಹೆಚ್ಚಿನ ಸಂಖ್ಯೆಯಲ್ಲಿ ಅಭ್ಯರ್ಥಿಗಳು ಕಣದಲ್ಲಿದ್ದರೆ, 6 ವಾರ್ಡ್‌ಗಳಲ್ಲಿ ತಲಾ ಇಬ್ಬರಂತೆ ಅಭ್ಯರ್ಥಿಗಳು ಇದ್ದಾರೆ.

ನಗರದಲ್ಲಿನ 31 ವಾರ್ಡ್‌ಗಳ ಪೈಕಿ 6 ವಾರ್ಡ್‌ಗಳಲ್ಲಿ ಮಾತ್ರ ಕಾಂಗ್ರೆಸ್‌ ಹಾಗೂ ಜೆಡಿಎಸ್‌ನ ಅಭ್ಯರ್ಥಿಗಳು ಕಣದಲ್ಲಿದ್ದು, ಇನ್ನುಳಿದ ವಾರ್ಡ್‌ಗಳಲ್ಲಿ ಕಾಂಗ್ರೆಸ್‌, ಜೆಡಿಎಸ್‌ ಜತೆಗೆ ಬಿಎಸ್ಪಿ, ಬಿಜೆಪಿ, ಪಕ್ಷೇತರ ಅಭ್ಯರ್ಥಿಗಳು ಕಣದಲ್ಲಿದ್ದಾರೆ.