ಚಿಕ್ಕಬಳ್ಳಾಪುರ: ನೆಮ್ಮದಿಯಾಗಿದ್ದ ದೇಶದಲ್ಲಿ ಪೌರತ್ವ ಕಾಯಿದೆಗೆ ತಿದ್ದುಪಡಿ ತರುವ ಮೂಲಕ ಬಿಜೆಪಿ ಸರಕಾರ ಅನಾವಶ್ಯಕವಾಗಿ ಗಲಭೆ, ಅಶಾಂತಿ ಸೃಷ್ಟಿಸಿದೆ ಎಂದು ಮಾಜಿ ಸ್ಪೀಕರ್‌ ಕೆ ರಮೇಶ್‌ ಕುಮಾರ್‌ ದೂರಿದ್ದಾರೆ.

ಚಿಕ್ಕಬಳ್ಳಾಪುರದಲ್ಲಿ ಪೌರತ್ವ ಕಾಯ್ದೆ ತಿದ್ದುಪಡಿ ವಿರೋಧಿಸಿ ಮುಸ್ಲಿಂ ಸಂಘಟನೆಗಳು ಕರೆ ಕೊಟ್ಟಿದ ಪ್ರತಿಭಟನೆಯಲ್ಲಿ ಪಾಲ್ಗೊಂಡು ಅವರು ಮಾತನಾಡಿದರು.

“ದೇಶ ಇಂದು ಅಪಾಯದ ಅಂಚಿನಲ್ಲಿದ್ದು ಪಾರ್ಲಿಮೆಂಟ್ ಕೂಡ ಸಂವಿಧಾನಕ್ಕೆ ತದ್ವಿರುದ್ಧವಾಗಿ ನಡೆದುಕೊಳ್ಳುತ್ತಿದೆ. ಮೋದಿ, ಅಮಿತ್ ಶಾ ಸಂವಿಧಾನದ ಆಶಯಗಳಿಗೆ ಧಕ್ಕೆ ತರುವ ನಿಟ್ಟಿನಲ್ಲಿ ಸರ್ವಾಧಿಕಾರ ನಡೆಸಲು ಹೊರಟಿದ್ದಾರೆ,” ಎಂದು ಕಿಡಕಾರಿದರು.

'ನಗರ ನಕ್ಸಲರು' ಹೇಳಿಕೆ: ಮೋದಿ ಕ್ಷಮೆಯಾಚನೆಗೆ ಡಿಕೆ ಶಿವಕುಮಾರ್‌ ಆಗ್ರಹ

“ಸಂವಿಧಾನದ ಜೊತೆಗೆ ರಾಷ್ಟ್ರಧ್ವಜ ಬದಲಾಯಿಸುವ ಹುನ್ನಾರವೂ ಒಳಗೊಳಗೆ ಮಾಡಲಾಗುತ್ತಿದೆ. ದೇಶದ ಜನತೆ ಎಚ್ಚೆತ್ತುಕೊಳ್ಳಬೇಕು ಸಂವಿಧಾನ ಉಳಿವಿಗಾಗಿ ಹೋರಾಟ ಮುಂದುವರೆಸಬೇಕು,” ಎಂದು ಅವರು ಇದೇ ಸಂದರ್ಭದಲ್ಲಿ ಕರೆ ನೀಡಿದರು.