ಮಡಬಹಳ್ಳಿ ಬೆಟ್ಟಕ್ಕೆ ಬೆಂಕಿ

ಚಿಂತಾಮಣಿ: ತಾಲೂಕಿನ ಕೈವಾರ ಹೋಬಳಿಯ ಮಡಬಹಳ್ಳಿ ಸಮೀಪದಲ್ಲಿರುವ ಬೆಟ್ಟಕ್ಕೆ ಯಾರೋ ಕಿಡಿಗೇಡಿಗಳು ಬೆಂಕಿ ಇಟ್ಟ ಪರಿಣಾಮ ಎರಡು ದಿನಗಳಿಂದ ಹೊತ್ತಿಕೊಂಡು ಉರಿಯುತ್ತಿರುವ ಬೆಟ್ಟದಲ್ಲಿ ವಾಸವಾಗಿದ್ದ ಸಣ್ಣ ಪುಟ್ಟ ಜೀವಜಂತುಗಳು ಸಂಪೂರ್ಣ ಸುಟ್ಟು ಕರಕಲಾಗಿವೆ.

ಹುಳ ಉಪ್ಪಟೆಗಳು ಗ್ರಾಮಕ್ಕೆ ನುಗ್ಗವ ಭೀತಿ: ಇನ್ನು ಗ್ರಾಮಕ್ಕೆ ಹೊಂದಿಕೊಂಡಂತೆ ಇರುವ ಬೆಟ್ಟದಲ್ಲಿ ಬೆಂಕಿ ಬಿದ್ದಿರುವುದರಿಂದ ಬೆಟ್ಟದಲ್ಲಿರುವ ಹಾವು ಮುಂತಾದ ಹುಳ ಉಪ್ಪಟೆಗಳು ಗ್ರಾಮಕ್ಕೆ ನುಗ್ಗುವ ಭೀತಿಯಲ್ಲಿ ಜನರಿದ್ದಾರೆ.

ದನ ಮೇಯಿಸುವವರ ಪರದಾಟ: ಮಡಬಹಳ್ಳಿ ಸೇರಿದಂತೆ ಬೆಟ್ಟದ ಸುತ್ತಮುತ್ತಲೂ ಇದ್ದ ಗ್ರಾಮಗಳ ಜನ ತಮ್ಮ ಕುರಿ, ಮೇಕೆ ಮುಂತಾದ ಜಾನುವಾರುಗಳನ್ನು ಮೇಯಿಸಲು ಬೆಟ್ಟವನ್ನು ನೆಚ್ಚಿಕೊಂಡಿದ್ದು, ಇದೀಗ ಆಸರೆಯಿಲ್ಲದೆ ಪರದಾಡುವಂತಾಗಿದೆ.

ಇಲಾಖೆಯ ನಿರ್ಲಕ್ಷ ್ಯ: ಬೆಟ್ಟಕ್ಕೆ ಬೆಂಕಿ ಬಿದ್ದು ಎರಡು ದಿನಗಳಾಗಿ, ಹಲವು ಎಕರೆಗಳಷ್ಟು ಬೆಟ್ಟ ಸಂಪೂರ್ಣವಾಗಿ ಸುಟ್ಟು ಹೋಗಿದೆ. ಆದರೆ ಈವರೆಗೂ ಅರಣ್ಯ ಇಲಾಖೆ ಇತ್ತ ಸುಳಿದಿಲ್ಲ. ಬೆಟ್ಟಕ್ಕೆ ಬೆಂಕಿ ಬಿದ್ದ ತಕ್ಷ ಣ ಅದನ್ನು ಆರಿಸುವ ಕೆಲಸವನ್ನು ಮಾಡಿದ್ದರೆ ಬೆಂಕಿಯನ್ನು ನಿಯಂತ್ರಿಸಬಹುದಿತ್ತು.

ಬರಗಾಲದಿಂದ ತತ್ತರಿಸಿರುವ ಇಂತಹ ಸಂದರ್ಭದಲ್ಲಿ ಪ್ರಾಕೃತಿಕವಾಗಿ ಮೇವು ಲಭ್ಯವಿರುವುದು ಬೆಟ್ಟಗಳಲ್ಲಿ. ಆದರೆ ಕಿಡಿಗೇಡಿಗಳ ತಪ್ಪಿನಿಂದ ಇಂದು ದನಗಳಿಗೆ ಮೇವು ಇಲ್ಲದಂತಾಗಿದೆ ಎನ್ನುವುದು ಗ್ರಾಮಸ್ಥರ ಅಳಲು.