ಯುನೆಸ್ಕೋ ಬುಕ್ ಆಫ್ ರೆಕಾರ್ಡ್‌‌ಗೆ ಕನ್ನಡ ಭಾಷೆ ಸೇರಿಸಿ: ಮೊಯ್ಲಿ ಒತ್ತಾಯ

ಚಿಕ್ಕಬಳ್ಳಾಪುರ: ಕನ್ನಡ ಭಾಷೆಯನ್ನು ಯುನೆಸ್ಕೋ ಬುಕ್ ಆಫ್ ರೆಕಾರ್ಡ್‌ನಲ್ಲಿ ಸೇರಿಸುವಂತೆ ಸಂಸದ ವೀರಪ್ಪ ಮೊಯ್ಲಿ ಅವರು ಕೇಂದ್ರ ಮಾನವ ಸಂಪನ್ಮೂಲ ಸಚಿವರಲ್ಲಿ ಮನವಿ ಮಾಡಿದ್ದಾರೆ.

ಸಾಮಾಜಿಕ ಜಾಲತಾಣದ ಮೂಲಕ ಕೇಂದ್ರ ಸಚಿವರನ್ನು ಒತ್ತಾಯಿಸಿರುವ ಮೊಯ್ಲಿ ಅವರು, ಲೋಕಸಭೆಯ ಶೂನ್ಯ ವೇಳೆಯಲ್ಲಿಯೂ ಈ ವಿಷಯವನ್ನು ಪ್ರಸ್ತಾಪಿಸಿದ್ದಾರೆ.

ಭಾರತದ ಹಲವು ಭಾಷೆಗಳಲ್ಲಿ ಕನ್ನಡ ಭಾಷೆಗೆ ತನ್ನದೆ ಆದ ಸಂಸ್ಕೃತಿ ಹಾಗೂ ಇತಿಹಾಸವಿದೆ. ಸಂವಿಧಾನದ 18ನೇ ಅನುಚ್ಛೇದದಲ್ಲಿ ಕನ್ನಡಕ್ಕೆ ವಿಶೇಷ ಸ್ಥಾನವಿದೆ. 2008 ರಲ್ಲಿ ಕನ್ನಡ ಭಾಷೆಗೆ ಶಾಸ್ತ್ರೀಯ ಸ್ಥಾನಮಾನ ಸಿಕ್ಕಿದೆ. ಜಾಗತಿಕ ಭಾಷೆಗಳಲ್ಲಿ ಕನ್ನಡ ಪ್ರಬಲ ಭಾಷೆಯಾಗಿದೆ. 2016ರ ವಿಶ್ವ ಆರ್ಥಿಕ ಒಕ್ಕೂಟದಲ್ಲಿ ಕನ್ನಡ ಭಾಷೆ 82ನೇ ಸ್ಥಾನ ಗಳಿಸಿದೆ. 38.1 ದಶಲಕ್ಷ ಜನ ಕನ್ನಡ ಮಾತೃ ಭಾಷಿಕರಿದ್ದಾರೆ. ಹೀಗಾಗಿ ಕನ್ನಡ ಭಾಷೆಯನ್ನು ಯುನೆಸ್ಕೋ ಬಕ್ ಆಫ್ ರೆಕಾರ್ಡ್‌ನಲ್ಲಿ ಸೇರಿಸುಂತೆ ಮೊಯ್ಲಿ ಒತ್ತಾಯಿಸಿದ್ದಾರೆ.