ಪಕ್ಷೇತರರ ಅಭ್ಯರ್ಥಿಗಳಿಗೆ ಚುನಾವಣೆ ಚಿಹ್ನೆ ಹಂಚಿಕೆ

ಚಿಕ್ಕಬಳ್ಳಾಪುರ: ಚಿಕ್ಕಬಳ್ಳಾಪುರ ಲೋಕಸಭೆ ಚುನಾವಣೆಗೆ ಸ್ಪರ್ಧಿಸಿರುವ ಪಕ್ಷೇತರರ ಅಭ್ಯರ್ಥಿಗಳಿಗೆ ಚುನಾವಭೇ ಆಯೋಗದ ನಿರ್ದೇಶನದಂತೆ ಜಿಲ್ಲಾ ಚುನಾವಣಾಧಿಕಾರಿ ಅನಿರುದ್ಧ್‌ ಶ್ರವಣ್‌ ಅವರು ಚುನಾವಣಾ ಚಿಹ್ನೆಯನ್ನು ಹಂಚಿಕೆ ಮಾಡಿದ್ದಾರೆ.

ಲೋಕಸಭೇ ಕ್ಷೇತ್ರದ ಕಣದಲ್ಲಿ ಅಂತಿಮವಾಗಿ 15 ಅಭ್ಯರ್ಥಿಗಳಿದ್ದು, ಈ ಪೈಕಿ ನಾಲ್ವರು ನಾನಾ ರಾಷ್ಟ್ರೀಯ ಪಕ್ಷಗಳ (ಕಾಂಗ್ರೆಸ್‌, ಬಿಜೆಪಿ, ಸಿಪಿಐಎಂ, ಬಿಎಸ್‌ಪಿ) ಅಭ್ಯರ್ಥಿಗಳಾಗಿದ್ದು, 5 ಅಭ್ಯರ್ಥಿಗಳು ನಾನಾ ನೋಂದಾಯಿತ ಪಕ್ಷಗಳ ಅಭ್ಯರ್ಥಿಗಳಾಗಿದ್ದಾರೆ. ಉಳಿದಂತೆ 6 ಮಂದಿ ಪಕ್ಷೇತರರ ಅಭ್ಯರ್ಥಿಗಳು ಕಣದಲ್ಲಿದ್ದು, ಅವರಿಗೆ ಚುನಾವಣೆ ಚಿಹ್ನೆ ಹಂಚಿಕೆ ಮಾಡಲಾಗಿದೆ.

ಇನ್ನು ನೋಂದಾಯಿತ ಪಕ್ಷಗಳಾದ ಉತ್ತಮ ಪ್ರಜಾಕೀಯ ಪಾರ್ಟಿ(ಆಟೋರಿಕ್ಷಾ)-ಜಿ. ಮುನಿರಾಜು, ಸಮಾಜವಾದಿ ಜನತಾ ಪಾರ್ಟಿ(ಟೋಪಿ)-ಖಾದರ್‌ ಸುಬಾನ್‌ ಖಾನ್‌, ಕರ್ನಾಟಕ ಕಾರ್ಮಿಕರ ಪಕ್ಷ (ಬ್ರೆಡ್‌ ಟೋಸ್ಟರ್‌)ದಿಂದ ನಜೀರ್‌ ಅಹಮದ್‌, ಅಂಬೇಡ್ಕರ್‌ ಸಮಾಜ ಪಾರ್ಟಿ(ಗಾಜಿನ ಲೋಟ)-ಎಸ್‌.ಆರ್‌.ನಾಗೇಶ್‌ರೆಡ್ಡಿ ಹಾಗೂ ಕರ್ನಾಟಕ ಜನತಾ ಪಕ್ಷ(ತೆಂಗಿನ ತೋಟ)-ನಾಗೇಂದ್ರರಾವ್‌ ಶಿಂದೆ ಅವರು ಕಣದಲ್ಲಿದ್ದಾರೆ.

ಯಾರಿಗೆ ಯಾವ್ಯಾವ ಚಿಹ್ನೆ

1. ಕನಕಲಕ್ಷ್ಮೇ-ದೂರದರ್ಶನ(ಟಿವಿ)

2. ಎಲ್‌.ನಾಗರಾಜ್‌-ಗ್ಯಾಸ್‌ ಸಿಲಿಂಡರ್‌

3. ನಸುರುಲ್ಲಾ-ಡೀಸೆಲ್‌ ಪಂಪ್‌

4. ಕೆ.ಎಸ್‌.ನಳಿನ-ಕಬ್ಬು ರೈತ

5. ಎಸ್‌.ವಿ.ಫಣಿರಾಜು-ಮೇಜು

6. ಅಬ್ದುಲ್‌ ಕರೀಂ ದೇಸಾಯಿ-ಹವಾ ನಿಯಂತ್ರಕ